ພາສີ ແຈ້ງປະມູນຂາຍຖ່ານດຳດັງໄຟ ເພື່ອນຳເງິນເຂົ້າງົບປະມານ ຈໍານວນ 27 ພັນກວ່າເປົ໋າ​

ພາສີປະຈຳແຂວງສະຫວັນນະເຂດ ຂໍແຈ້ງມາຍັງບັນດາບຸກຄົນ, ນິຕິບຸກຄົນ ພາຍໃນແຂວງ ແລະ​ຕ່າງແຂວງ ຊາບວ່າ: ພາສີປະຈຳແຂວງຈະໄດ້ນຳເອົາສິນຄ້າທີ່ໄດ້ອະນຸມັດຕົກເປັນຂອງລັດ ອອກປະມູນຂາຍ ເພື່ອນຳເງິນມອບເຂົ້າງົບປະມານຕາມລະບຽບກົດໝາຍ, ຊຶ່ງສິນຄ້າທີ່ນຳມາປະມູນຄັ້ງນີ້ມີປະເພດ ຖ່ານດຳດັງໄຟ ຈຳນວນ 681,750 ໂຕນ ( 27.070 ເປ໋າ).​

ສໍາລັບເງື່ອນໄຂຜູ້ເຂົ້າຮ່ວມປະມູນຊື້ຕ້ອງເປັນບຸກຄົນ, ນິຕິບຸກຄົນທີ່ມີອະນຸຍາດດຳເນີນທຸລະກິດກ່ຽວກັບຖ່ານດັງໄຟ ແລະມີອະນຸຍາດຖືກຕ້ອງ, ຄົບຖ້ວນ ຕາມ
ລະບຽບກົດໝາຍຂອງ ສປປ ລາວ ທີ່ມີຜົນບັງຄັບໃຊ້ໃນປະຈຸບັນ, ຜູ້ທີ່ມີຄວາມສົນໃຈສາມາດເຂົ້າໄປພົວພັນນຳຂະແໜງກວດກາ ແລະ ກວດສອບຄືນການແຈ້ງພາສີ ສະຖານທີ່ຕັ້ງຢູ່ຫ່າງຈາກດ່ານສາກົນຂົວມິດຕະພາບລາວ-ໄທແຫ່ງທີ 2 ປະມານ 2 Km.​

ເລີ່ມແຕ່ວັນທີ​ 18/07/2023 ຫາວັນທີ 20/07/2023 ຕາມວັນລັດຖະການ, ຖ້າກາຍກຳນົດດັ່ງກ່າວຈະບໍ່ຮັບພິຈາລະນາ, ກຳນົດມື້ເປີດຊອງວັນທີ​ 21/07/2023, ເວລາ 9:30 ໂມງ.

แชร์