ເຄິ່ງປີດ່ານສາກົນພູເກືອ ເກັບລາຍຮັບໄດ້ 31​ ຕື້ກວ່າກີບ​

ເມື່ອບໍ່ດົນຜ່ານມາ, ຄະນະຄຸ້ມຄອງດ່ານສາກົນພູເກືອ ແຂວງອັດຕະປື ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2023, ຂຶ້ນທີ່ຫ້ອງປະຊຸມຢູ່ດ່ານດັ່ງກ່າວ, ໂດຍການເປັນປະທານຂອງທ່ານ ພັນເອກ ໂພໄຊ ສຸລິວົງ ຫົວໜ້າຄະນະຄຸ້ມຄອງດ່ານສາກົນພູເກືອ.

ກອງປະຊຸມໄດ້ຜ່ານສະຫຼຸບການຈັດຕັ້ງປະຕິບັດໃນໄລຍະ 6 ເດືອນຜ່ານມາ, ການສົ່ງອອກ-ນໍາເຂົ້າສິນຄ້າໄດ້ປະກອບເອກະສານໃນການສົ່ງອອກສິນຄ້າຜ່ານດ່ານມີ 921 ຊຸດ, ຄິດເປັນມູນຄ່າ 56 ລ້ານກວ່າໂດລາສະຫະລັດ, ປະກອບເອກະສານການນໍາເຂົ້າຜ່ານດ່ານມີ 579 ຊຸດ, ຄິດເປັນມູນຄ່າ 32 ລ້ານກວ່າໂດລາສະຫະລັດ, ໄດ້ອຳນວຍຄວາມສະດວກໃຫ້ແກ່ຜູ້ທີ່ມາໃຊ້ບໍລິການເຂົ້າ-ອອກຜ່ານດ່ານມີ 106.154 ຄົນ ແລະ ພາຫານະເຂົ້າ-ອອກຜ່ານດ່ານມີ 16.668 ຄັນ. ໃນນັ້ນ, ຄົນແຈ້ງເຂົ້າເມືອງມີ 53.738 ຄົນ, ຍິງ 12.315 ຄົນ, ເດັກ 2.314 ຄົນ, ມີ 50 ສັນຊາດ, ຄົນແຈ້ງອອກເມືອງມີ 52.416 ຄົນ, ຍິງ 12.409 ຄົນ, ເດັກ 2.583 ຄົນ, ມີ 43 ສັນຊາດ, ລົດແຈ້ງເຂົ້າເມືອງມີ 8.061ຄັນ, ມີ 3 ສັນຊາດ, ລົດແຈ້ງອອກ ມີ 8.607ຄັນ, ມີ 3 ສັນຊາດ, ໄລຍະ 6 ເດືອນທີ່ຜ່ານມາຂະແໜງພາສີສາມາດເກັບລາຍຮັບໄດ້ທັງໝົດ 31 ຕື້ກວ່າກີບ, ທຽບແຜນປີເທົ່າກັບ 37,69%, ໄລຍະ 6 ເດືອນຜ່ານມາໜ່ວຍງານອາກອນເກັບລາຍຮັບໄດ້ທັງໝົດ 40 ລ້ານກີບ, ທຽບແຜນການປີເທົ່າກັບ 40,32%, ສ່ວນວຽກງານຂະແໜງການອື່ໆກໍ່ໄດ້ຮັບການຈັດຕັ້ງປະຕິບັດຢ່າງມີຜົນສໍາເລັດ.​

ຂ່າວ: ກະຊວງການເງິນ

แชร์