ບໍລິສັດ ແສງມີໄຊສຳເລັດກໍ່ສ້າງ ສວນສາທາລະນະແລະຮ່ອງລະບາຍນໍ້າເປື້ອນ ຫຼວງນໍ້າທາ

ວັນທີ 28 ມິຖຸນາ 2023 ຜ່ານມາພິທີມອບ-ຮັບໂຄງການ ກໍ່ສ້າງສວນສາທາລະນະ ແລະໂຄງການ ກໍ່ສ້າງ ຮ່ອງລະບາຍນໍ້າເປື້ອນ ຕົວເມືອງຫຼວງນໍ້າທາ, ແຂວງ ຫຼວງນໍ້າທາ LNTA3-LNTA4 ລະຫວ່າງພະແນກໂຍທາທິການ ແລະຂົນສົ່ງແຂວງຫຼວງນໍ້າທາ ແລະຜູ້ຮັບເໝົາໂດຍບໍລິສັດ ແສງມີໄຊ ຄົບວົງຈອນ ຈຳກັດຜູ້ດຽວ ໂດຍໃຫ້ກຽດເຂົ້າຮ່ວມທ່ານ ອ່ອນຈັນ ຄຳພາວົງ ຮອງເຈົ້າແຂວງຫຼວງນໍ້າທາພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ສຳລັບໂຄງການພັດທະນາຕົວເມືອງຕາມແລວທາງອະນຸພາກພື້ນແມ່ນຳຂອງ2 ຕົວເມືອງປະກອບມີ2 ໂຄງການຄືສວນສາທາລະນະຕະຫຼາດການຄືນ ແລະເດີ່ນກີລາໃນຮົ່ມ LNTA3 ໂດຍໄລຍະການກໍ່ສ້າງ 12 ເດືອນໂດຍມູນຄ່າຕາມສັນຍາ670.864,76 ໂດລາສະຫະລັດ.

ໂຄງການກໍ່ສ້າງຮ່ອງລະບາຍນໍ້າທຳມະຊາດ ແລະອ່າງບຳບັດນໍ້າເປື້ອນ LNTA4 ໄລຍະການກໍ່ສ້າງ 12 ເດືອນ ມູນຄ່າຕາມສັນຍາ 741.1666,33 ໂດລາສະຫະລັດ.

ສຳລັບການກໍ່ສ້າງ 2 ໂຄງການ ຜ່ານການຕິດຕາມກວດກາແຕ່ລະໜ້າວຽກມາຮອດປະຈຸບັນຖືວ່າສຳເລັດ 100%.

แชร์