ໂຮງຮຽນ ມສ ຮຸ່ງເຮືອງ ສະຫລຸບປະຈຳສົກຮຽນມອບໃບຢັ້ງຢືນນັກຮຽນ

ໂຮງຮຽນ ມສ ຮຸ່ງເຮືອງ ເປັນໂຮງຮຽນເອກະຊົນມີຊັ້ນອະນຸບານ-ປະຖົມ-ມັດທະຍົມສົມບູນ ທີ່ເພິ່ນທຸ້ມເທ່ ແລະເອົາໃຈໃສ່ທຸກດ້ານຂອງການສຶກສາເພື່ອໃຫ້ໄດ້ຮັບຄຸນນະພາບມາດຖານຂອງກະຊວງສຶກສາຊຶ່ງເມື່ອບໍ່ດົນມານີ້ກໍ່ໄດ້ຈັດພິທີ່ສະຫຼຸບສົກຮຽນ 2022-2023 ສຳເລັດ.

ໂຮງຮຽນມສຮຸ່ງເຮືອງສ້າງຕັ້ງໃນປີ 2004 ໄດ້ຮັບອະນຸຍາດເລກທີ 069/ສສ, ນຈ/04 ລົງວັນທີ 23 ສິງຫາ 2004 ຈາກພະແນກສຶກສາທິການ ແລະກິລານະຄອນຫຼວງວຽງຈັນ. ເປັນໂຮງຮຽນເອກະຊົນມີຊັ້ນອະນຸບານ-ປະຖົມ-ມັດທະຍົມສົມບູນ, ຕັ້ງຢູ່ບ້ານໜອງບົວທອງເໜືອ  ເມືອງສີໂຄດຕະບອງ ນະຄອນຫຼວງວຽງຈັນ. ມີເນື້ອທີ່ທັງໝົດ 18,440m2 ມີຫ້ອງທັງໝົດ 71 ຫ້ອງ, ຫ້ອງຮຽນ 60 ຫ້ອງ, ຫ້ອງການ 3 ຫ້ອງ, ຫ້ອງຄອມພິວເຕີ 3 ຫ້ອງ, ຫ້ອງສະມຸດ 1 ຫ້ອງ,ຫ້ອງພັກຄູ 2 ຫ້ອງ, ສະໂມສອນ 4ຫຼັງ, ເວທີສະແດງ 1 ຫຼັງ, ມີຫ້ອງນໍ້າ 66 ຫ້ອງ,ຫໍພັກຄູ 4 ຫຼັງ ແລະຫ້ອງປະຊຸມ 1 ຫ້ອງ. ໄດ້ເຂົ້າເປັນສະມາຊິກສະມາຄົມການສຶກສາພາກເອກະຊົນເລກທີ 105/ສຮອ, ລົງວັນທີ 16 ທັນວາ 2004

ສະພາບຄູ-ອາຈານ ແລະນັກຮຽນພະນັກງານຄູ-ອາຈານທັງໝົດໄດ້ຈົບວິຊາຄູ, ມີຄວາມຫ້າວຫັນຕໍ່ການສິດສອນ ແລະປະຕິບັດກົດລະບຽບຂອງຄູໄດ້ດີ, ເອົາໃຈໃສ່ໃນການສິດສອນຕາມຫຼັກສູດກະຊວງສຶກສາທິການ ແລະກິລາວາງອອກ100% ສິດສອນໄປຕາມ3ລັກສະນະ 3ຂໍ້ແຂ່ງຂັນ ແລະ 5 ຫຼັກມູນການສຶກສາພະນັກງານ ຄູອາຈານທັງໝົດ: 97 ຄົນ, ຍິງ66 ຄົນ.

ສະພາບນັກຮຽນນັກຮຽນສ່ວນຫຼາຍແມ່ນຕັ້ງໜ້າເອົາໃຈໃສ່ການສຶກສາຄົ້ນຄວ້າຮໍ່າຮຽນ ແລະປະຕິບັດກົດລະບຽບຂອງໂຮງຮຽນວາງອອກໄດ້ດີຈໍານວນນັກຮຽນທັງໝົດ 1.885 ຄົນ, ຍິງ 923 ຄົນ, ລ້ຽງເດັກ-ອະນຸບານຈຳນວນ 417 ຄົນ,ຍິງ 191ຄົນ, ປະຖົມຈຳນວນ 704 ຄົນ,ຍິງ 345 ຄົນ, ມັດທະຍົມຕອນຕົ້ນ ຈຳນວນ 514 ຄົນ,ຍິງ 266 ຄົນ, ມັດທະຍົມຕອນປາຍ ຈຳນວນ 250 ຄົນ,ຍິງ 121 ຄົນ.

ນັກຮຽນຊັ້ນປະຖົມສຶກສາ (ປ1-ປ5) ນັກຮຽນເສັງໄດ້ສົມບູນ ປ1-ປ4 446 ຄົນ, ຍິງ 240 ຄົນ,ຊາຍ 206 ຄົນເທົ່າກັບ 80,07 %, ນັກຮຽນສອບເສັງໄດ້ທັງໝົດ 557 ຄົນ,ຍິງ 270 ຄົນ,ຊາຍ 287 ຄົນເທົ່າກັບ 100%.

ນັກຮຽນຊັ້ນມັດທະຍົມສຶກສາຕອນຕົ້ນ (ມ1-ມ4) ນັກຮຽນເສັງໄດ້ສົມບູນ ມ1-ມ3 350 ຄົນ, ຍິງ 190 ຄົນ, ຊາຍ 160 ຄົນເທົ່າກັບ 87,5 %, ນັກຮຽນສອບເສັງໄດ້ທັງໝົດ 399 ຄົນ,ຍິງ 198 ຄົນ, ຊາຍ 201 ຄົນເທົ່າກັບ 99,75 %.

ນັກຮຽນຊັ້ນມັດທະຍົມສຶກສາຕອນປາຍ (ມ5-ມ7) ນັກຮຽນສອບເສັງໄດ້ທັງໝົດ 169 ຄົນ, ຍິງ 85 ຄົນ, ຊາຍ 84 ຄົນເທົ່າກັບ 99,41 %.

แชร์