ສານຂັ້ນຕົ້ນແຂວງອຸດົມໄຊຕັດອິດສາລະພາບຈໍາເລີຍຕະຫຼອດຊີວິດ ຄະດີຂາຍຢາເສບຕິດ

ໃນວັນທີ 12 ກໍລະກົດ 2023 ສານປະຊາຊົນຂັ້ນຕົ້ນແຂວງອຸດົມໄຊ ໄດ້ພິຈາລະນາຕັດສິນລົງໂທດຈຳເລີຍ 2 ຄົນ ຄະດີລັກລອບຂາຍຢາເສບຕິດ ຄື:

ຈຳເລີຍທີ 1: ທ້າວ ທອນ ສຸກຈັນທອນ ອາຍຸ 30 ປີ ປະຊາຊົນ ບ້ານດອນຄໍາ ເມືອງຮຸນ ແຂວງອຸດົມໄຊ ຖືກກັກຕົວໃນວັນທີ 16 ສິງຫາ 2022, ຂໍ້ຫາຄ້າ ຂາຍຢາບ້າ ແລະ ມີຢາບ້າໄວ້ໃນຄອບຄອງ 9 ມັດ ເທົ່າກັບ 18.000 ເມັດ ນໍ້າໜັກ 1,8 ກິໂລກຼາມ ຕັດສິນຕັດອິດສາລະພາບຕະຫຼອດຊີວິດ ແລະປັບໃໝ 500 ລ້ານກີບ ຮິບຢາບ້າຈໍານວນດັ່ງກ່າວມາທໍາລາຍຖິ້ມ, ຮິບພາຫະນະລົດຈັກຍີ່ຫໍ້ຮອນດ້າເວບໄອສີດໍາ ໝາຍເລກຖະບຽນອຸດົມໄຊ ຈສ 5385 ແລະ ໂທລະສັບ 1 ເຄື່ອງທີ່ນຳໃຊ້ໃນການກະທຳຜິດມາເປັນຂອງລັດ.

ຈຳເລີຍທີ 2: ທ້າວ ສີທອງ ອາຍຸ 50 ປີ ປະຊາຊົນ ຢູ່ບ້ານແທນຄູນ ເມືອງງາ ແຂວງອຸດົມໄຊ ຈໍາຄຸກ 5 ປີ ປັບໃໝ່ 10 ລ້ານກີບ ຖານຄ້າຂາຍຢາບ້າ ແລະມີຢາບ້າໄວໃນຄອບຄອງ ເຈົ້າໜ້າທີ່ ປກສ ເມືອງງາ ແຂວງອຸດົມໄຊ ກັກຕົວໃນວັນທີ 29 ກໍລະກົດ 2022 ພ້ອມຂອງກາງຢາບ້າຈໍານວນ 169 ເມັດ ນໍ້າໜັກ 16,1 ກຼາມ ແລະເງິນ 4.050.000 ກີບ ຢູ່ໃນຫ້ອງນອນຂອງຜູ້ກ່ຽວ.

ພາບ-ຂ່າວ​ຈາ​ກ: ຄວາມສະຫງົບ Lao Security News

แชร์