ເຄິ່ງປີ ນະຄອນໄກສອນພົມວິຫານ ເກັບລາຍຮັບໄດ້ 8,612 ຕື້ກວ່າກີບ

ທ່ານ ຄຳພຽນ ມາດນີວົງ ຫົວໜ້າຫ້ອງການ-ການເງິນ ນະຄອນໄກສອນພົມວິຫານ ແຂວງສະຫວັນນະເຂດ ໄດ້ລາຍງານຕໍ່ກອງປະຊຸມສະຫຼຸບວຽກງານການເກັບລາຍຮັບເຂົ້າງົບປະມານ 6 ເດືອນຕົ້ນປີ ແລະ ຄາດຄະເນ 6 ເດືອນທ້າຍປີ 2023 ເຊິ່ງຈັດຂຶ້ນເມື່ອບໍ່ດົນຜ່ານມານີ້ ໃຫ້ຮູ້ວ່າ: ໃນໄລຍະ 6 ເດືອນຜ່ານມາສາມາດເກັບລາຍຮັບເຂົ້າງົບປະມານໄດ້ 8,612 ຕື້ກວ່າກີບ ເທົ່າກັບ 58,23% ຂອງແຜນການປີ, ຖ້າທຽບໃສ່ ປີ 2022 ຫຼຸດລົງ 17,69% ໃນນີ້ ໄດ້ຈາກອາກອນ 4,242 ຕື້ກວ່າກີບ ເທົ່າກັບ 63,69%,ຄ່າທໍານຽມໄດ້ 2,401 ຕື້ກວ່າກີບ ເທົ່າກັບ 187,58%, ຄ່າບໍລິການໄດ້ 254 ລ້ານກວ່າກີບ ເທົ່າກັບ 32,26%,ພາສີທີ່ດິນບັນລຸໄດ້ 1,342 ຕື້ກວ່າກີບ ເທົ່າກັບ 25,51%, ຊັບສິນລັດໄດ້ 371 ລ້ານກວ່າກີບ ເທົ່າກັບ 46,46%. ສ່ວນການປະຕິບັດລາຍຈ່າຍງົບປະມານ 6 ເດືອນ ມີຈຳນວນ 2,338 ຕື້ກວ່າກີບ ເທົ່າກັບ 69,952% ຂອງແຜນການ.

ສຳລັບແຜນຈັດເກັບລາຍຮັບງົບປະມານໃນ 6 ເດືອນທ້າຍ ປີ 2023 ນະຄອນ ຈະໃຫ້ໄດ້ບັນລຸຕາມແຜນການ 100% ຫຼືລື່ນແຜນການປີ.
ຂໍ້ມູນຂ່າວ: ນະຄອນໄກສອນ ພົມວິຫານ

แชร์