ສປປ ລາວ ຂາດດຸນການຄ້າ 126 ລ້ານໂດລາ ໃນເດືອນມິຖຸນາ

ອີງຕາມການເຜີຍຂໍ້ມູນຂອງສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ ກະຊວງອຸດສາຫະກໍາ ແລະການຄ້າ ໄດ້ໃຫ້ຮູ້ວ່າ: ມູນຄ່າການນໍາເຂົ້າ ແລະສົ່ງອອກສິນຄ້າ ຂອງ ສປປ ລາວ ປະຈໍາເດືອນມິຖຸນາ 2023 ບັນລຸໄດ້ ປະມານ 1.041 ລ້ານໂດລາ ໃນນີ້ ມູນຄ່າການສົ່ງອອກ 458 ລ້ານໂດລາ, ມູນຄ່າການນໍາເຂົ້າ 584 ລ້ານໂດລາ ເຮັດໃຫ້ ສປປ ລາວ ຂາດດຸນການຄ້າ ປະມານ 126 ລ້ານໂດລາ (ໃນນີ້ຍັງບໍ່ລວມເອົາການສົ່ງອອກໄຟຟ້າ).

ສິນຄ້າສົ່ງອອກ 10 ອັນດັບ ໄດ້ແກ່: ເກືອກາລີ, ຄຳປະສົມ ແລະ ຄຳແທ່ງ, ເຈ້ຍ ແລະເຄື່ອງທີ່ເຮັດດ້ວຍເຈ້ຍ, ແຮ່ທອງ, ນໍ້າຕານ, ແຮ່ເຫຼັກ, ເຄື່ອງດື່ມ, ເຍື່ອໄມ້ ແລະ ເສດເຈ້ຍ, ເຄື່ອງນຸ່ງຫົ່ມ ແລະ ຢາງພາລາ.

ສິນຄ້ານໍາເຂົ້າ 10 ອັນດັບ ໄດ້ແກ່: ນໍ້າມັນກາຊວນ, ພາຫະນະທາງບົກ, ເຄື່ອງໄຟຟ້າ ແລະອຸປະກອນໄຟຟ້າ, ອຸປະກອນກົນຈັກ, ຊິ້ນສ່ວນອາໄຫຼ່ລົດ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຄື່ອງດື່ມ, ນໍ້າມັນແອັດຊັງ, ເຄື່ອງໃຊ້ທີ່ເຮັດດ້ວຍພລາສະຕິກ ແລະສາຍໄຟຟ້າ ແລະເຄເບີ້ລ.

ປະເທດທີ່ ສປປ ລາວ ສົ່ງອອກຫຼາຍ 5 ອັນດັບ ໄດ້ແກ່: ຈີນ 172 ລ້ານໂດລາ, ຫວຽດນາມ 106 ລ້ານໂດລາ, ໄທ 48 ລ້ານໂດລາ, ອົສຕຣາລີ 33 ລ້ານໂດລາ ແລະສະຫະລັດອາເມຣິກາ 12 ລ້ານໂດລາ.

ປະເທດທີ່ ສປປ ລາວ ນໍາເຂົ້າຫຼາຍ 5 ອັນດັບ ໄດ້ແກ່: ໄທ 297 ລ້ານໂດລາ, ຈີນ 171 ລ້ານໂດລາ, ຫວຽດນາມ 29 ລ້ານໂດລາ, ສະຫະລັດອາເມຣິກາ 13 ລ້ານໂດລາ ແລະຍີ່ປຸ່ນ 15 ລ້ານໂດລາ.

แชร์