ໂຮງຮຽນຈັນທະວົງ ສະຫຼຸບສົກຮຽນມອບໃບຢັ້ງຢືນນັກຮຽນຈົບຊັ້ນ

ສົກຮຽນ 2022-2023 ໂຮງຮຽນຈັນທະວົງ ໜຶ່ງໂຮງຮຽນເພິ່ນເອົາໃຈໃສ່ທຸ້ມເທ່ການຮຽນ-ການສອນ ເພື່ອໃຫ້ນັກຮຽນໄດ້ຮັບຄຸນນະພາບມາດຖານຂອງກະຊວງສຶກສາວ່າງອອກຊຶ່ງປີນີ້ເປັນປີນີ້ມີນັກຮຽນເສັງຈົບຊັ້ນ ປໍ5 ໄດ້ຄະແນນ 7 ຂື້ນໄປທຸກວິຊາ 14 ນ້ອງ ໃນຈຳນວນທັງໝົດ 26 ນ້ອງ ພ້ອມນີ້ຍັງມີນັກຮຽນໄດ້ເຂົ້າສອບເສັງນັກຮຽນເກັ່ງຂັ້ນກຸ່ມ, ຂັ້ນເມືອງ ແລະຊັ້ນອານຸບານມີນັກຮຽນມີ 240 ຄົນ ເສັງໄດ້ 100%, ຊັ້ນປະຖົມ ປ1-ປ4 ມີ 184 ຄົນເສັງໄດ້ 99%, ຫ້ອງ ປ5 ມີ 26 ຄົນ ເສັງຈົບຊັ້ນໄດ້ 100% ໃນງານມອບ-ຮັບໃບປະກາດນັກຮຽນຈົບຊັ້ນປໍ5 ແລະຂອງຂວັນນັກຮຽນເກັ່ງແມ່ນທ່ານ ຄຳຄູນ ອາສະນາຈັນ ຮອງຫົວໜ້າສືກສາເມືອງໄຊທານີ ເປັນກຽດເຂົ້າຮ່ວມ ແລະເປັນກຽດມອບໃບປະກາດຈົບຊັ້ນໄຫ້ແກ່ນັກຮຽນຊັ້ນ ປໍ5.

ໂຮງຮຽນຈັນທະວົງ ຕັ້ງຢູ່ເຂດບ້ານນາລ້ອມ ເມືອງໄຊທານີ ນະຄອນຫຼວງວຽງຈັນ. ໄດ້ຮັບອະນຸຍາດສ້າງຕັ້ງແຕ່ປີ 2018 ດຳເນີນມາເປັນເວລາ 5ປີ. ມີອາຄານຮຽນສອງຫຼັງ: ມີຫ້ອງທັງໝົດ28ຫ້ອງນຳໃຊ້ແລ້ວ 21 ຫ້ອງໃນນັ້ນມີ: ຫ້ອງອຳນວຍການ 1 ຫ້ອງ, ຫ້ອງວິຊາການ 1 ຫ້ອງ ແລະຫ້ອງບໍລິຫານ.ມີບ່ອນລ້າງມືໃນຫ້ອງນໍ້າ, ໜ້າຫ້ອງອາຫານ ແລະ ເດີ່ນຫຼີ້ນເພື່ອອຳນວຍຄວາມສະດວກໃຫ້ນັກຮຽນ. ຈຳນວນພະນັກງານ ແລະ ຈຳນວນນັກຮຽນປະຈຸບັນມີຜູ້ບໍລິຫານ ແລະພະນັກງານທັງໝົດ 29 ຄົນເປັນຍິງ 26 ຄົນ, ມີນັກຮຽນທັງໝັດ 418 ຍິງ 208 ຄົນ.

ດ້ານແນວຄິດປຸກລະດົມໃຫ້ຄູທຸກຄົນມີແນວຄິດຫຼັກໝັ້ມຊົນຊັ້ນດີ, ມີລະບຽບວິໄນເອົາໃຈໃສ່ຕໍ່ຄວາມຮັບຜິດຊອບຂອງຕົນ ແລະດ້ານວຽກງານທາງໂຮງຮຽນໄດ້ນຳພາທຸກວຽກງານການເຄື່ອນໄຫວແບບລວມສູນປະຊາທິປະໄຕ, ບຸກຄົນຮັບຜິດຊອບ, ມອບວຽກຖືກຕາມວິຊາທີ່ຮຽນມາ, ມີການວາງແຜນ-ກວດກາ ແລະ ປະເມີນງານເປັນໝູ່ຄະນະ.

ວຽກງານວິຊາການ. ຫຼັກສູດການຮຽນ-ການສອນໄດ້ປະຕິບັດດຳເນີນການຮຽນ-ການສອນຕາມຫຼັກສູດໂຄງການຂອງກະຊວງສືກສາທິການແລະກິລາ, ສອດຄ່ອງຕາມ 3 ລັກສະນະ 5 ຫຼັກມູນການສືກສາ. ໄດ້ປະຕິບັດການຮຽນ-ການສອນຕາມ 5 ຫຼັກມູນການສືກສາ ແລະ3 ຂໍ້ແຂ່ງຂັນທີ່ຂັ້ນເທິງກຳນົດໄວ້. ຄູທຸກຄົນໄດ້ວາງແຜນການສອນກຽມສື່ການສອນການສອນ, ແຕ່ງບົດສອນ, ຜ່ານບົດສອນກ່ອນຂື້ນຫ້ອງສອນ. ໄດ້ຈັດຕັ້ງໜ່ວຍງານວິຊາການເຂົ້າຮ່ວມໂມງສອນຂອງແຕ່ລະຫ້ອງເພື່ອຖອດຖອນບົດຮຽນໃນແຕ່ລະພາກຮຽນ.

ທິດທາງແຜນການສົກຮຽນ 2023-2024. ຕັ້ງໜ້າປະຕິບັດຂໍ້ກຳນົດ, ກົດລະບຽບກໍ່ຄືມາດຖານການຮຽນ-ການສອນຕາມແຜນການຂອງຂັ້ນເທິງວາງອອກຢ່າງເຂັ້ມງວດ. ປັບປຸງປົວແປງອາຄານ ແລະສະຖານທີ່-ບ່ອນທີ່ຊຸດໂຊມ. ເປີດນຳໃຊ້ຫ້ອງສະໝຸດເພື່ອໃຫ້ນັກຮຽນໄດ້ຊອກຮູ້ຮໍ່າຮຽນ ແລະ ຮູ້ຮັກການອ່ານ. ສືບຕໍ່ປ້ອງກັນການລະບາດຂອງພະຍາດຕ່າງໆ ເພື່ອໃຫ້ທຸກຄົນປອດໄຟ ແລະ ມີສຸຂະພາບແຂງແຮງ. ນຳພາທຸກວຽກງານ-ການເຄື່ອນໄຫວໃນທຸກດ້ານ-ຕ້ານປະກົດການຫຍໍ້ທໍ້. ສືບຕໍ່ປັບປຸງ-ພັດທະນາໂຮງຮຽນໃຫ້ໄດ້ຮັບອະນຸຍາດເປັນໂຮງຮຽນສີຂຽວສະພາບແວດລ້ອມດີ. ປ້ອງກັນຕ້ານ ແລະ ສະກັດກັ້ນສີ່ງເສບຕິດທຸກປະເພດເພື່ອໄດ້ຮັບອະນຸຍາດເປັນໂຮງຮຽນປອດສີ່ງເສບຕິດ.

แชร์