ດ່ານສາກົນສິນຄ້າທ່າບົກທ່ານາແລ້ງ ເປັນຈຸດເຊື່ອມຕໍ່ການຂົນສົ່ງສິນຄ້າໃນພາກພື້ນສູ່ສາກົນ

ໂຄງການພັດທະນາທ່າບົກທ່ານາແລ້ງເຮັດໜ້າທີ່ເປັນສູນກາງຂອງການຂະຫຍາຍການຄ້າລະຫວ່າງອາຊຽນ ໄປ ສປ ຈີນ ແລະ ສປ ຈີນ ໄປສູ່ ເອີຣົບ ໂດຍນໍາໃຊ້ໂຄງການເສັ້ນທາງລົດໄຟ ລາວ-ຈີນ ຖືເປັນການເຊື່ອມຕໍ່ການຂົນສົ່ງສິນຄ້າໄປປະເທດຕ່າງໆ.

ໃນວັນທີ 17 ກໍລະກົດ 2023 ສື່ມວນຊົນລາວ-ຈີນ ໄດ້ໄປຢ້ຽມຢາມສໍາພາດທີ່ດ່ານສາກົນສິນຄ້າທ່າບົກທ່ານາແລ້ງ ແລະເຂດໂລຊິດສະຕິກນະຄອນຫຼວງວຽງຈັນ ທີ່ຕັ້ງຢູ່ບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ ໃນໂອກາດຮ່ວມກິດຈະກຳສຳພາດຕາມເສັ້ນທາງລາວ-ຈີນ ພາຍໃຕ້ຫົວຂໍ້ “ ໝູ່ເພື່ອນ ໜຶ່ງແລວ ໜຶ່ງເສັ້ນທາງ” ໂດຍການຕ້ອນຮັບຂອງທ່ານ ຊ່າງດາຊົວ (Chang Da Shuah) ຜູ້ຈັດການໂຄງການ ບໍລິສັດພາວເວີຊາຍນາ ແລະທ່ານ ແສງດາລັດ ອິນທະວັນ ວິຊາການສົ່ງເສີມນັກລົງທຶນນດ່ານສາກົນສິນຄ້າທ່າບົກທ່ານາແລ້ງ ແລະເຂດໂລຊິດສະຕິກນະຄອນຫຼວງວຽງຈັນ ພ້ອມດ້ວຍພະນັກງານ.

ໂອກາດນີ້ທ່ານ ແສງດາລັດ ອິນທະວັນ ວິຊາການສົ່ງເສີມນັກລົງທຶນດ່ານສາກົນສິນຄ້າທ່າບົກທ່ານາແລ້ງ ແລະເຂດໂລຊິດສະຕິກນະຄອນຫຼວງວຽງຈັນ ໃຫ້ຮູ້ວ່າ: ໃນການກໍ່ສ້າງໂຄງການພັດທະນາທ່າບົກທ່ານາແລ້ງ ແລະເຂດໂລຊິດສະຕິກນະຄອນຫຼວງວຽງຈັນໃນໄລຍະທີ 1 ມີເນື້ອທີພັດທະນາ 55 ເຮັກຕາ ຊຶ່ງບໍລິສັດພາວເວີໄຊນາ ເປັນຜູ້ຮັບເໝົາກໍ່ສ້າງໃນເຂດດັ່ງກ່າວສຳເລັດການກໍ່ສ້າງໃນໄລຍະ 11 ເດືອນຖືວ່າກໍ່ສ້າງສຳເລັດກ່ອນແຜນການທີ່ກຳນົດຍັງເຫຼືອພຽງບາງວຽກທີ່ຍັງຕົກຄ້າງທີ່ທາງບໍລິສັດດັ່ງກ່າວຕ້ອງສືບຕໍ່ດຳເນີນການແກ້ໄຂ.

ໂຄງການພັດທະນາທ່າບົກທ່ານາແລ້ງສ້າງຂຶ້ນເພື່ອຜັນຂະຫຍາຍນະໂຍບາຍຂອງລັດຖະບານ ແຫ່ງ ສປປ ລາວ ໃຫ້ເປັນສູນກາງແຫ່ງການເຊື່ອມໂຍງເຊື່ອມຈອດອານຸພາກພື້ນ ແລະສາກົນ ເຊິ່ງຈຸດທີ່ຕັ້ງຂອງໂຄງການຈະເຮັດໜ້າທີ່ເປັນສູນກາງຂອງການຂະຫຍາຍການຄ້າລະຫວ່າງອາຊຽນໄປ ສປ ຈີນ ແລະ ສປ ຈີນ ໄປສູ່ເອີຣົບ ໂດຍນໍາໃຊ້ໂຄງການເສັ້ນທາງລົດໄຟລາວ-ຈີນ ພ້ອມນັ້ນ ການພັດທະນາໂຄງການດ່ານສາກົນສິນຄ້າທ່າບົກທ່ານາແລ້ງມີຄວາມສໍາຄັນຫຼາຍຍ້ອນໂຄງການດັ່ງກ່າວເປັນຍຸດທະສາດໜຶ່ງຂອງໂຄງການພັດທະນາ Laos Logistics Link ເປັນຈຸດເຊື່ອມຕໍ່ຫຼັກຂອງບັນດາການຂົນສົ່ງສິນຄ້າຫຼາຍຮູບແບບທາງລົດທາງລາງທາງເຮືອ ແລະ ເຊື່ອມໂຍງບັນດາຈຸດພັດທະນາຕ່າງໆໃນພາກພື້ນສູ່ສາກົນມີເປົ້າໝາຍຫຼັກເພື່ອຫຼຸດຕົ້ນທຶນໂລຊິດສະຕິກຂອງປະເທດລາວໂດຍໄດ້ເປີດນໍາໃຊ້ຢ່າງເປັນທາງການວັນທີ 4 ທັນວາ 2021 ເປັນຕົ້ນມາ ທ່າບົກທ່ານາແລ້ງ ເປັນ 1 ໃນ 5 ອົງປະກອບຂອງໂຄງການວຽງຈັນໂລຊິດສະຕິກພາກມີສະຖານະບັນສະຖານີຂົນສົ່ງລະຫວ່າງປະເທດຕັ້ງຢູ່ຊາຍແດນຫ່າງຈາກຂົວມິດຕະພາບລາວ-ໄທ 800 ແມັດ ມີເນື້ອທີ່ 55 ເຮັກຕາ ເນື້ອທີ່ສະຫງວນ 33 ເຮັກຕາ ແລະເຂດໂລຊິດສະຕິກພາກເນື້ອທີ 317 ເຮັກຕາ ຊຶ່ງປະກອບມີສູນໂລຊິດສະຕິກສູນການຜະລິດເພື່ອສົ່ງອອກສູນປະຕິບັດຮັກສາທາດແຫຼວເຂດການຄ້າເຂດປອດພາສີ ແລະສູນກາງການເງິນຈຸດພິເສດຂອງເຂດດັ່ງກ່າວຕັ້ງຢູ່ເສັ້ນທາງເຊື່ອມຕໍ່ທີ່ຄວາມສາມາດຂົນສົ່ງສູງເນື່ອງຈາກຕັ້ງຢູ່ເສັ້ນທາງລົດໄຟລາວ-ໄທ ແລະເສັ້ນທາງລົດໄຟລາວ-ຈີນ ນອກນັ້ນຍັງ
ທີ່ມາ: ວຽງຈັນໃໝ່

แชร์