ນັກສຶກສາ ມຂ ໄດ້ຮັບທຶນການສຶກສາ

ພິທີມອບ-ຮັບທຶນການສຶກ ສາຈາກ NIKON-JICA ໄດ້ຈັດ ຂຶ້ນໃນວັນທີ 3 ເມສາ 2019 ທີ່ມະຫາວິທະຍາໄລສະຫວັນນະເຂດ (ມຂ) ຮ່ວມໃນພິທີມີທ່ານ ສຸລິ ຍົງ ໄຊໂກສີ ຮອງອະທິການບໍດີຝ່າຍບໍລິຫານ ມຂ, ທ່ານ ບຸນເຮືອງ ນິນຈະເລີນຮອງອະທິການບໍດີຝ່າຍວິຊາການ ມຂ, ມີທ່ານ Yoshiharu YONEYAMA ຫົວໜ້າຫ້ອງການອົງການໄຈກາປະຈຳ ລາວ, ທ່ານ Motohisa HIDA ຜູ້ອຳນວຍການບໍລິສັດນິຄ້ອນ ລາວ-ໄທ, ມີຄູ-ອາຈານ ແລະນັກສຶກສາທີ່ໄດ້ຮັບທຶນເຂົ້າຮ່ວມ.

ສຳລັບທຶນການສຶກສາຂອງ NIKON-JICA  ແມ່ນໄດ້ເລີ່ມໃຫ້ ທຶນມາແຕ່ສົກຮຽນ 2015-2016 ເປັນຕົ້ນມາ ໂດຍການຄັດເລືອກ ເອົານັກສຶກສາຊັ້ນປີທີ 1 ຜູ້ທີ່ຜົນ ການຮຽນດີ, ຄຸນສົມບັດດີ, ເຄື່ອນ ໄຫວກິດຈະກຳດີ  ແລະມີມາດຖານ ເງື່ອນໄຂຖືກຕ້ອງຕາມຂໍ້ກຳນົດທີ່ ທາງຄະນະກຳມະການຮັບຜິດຊອບ ທຶນການສຶກສາວາງໄວ້. ໃນສົກສຶກສາ 2018-2019 ມະຫາວິ ທະຍາໄລສະຫວັນນະເຂດ ປະກອບ ມີ 7 ຄະນະ, 1 ສູນໄອທີ ແລະຫຼັກ  ສູດນາໆຊາດ 1 ຫຼັກສູດທີ່ໄດ້ດຳ ເນີນການຮຽນການສອນໃນ 36 ສາຂາວິຊາ ແລະມີນັກສຶກສາລວມ ທັງໝົດຈຳນວນ 4.577 ຄົນ, ຍິງ 2.685 ຄົນ; ສຳລັບໃນສົກຮຽນ 2018-2019 ໄດ້ຄັດເລືອກນັກ ສຶກສາປີທີ 1 ເຂົ້າຮັບທຶນຈຳນວນ 10 ຄົນ, ຍິງ7 ຄົນເປັນຮຸ່ນທີ V, ລວມນັກສຶກສາທັງໝົດທີ່ໄດ້ຮັບ ທຶນໃນສົກຮຽນ 2018-2019 ມີ ຈຳນວນ 40 ຄົນ, ຍິງ 23 ຄົນ.

ຊ່ວຍເຫຼືອທາງດ້ານທຶນສຶກສາ ຈາກບໍລິສັດ NIKON-JICA ເປັນການກະຕຸ້ນໃຫ້ນັກສຶກສາໄດ້ ແຂ່ງຂັນກັນຮ່ຳຮຽນ, ແຂ່ງຂັນກັນ  ເຄື່ອນໄຫວນອກຫຼັກສູດເພື່ອຫວັງ ຊີງເອົາທຶນການສຶກສາ  ຊຶ່ງມັນເປັນ ການປະກອບສ່ວນອັນໃຫຍ່ຫຼວງໃນການສ້າງຊັບພະຍາກອນມະ ນຸດທີ່ມີຄຸນນະພາບເພື່ອສ້າງສາພັດ ທະນາປະເທດຊາດ ແລະເປັນການແບ່ງເບົາພາລະຄ່າໃຊ້ຈ່າຍໃນການ ຮ່ຳຮຽນຂອງຜູ້ປົກຄອງຂອງນັກສຶກສາພ້ອມທັງເປັນການຊ່ວຍເຫຼືອ ແລະໃຫ້ໂອກາດແດ່ຜູ້ທີ່ດ້ອຍໂອ ກາດທາງຄອບຄົວທຸກຍາກ, ຊົນ ເຜົາແຕ່ຮຽນເກັ່ງ, ມີຄຸນສົມບັດດີ ແລະມັກຮັກໃນການສຶກສາຮ່ຳຮຽນ.

ນສພ ເສດຖະກິດ-ສັງຄົມ

 

แชร์