ໂຮງຮຽນສອນນາລິນ ສະຫຼຸບການຮຽນ-ການສອນ ມອບໃບຢັ້ງຢືນນັກຮຽນ

ໂຮງຮຽນອະນຸບານປະຖົມສອນນາລິນ ເປັນໂຮງຮຽນເອກະຊົນມີຊັ້ນອະນຸບານ-ປະຖົມ-ມັດທະຍົມສົມບູນ ທີ່ເພິ່ນທຸ້ມເທ່ ແລະເອົາໃຈໃສ່ທຸກດ້ານຂອງການສຶກສາ ເພື່ອໃຫ້ໄດ້ຮັບຄຸນນະພາບມາດຖານຂອງກະຊວງສຶກສາຊຶ່ງເມື່ອບໍ່ດົນມານີ້ກໍ່ໄດ້ຈັດພິທີ່ສະຫຼຸບສົກຮຽນ 2022-2023 ສຳເລັດ.

ໂຮງຮຽນອະນຸບານປະຖົມສອນນາລິນ ສ້າງຕັ້ງຂຶ້ນ ໃນປີ 2018 ຕັ້ງຢູ່ບ້ານຂາມງອຍ ເມືອງໄຊເສດຖານະຄອນຫຼວງວຽງຈັນ ໂຮງຮຽນພວກເຮົາມີຄູທັງໝົດ 16 ຄົນ ຍິງ 15ຄົນ ມີຈຳນວນນັກຮຽນທັງໝົດ 210 ຄົນ ຍິງ99 ຄົນ.

ສະຖິຕິຜົນການສອບເສັງສົກຮຽນ 2022-2023 ຊັ້ນປໍ 1 ມີນັກຮຽນ 28 ຄົນ ສອບເສັງ ທຽບເທົ່າ100%, ປໍ2 ມີ 21 ຄົນ ສອບເສັງ 20ຄົນທຽບເທົ່າ 100%, ປໍ3 ມີ12 ຄົນ ສອບເສັງ 12 ທຽບເທົ່າ100%.

ແຜນພັດທະນາການສຶກສາຂອງໂຮງຮຽນອະນຸບານ - ປະຖົມສອນນາລິນປະຈຳສົກຮຽນ 2023 – 2024 ເພື່ອເປັນການກະກຽມໃສ່ການຮຽນ - ການສອນສົກ 2023– 2024 ໃຫ້ສຳເລັດຕາມເປົ້າໝາຍ ແລະເປັນການພັດທະນາໂຮງຮຽນໃຫ້ດີຂື້ນ ແລະ ມີຄຸນນະພາບດັ່ງນັ້ນຜູ້ອຳນວຍການໂຮງຮຽນອະນຸບານ - ປະຖົມ ສອນນາລິນ ຈຶ່ງວາງແຜນການພັດທະນາປະຈຳສົກຮຽນ2023 –2024 ດັ່ງນີ້:

ອີງໃສ່ແຜນພັດທະນາການສຶກສາຂອງພະແນກສຶກສາທິການ ແລະກິລານະຄອນຫຼວງວາງອອກ, ອີງໃສ່ແຜນພັດທະນາໂຮງຮຽນຂອງຫ້ອງການສຶກສາທິການ ແລະ ກິລາເມືອງໄຊເສດຖາອີງໃສ່ແຜນພັດທະນາໂຮງຮຽນ ປະຈຳສົກຮຽນ 2023 – 2024.

ຈຸດປະສົງ: ເພື່ອພ້ອມກັນສ້າງເຮັດໃຫ້ໂຮງຮຽນກາຍເປັນໂຮງຮຽນຂອງທຸກຄົນ ແລະທຸກຄົນຕ້ອງມີສ່ວນຮ່ວມເພື່ອພັດທະນາໂຮງຮຽນໃຫ້ດີຂື້ນໄປເລື້ອຍໆ ຮັບປະກັນການປະຕິບັດການຮຽນ-ການສອນໃຫ້ຄົບຕາມໂຄງການຫຼັກສູດຂອງກະຊວງສຶກສາທິການ ແລະກິລາວາງອອກ. ເພື່ອໃຫ້ນັກຮຽນໄດ້ສຶກສາຮໍ່າຮຽນຄົບ 5 ຫຼັກມູນຂອງການສຶກສາ ຄື: ຄຸນສົມບັດສຶກສາ, ປັນຍາສຶກສາ, ສິລະປະສຶກສາ, ພະລະສຶກສາ ແລະ ແຮງງງານສຶກສາ. ຮັບປະກັນໃຫ້ມີຄູສອນດີນັກຮຽນຮຽນເກັ່ງມີຄຸນສົມບັດມີຄວາມສາມັກຄີຄູຕ້ອງຮັບປະກັນຮອບດ້ານ.

แชร์