ບໍ່ແກ້ວ ເປີດຈຸດບໍລິການລົດຕູ້ຂົນສົ່ງໂດຍສານພາຍໃນ ແລະຕ່າງແຂວງ

ບໍລິສັດ ເພັດອາລຸນ ຮ່ວມກັບສະມາຄົມລົດຕູ້ຮັບເໝົາຂົນສົ່ງໂດຍສານແຂວງບໍ່ແກ້ວ ໄດ້ເປີດຈຸດບໍລິການລົດຕູ້ຂົນສົ່ງໂດຍສານປະຈຳທາງ ແລະບໍ່ປະຈຳທາງທັງພາຍໃນແຂວງບໍ່ແກ້ວ ແລະຕ່າງແຂວງໃນວັນທີ 17 ກໍລະກົດນີ້.

ຈຸດບໍລິການລົດຕູ້ຂົນສົ່ງໂດຍສານດັ່ງກ່າວໄດ້ເປີດໃຫ້ບໍລິການທຸກໆວັນໂດຍມີສາຍທາງຈາກຫ້ວຍຊາຍຫາ ແຂວງຫຼວງນໍ້າທາ ມີຖ້ຽວ 7:00 ໂມງ ແລະ17:00 ໂມງ ລາຄາ 150.000 ກີບ, ສາຍທາງຈາກຫ້ວຍຊາຍ ຫາສະໜາມບິນແຂວງຫຼວງນໍ້າທາມີຖ້ຽວ 7:00 ໂມງ ແລະ 9:00 ໂມງ ລາຄາ 150.000 ກີບ, ສາຍທາງຈາກຫ້ວຍຊາຍຫາສະຖານີລົດໄຟນາເຕີຍມີຖ້ຽວ 7:00 ໂມງ ແລະ10 ໂມງ 30 ນາທີ ລາຄາ 200.000 ກີບ, ສາຍທາງຈາກຫ້ວຍຊາຍຫາບໍ່ເຕ່ນມີຖ້ຽວ 7:00 ໂມງ ແລະ12 ໂມງ 30 ນາທີ, ລາຄາ 300.000 ກີບ, ສາຍທາງຈາກຫ້ວຍຊາຍຫາເມືອງຕົ້ນເຜິ້ງມີຖ້ຽວ 7:00 ໂມງ ແລະ 17:00 ໂມງ, ລາຄາ 100.000 ກີບ. ນອກນີ້ຍັງມີບໍລິການພິເສດຂົນສົ່ງໂດຍສານປະຈຳທາງ ແລະບໍ່ປະຈຳທາງແບບເໜົາຄັນສາມາດບໍລິການໄດ້ຕະຫຼອດ 24 ຊົ່ວໂມງ.

ສະມາຄົມລົດຕູ້ຮັບເໝົາຂົນສົ່ງໂດຍສານແຂວງບໍ່ແກ້ວໄດ້ມີລົດຕູ້ຂົນສົ່ງໂດຍສານ 100 ກວ່າຄັນ ໄວ້ຄອຍບໍລິການ,ຖ້າທ່ານໃດສົນໃຈໃຊ້ບໍລິການສາມາດຕິດຕໍ່ສອບຖາມໄດ້ທີ່ເບີໂທ 020 5561 7435, 020 5548 3729, 020 9999 7355 ຫຼື ເຂົ້າໄປພົວພັນດ້ວຍຕົນເອງໄດ້ທີ່ຈຸດບໍລິການລົດຕູ້ຂົນສົ່ງໂດຍສານປະຈຳທາງ ແລະບໍ່ປະຈຳທາງທັງພາຍໃນແຂວງບໍ່ແກ້ວ ແລະຕ່າງແຂວງຊຶ່ງຕັ້ງຢູ່ກົງກັນຂ້າມກັບສະຖານີຂົນສົ່ງລົດໂດຍສານເພັດອາລຸນ ບ້ານປາກຮາວເໝືອ ເມືອງຫ້ວຍຊາຍ ແຂວງບໍ່ແກ້ວ.
ຂ່າວ-ພາບ: ສາຍສະໝອນ ແກ້ວວິສິດ

แชร์