ຍ່າງເພື່ອສຸຂະພາບສະຫຼອງສັບປະດາ ດ້ານຄວາມປອດໄພທາງຖະໜົນ

ໃນວັນທີ 6 ເມສາຜ່ານມາ ທີ່ປະຕູໄຊ ນະຄອນຫຼວງວຽງຈັນ ໄດ້ຈັດພິທີຍ່າງເພື່ອສຸຂະພາບເນື່ອງໃນວັນສັບປະດາແຫ່ງຊາດດ້ານ ຄວາມປອດໄພທາງຖະໜົນປະຈໍາປີ 2019 ພາຍໃນຫົວຂໍ້ “ຊີວິດປອດ ໄພຮ່ວມກັນປ້ອງກັນອຸປະຕິເຫດ” ໂດຍໃຫ້ກຽດການເຂົ້າຮ່ວມຂອງ ທ່ານ ວຽງສະຫວັດ ສີພັນດອນ ຮອງລັດຖະມົນຕິຖະຊວງໂຍທາທິການ ແລະຂົນສົ່ງ (ຍທຂ), ພ້ອມ ດ້ວຍນັກສຶກສາ, ນັກຮຽນຕະຫຼອດຮອດພໍ່ແມ່ປະຊາຊົນເຂົ້າຮ່ວມ.

ທ່ານ ວຽງສະຫວັດ ສີພັນດອນກ່າວວ່າ: ສປປ ລາວ ມີສະພາບການເກີດອຸປະຕິເຫດກໍ່ໄດ້ກາຍເປັນບັນຫາສໍາຄັນ, ເປັນປະກົດການຫຍໍ້ທໍ້ ຂອງສັງຄົມໃນແຕ່ລະປີມີຜູ້ເສຍຊີ ວິດຈາກການເກີດອຸປະຕິເຫດສະ ເລ່ຍ 1ພັນຄົນແລະບາດເຈັບຫຼາຍ ກວ່າ 9 ພັນຄົນ ສະນັ້ນຈິ່ງຈັດງານ ສັບປະດານີ້ຂຶ້ນເພື່ອຄວາມປອດໄພ ທາງຖະໜົນ ໂດຍຈັດກິດຈະກໍາຕ່າງໆເພື່ອຍົກສູງສະຕິຕໍ່ຄວາມ ປອດໄພທາງຖະໜົນ, ການຈັດສັບປະດາຄວາມປອດໄພທາງຖະນົນສາກົນຜ່ານມາຈັດແລ້ວ 4 ຄັ້ງສໍາລັບປີນີ້ອົງການສະຫະປະຊາຊາດ ໄດ້ກໍານົດໃຫ້ແຕ່ລະປະເທດສະມາ ຊິກພ້ອມກັນຈັດສັບປະດາສາກົນ ດ້ານຄວາມປອດໄພທາງຖະໜົນ ຄັ້ງທີ 5 ໃນລະຫວ່າງວັນທີ 6-12 ພຶດສະພາ 2019 ພາຍໃຕ້ຄໍາຂວັນ  “ຊີວິດປອດໄພຮ່ວມກັນປ້ອງກັນ ອຸປະຕິເຫດ”.

ການຈັດສັບປະດາແຫ່ງຊາດ ດ້ານຄວາມປອດໄພທາງຖະໜົນ ໃນແຕ່ລະປີແມ່ນເປັນສິ່ງຈໍາເປັນ ແລະມີຄວາມສໍາຄັນທີ່ທຸກພາກສ່ວນກ່ຽວຂ້ອງທັງພາກລັດ ແລະ ເອກະຊົນໄດ້ຮ່ວມແຮງຮ່ວມໃຈປະ ກອບສ່ວນເຫື່ອແຮງວັດຖຸປັດໄຈ ຈັດງານສັບປະດາຄວາມປອດໄພ ທາງຖະໜົນນີ້ຂຶ້ນແນໃສ່ປຸກລະດົມໃຫ້ທຸກພາກສ່ວນ ແລະທຸກຊັ້ນຄົນ ໃນສັງຄົມໃຫ້ເຫັນເຖິງໄພອັນຕະ ລາຍຈາກການເກີດອຸປະຕິເຫດ, ພ້ອມທັງຮ່ວມໃຈກັນປົກປ້ອງຊີວິດ ແລະຊັບສິນຂອງຕົນຈາກການເກີດ ອຸປະຕິເຫດ ແລະພ້ອມກັນເຄື່ອນ ໄຫວເພື່ອປະກອບສ່ວນໃນການຫຼຸດ ຜ່ອນການເກີດອຸປະຕິເຫດລົງເທື່ອລະກ້າວ.

ໂດຍ: ວົງມະນີ

• 09/04/2019