ໄກ່ ໂອເວີແດ້ນ ແນະນໍາເອັມວີເພງ “ນາງພະຍາ”

ງານແນະນໍາເອັມວີເພງ “ນາງພະຍາ” ຂອງສິລະປິນແມ່ໃນ ວົງການ ບັນເທີງ “ໄກ່ ໂອເວີແດ້ນ” ໄດ້ຈັດຂຶ້ນໃນວັນທີ 4 ເມສາ ຜ່ານ ມາ ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນຊຶ່ງມີບັນດາສິລະປິນຊື່ດັງ ແລະນາຍແບບ-ນາງ ແບບເຂົ້າຮ່ວມຢ່າງຫຼວງຫຼາຍ.

ໄກ່ ໂອເວີແດ້ນ ເປັນສິລະປິນ ທີ່ມີຊື່ສຽງລະດັບແຖວໜ້າຂອງລາວ ໃຫ້ຮູ້ວ່າ: ດ້ວຍປະສົບການໃນດ້ານວົງການບັນເທີງທີ່ມີມາເກືອບ 20 ປີ ຢາກສ້າງປະກົດການໃໝ່ໃຫ້ກັບວົງການເພງລາວໃນເອັມວີເພງ ນາງພະຍາເປັນຄວາມໄຝ່ຝັນຂອງຕົນຕັ້ງແຕ່ຍັງນ້ອຍທີ່ຕົນຢາກຈະ ສ້າງເພງແບບນີ້ແຕ່ກໍຍັງບໍ່ທັນມີໂອ ກາດ. ມາເຖິງຕອນນີ້ກໍມີຜູ້ສະໜັບສະໜູນທີ່ໃຈດີຄອຍຊຸກຍູ້ ແລະສົ່ງ ເສີມເຮັດໃຫ້ເອັມວີເພງນີ້ໄດ້ສໍາເລັດອອກມາສົມບູນແບບຕາມຄວາມມຸ່ງ ຫວັງ.

ສໍາລັບເອັມວີເພງ “ນາງພະຍາ” ໄດ້ 4 ທີມເຕັ້ນ ທີ່ໄດ້ຮັບລາງວັນຊະ ນະເລີດຂອງການປະກວດຄັດເລືອກ ເພື່ອມາສະແດງໃນເອັມວີເພງດັ່ງ ກ່າວໄດ້ແກ່: ທີມ Killer Girls, ທີມ New Point Dance, ທີມ Precious ແລະທີມ Lady Queen ຊຶ່ງໃນແຕ່ລະທີມຈະມີຄອນເຊັບທີ່ ແຕກຕ່າງກັນ. ນອກນັ້ນ, ເອັມວີເພງ ດັ່ງກ່າວຍັງເປັນເພງທີ່ໃຊ້ງົບປະມານໃນການສ້າງຫຼາຍທີ່ສຸດ, ສະຖານທີ່ຫຼາຍທີ່ສຸດ ແລະນັກສະແດງ ຫຼາຍທີ່ສຸດອີກດ້ວຍ.

ໃນເອັມວີເພງ “ນາງພະຍາ” ໄດ້ມີການກະກຽມຄອນເຊັບຕ່າງໆ ບໍ່ວ່າຈະເປັນການປະພັນເພງ, ອອກແບບທໍານອງ ແລະການສະແດງໃນເອັມວີເພງເປັນເວລາ 1 ປີເຕັມທີ່  ໄກ່ ໂອເວີແດ້ນໄດ້ທຸ້ມເທແຮງກາຍ ແລະ ເອົາໃຈໃສ່ທຸກລາຍລະອຽດເພື່ອໃຫ້ ຜົນງານທີ່ອອກມານັ້ນສົມບູນທີ່ສຸດ ເຮັດວຽກຈົນເກືອບບໍ່ມີເວລາພັກຜ່ອນຈົນເຖິງນາທີສຸດທ້າຍຂອງ ການສ້າງຜົນງານນີ້ຈົນສໍາເລັດ. ສາມາດຕິດຕາມຜົນງານເພງນາງພະຍາຂອງ ໄກ່ ໂອເວີແດ້ນ ໄດ້ທີ່ແຟນ ເພຈ Kai Overdance ແລະຊ່ອງ ຢູທູບຂອງເພຈ Kai Overdance ໄດ້ແລ້ວ. 

ນສພ ເສດຖະກິດ-ສັງຄົມ

แชร์