ເຄິ່ງປີທົ່ວແຂວງອັດຕະປື ມີຜູ້ເສຍຊີວິດຈາກອຸປະຕິເຫດ 11 ຄົນ

ໄລຍະ 6 ເດືອນຕົ້ນປີ 2023 ນີ້ ທົ່ວແຂວງອັດຕະປື ມີອຸປະຕິເຫດເກີດຂື້ນຕາມທ້ອງທະໜົນຫຼວງ ທັງໝົດ 153 ຄັ້ງ ທຽບໃສ່ໄລຍະດຽວກັນຂອງປີຜ່ານມາເພີ່ມຂື້ນ 18 ລາຍ, ມີພາຫະນະເປ້ເພ ຈໍານວນ 211 ຄັນ, ມີຄົນໄດ້ຮັບບາດເຈັບ ຈໍານວນ 221 ຄົນ, ມີຜູ້ເສຍຊີວິດ ຈໍານວນ 11 ຄົນ ແລະລວມມູນຄ່າເສຍຫາຍຈາກການເກີດອຸບັດຕິເຫດມີສູງເຖິງ 983 ລ້ານກີບ.

ທ່ານ ຮອ ສົມໃຈ ນາມປະກາສິດ ຫົວໜ້າກອງ ສືບສວນ-ສອບສວນ ຄະດີອຸປະຕິເຫດກອງບັນຊາການປ້ອງກັນຄວາມສະຫງົບແຂວງອັດຕະປື ໄດ້ໃຫ້ສຳພາດເມື່ອວັນທີ 3 ກໍລະກົດ 2023 ນີ້ວ່າ: ໄລຍະ 6 ເດືອນຕົ້ນປີນີ້ຢູ່ແຂວງອັດຕະປືອຸບັດຕິເຫດເກີດຂື້ນສ່ວນໃຫຍ່ແລ້ວແມ່ນເກີດຈາກນັກຂັບຂີ່ບໍ່ເຄົາລົບກົດລະບຽບຈະຈາຈອນເປັນຕົ້ນ: ເມົາແລ້ວຂັບຂີພາຫະນະ, ຂັບຂີລົດໄວເກີນກໍານົດ, ບໍ່ປ່ອຍສິດໃຫ້ກັນ ແລະກັນ, ປ່ຽນທິດຢ່າງກະທັນຫັນ, ລວມໄປເຖິງສະພາບເຕັກນິກຂອງພາຫະນະບໍ່ໄດ້ມາດຖານ ແລະອື່ນໆ.

ໄລຍະ 6 ເດືອນຜ່ານມາ ທາງເຈົ້າໜ້າທີ່ຕໍາຫຼວດຈະລາຈອນແຂວງໄດ້ສຸມໃສ່ເຮັດໜ້າທີ່ເຄື່ອນໄຫວສະກັດກັ້ນສະພາບການເກີດອຸປະຕິເຫດຕາມທ້ອງຖະໜົນຫຼວງ ດ້ວຍຫຼາຍວິທີການເປັນຕົ້ນ: ໄດ້ລົງຈັດສັນສະຖານທີ່ທີ່ມີການຈອດລົດແອອັດຕາມເສັ້ນທາງພ້ອມກັບລົງໂຄສະນາເຜີຍແຜ່ກົດລະບຽບຈະລາຈອນຢູ່ບັນດາເມືອງ,ຕາມໜວດໂຮງຮຽນ ແລະບັນດາບ້ານພາຍໃນແຂວງ,ເພື່ອເລັງໃສ່ໃຫ້ນັກຮຽນ ແລະພໍ່ແມ່ປະຊາຊົ ຮັບຮູ້ເຂົ້າໃຈເຖິງກົດລະບຽບການສັນຈອນກໍ່ຄືການໃຊ້ລົດໃຊ້ຖະໜົນໃຫ້ຖືກຕ້ອງຕາມລະບຽບກົດຈະລາຈອນ .
ຂ່າວ: ວັດທະນາ

• 04/07/2023