ເຄິ່ງປີ ເມືອງຊະນະສົມບູນ ມີຜູ້ເສຍຊີວິດ 10 ຄົນ ຈາກອຸບັດຕິເຫດ

ຕາມການລາຍງານຂອງທ່ານ ພັຕ ປາລະສິດ ເດດສະບັນດິດ ຫົວໜ້າໜ່ວຍງານຈາລະຈອນເມືອງກອງບັນຊາການປ້ອງກັນຄວາມສະຫງົບເມືອງຊະນະສົມບູນແຂວງຈໍາປາສັກໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2023 ມີອຸບັດຕິເຫດທີ່ເກີດຂຶ້ນທັງໝົດ 49 ລາຍ ໃນນັ້ນ, ມີຄົນໄດ້ຮັບບາດເຈັບທັງໝົດ 73 ຄົນ ຍິງ 26 ຄົນ ໃນນັ້ນບາດເຈັບເລັກນ້ອຍມີ 34 ຄົນ ຍິງ 12 ຄົນ, ບາດເຈັບພໍສົມຄວນມີ 20 ຄົນ ຍິງ 7 ຄົນ,ບາດເຈັບສາຫັດມີ 9 ຄົນ,ຍິງ 2 ຄົນ ແລະເສຍຊີວິດ 10 ຄົນ ຍິງ 5 ຄົນ; ມີພາພະນະເປ້ເພທັງໝົດ 77 ຄັນ. ໃນນັ້ນ, ເປ້ເພເລັກນ້ອຍ 33 ຄັນ, ເປ້ເພສົມຄວນ 42 ຄັນ ແລະ ໃຊ້ການບໍ່ໄດ້ມີ 2 ຄັນ ລວມມູນຄ່າເສຍຫາຍທັງໝົດ 1.058.700.000 ກີບ ຖ້າທຽບໃສ່ໄລຍະດຽວຂອງປີຜ່ານມາເພີ່ມຂຶ້ນ 18 ລາຍ.

ສາເຫດສ່ວນໃຫຍ່ແມ່ນເກີດຈາກການຂັບຂີ່ພາຫະນະມີການປ່ຽນທິດທາງບໍ່ຮັບປະກັນຄວາມປອດໄພ ມີເຖິງ 11 ລາຍ, ສັດລ້ຽງຂອງພໍ່ແມ່ປະຊາຊົນຂາດການຄຸ້ມຄອງມີ 9 ລາຍ, ການຂັບຂີ່ບໍ່ຮັກສາໄລຍະຫ່າງມີ 8 ລາຍ, ແຊງບໍ່ຮັບປະກັນຄວາມປອດໄພມີ 6 ລາຍ ແລະດື່ມທາດມຶນເມົາແລ້ວຂັບຂີ່ມີ 5 ລາຍ.
(ຂ່າວ-ພາບ: ຫ້ອງການ ຖວທ ເມືອງ)

แชร์