ໂຮງຮຽນວົງຄຳສີມີຜົນງານໂດດເດັ່ນໃນການຮຽນ-ການສອນ

ໂຮງຮຽນ ລ້ຽງເດັກ-ອະນຸບານ-ປະຖົມ ວົງຄຳສີ ເມືອງຈັນທະບູລີ ນະຄອນຫຼວງວຽງຈັນ ຈັດສະຫຼຸບຜົນງານ ການຮຽນ-ການສອນ ສົກຮຽນ 2022-2023 ໃນວັນທີ 3 ກໍລະກົດ 2023 ທີ່ໂຮງຮຽນດັ່ງກ່າວໂດຍມີທ່ານ ນາງ ຫຸມມາລາ ວົງຄຳສີ ຮອງຜູ້ອຳນວຍການໂຮງຮຽນ ລ້ຽງເດັກ-ອະນຸບານ-ປະຖົມ ວົງຄຳສີ ພ້ອມດ້ວຍຄູ-ອາຈານ ແລະຜູ້ປົກຄອງນັກຮຽນເຂົ້າຮ່ວມ.

ທ່ານ ນາງ ຫຸມມາລາ ວົງຄຳສີ ໄດ້ຂຶ້ນຜ່ານບົດສະຫຼຸບໃຫ້ຮູ້ວ່າ: ສົກຮຽນນີ້ມີຫ້ອງລ້ຽງເດັກ 18 ຄົນ ນັກຮຽນອະນຸບານ 117 ຄົນ ໃນນັ້ນນັກຮຽນອະນຸບານ3 ມີ 65 ຄົນ ຊັ້ນປະຖົມ ປ1-ປ4 ຈັດຕັ້ງຮຽນການ-ຮຽນການສອນ ແລະສອບເສັງ ເປັນທີ່ຮຽບຮ້ອຍແລ້ວ ສໍາລັບຊັ້ນປະຖົມ ປີທີ5 ໄດ້ຮຽນ ແລະ ທວນຄືນຈົນຮອດທີ 29-30 ພຶດສະພາ 2023 ແລະຈັດການສອບເສັງສອບເຊິ່ງຜົນການສອບເສັງ ປ5 ແມ່ນໄດ້ສົມບູນ 100% ໄດ້ນັກຮຽນເກ່ງຮອບດ້ານ 14 ຄົນ ຍິງ 12 ຄົນ ເທົ່າກັບ 34,15% ໄດ້ ຄະແນນ 9 ຂື້ນໄປ 2 ຄົນ 4,88% ຄື: ນາງ ສຸມິນຕາ ພອນປະເສີດ ໄດ້ທີ 2 ຂອງເມືອງ ແລະນາງ ທິດາວັນ ສີສຸວົງ ໄດ້ທີ 3 ຂອງເມືອງ.

ນອກຈາກນີ້ທາງໂຮງຮຽນຍັງໄດ້ເຄື່ອນໄຫວຊຸກຍູ້ຮ່ວມກິດຈະກຳຕ່າງໆ ໃນສັງຄົມໄດ້ຊຸກຍູ້ໜ່ວຍງານຕ່າງໆຂອງ ບ້ານໂພນຕ້ອງສະຫວາດ ເຂົ້າຮ່ວມການສະແດງສິລະປະ 32 ຄັ້ງ ໄດ້ບໍລິຈາກເລືອດ ໃນວັນແມ່ຍິງສາກົນຂອງ 3 ອົງການຈັດຕັ້ງມະຫາຊົນຊຸກຍູ້ການສອບເສັງ ຊັ້ນຈົບປ5 ແລະການເຄື່ອນໄຫວກິດຈະກຳອຶ່ນໆ.

แชร์