ເດືອນມິຖຸນາ ທົ່ວປະເທດມີອຸບັດຕິເຫດເກີດຂຶ້ນ 459 ຄັ້ງ, ເສຍຊີວິດ 55 ຄົນ

ບົດສະຫຼຸບ ສະຖິຕິອຸບັດຕິເຫດ ທົ່ວປະເທດ ປະຈໍາເດືອນ ມິຖຸນາ 2023 ຂອງກົມໃຫຍ່ຕໍາຫຼວດກົມຕໍາຫຼວດຈາລະຈອນຊີ້ໃຫ້ຮູ້ວ່າໃນເດືອນດຽວມີອຸບັດຕິເຫດທາງລົດ ເກີດຂຶ້ນໃນທົ່ວປະເທດ ທັງໝົດ 459 ຄັ້ງ, ມີຜູ້ເສຍຊີວິດທົ່ວປະເທດ 55 ຄົນ ຫຼຸດລົງ 8 ຄົນ ທຽບໃສ່ເດືອນພຶດສະພາ 2023.

ສາເຫດຂອງການເກີດອຸບປະຕິເຫດຫຼາຍທີ່ສຸດແມ່ນໃຊ້ຄວາມໄວເກີນ 110 ລາຍ, ບໍ່ປ່ອຍສິດ 95 ລາຍ ແລະການດື່ມສິ່ງມຶນເມົາ 86 ລາຍ ຕາມລໍາດັບ.

ອຸບັດຕິເຫດຫຼາຍກ່ວາໝູ່ ແມ່ນຢູ່ໃນໄລຍະ 17:00-24:00 ເກີດຂຶ້ນເຖິງ 313 ກໍລະນີ, ວັນເກີດອຸບັດຕິເຫດຫຼາຍກ່ອນໝູ່ແມ່ນວັນເສົາ, ວັນສຸກ ແລະວັນອັງຄານ ຕາມລໍາດັບ.

ອາຊີບຂອງຜູ້ຂັບຂີ່ທີ່ເກີດອຸບັດຕິເຫດຫຼາຍກ່ວາໝູ່ແມ່ນ 1) ຫວ່າງງານ, 2) ກໍາມະກອນ 3) ນັກສຶກສາ ແລະ4) ຂັບລົດຕາມລໍາດັບ.

ກຸ່ມອາຍຸທີ່ມັກເກີດອຸບັດຕິເຫດແມ່ນ 16-30 ປີ ມີເຖິງ 740 ກໍລະນີ !!! ແຂວງທີ່ເກີດອຸບັດຕິເຫດຫຼາຍກ່ວາໝູ່ຫຼາຍກ່ວາໝູ່ແມ່ນນະຄອນຫຼວງວຽງຈັນ, ຈໍາປາສັກ, ແລະແຂວງວຽງຈັນຕາມລໍາດັບ.

ຄົນຕ່າງປະເທດທີ່ເກີດອຸບັດຕິເຫດຫຼາຍທີ່ສຸດແມ່ນຈີນ, ຫວຽດນາມ ແລະໄທ, ຕາມລໍາດັບ.

ທີ່ມາ: FM90

แชร์