ແຂ່ງຂັນກີລາກ໊ອບ ຊີງຂັນທ່ານເຈົ້າແຂວງໄຊຍະບູລີ

ເພື່ອເປັນການສ້າງຂະບວນ ການຂໍ່ານັບຮັບຕ້ອນວັນສ້າງຕັ້ງກໍາ ລັງປ້ອງກັນຄວາມສະຫງົບປະຊາ ຊົນລາວຄົບຮອບ 58 ປີ ວັນທີ 5 ເມສາ 1961 ຫາວັນທີ 5 ເມສາ 2019 ແລະວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນແຂວງ ໄຊຍະບູລີ ຄົບຮອບ 46 ປີ (ວັນທີ 25 ເມສາ 1973–25 ເມສາ 2019) ທີ່ຈະມາເຖິງໃນມໍ່ໆນີ້; ອົງ ການປົກຄອງແຂວງ, ກອງບັນຊາ ການ ປກສ ແຂວງຮ່ວມກັບສະມາ ຄົມກີລາກ໊ອບແຂວງໄຊຍະບູລີ ແລະ ນັກທຸລະກິດຜູ້ປະກອບການໄດ້ຈັດພິທີແຂ່ງຂັນກີລາຊີງຂັນປະທານ ປກຊ-ປກສ ແຂວງໄຊຍະບູລີ ຕີກ໊ອບຂຶ້ນໃນວັນທີ 31 ເມສາ 2019 ທີ່ສະໜາມກີລາຕີກ໊ອບອ່າງນໍ້າຕຽນ, ເຂົ້າຮ່ວມພິທີການແຂ່ງຂັນມີທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ທ່ານ ຄໍາຂັນ ຈັນທະວິ ສຸກ ເຈົ້າແຂວງຫຼວງພະບາງ, ມີ ບັນດາການນຳ, ນັກທຸລະກິດຜູ້ປະ ກອບການ ແລະນັກກີລາຈາກທັງ 2 ແຂວງເຂົ້າຮ່ວມ.

ການແຂ່ງຂັນກີລາຕີກ໊ອບຄັ້ງນີ້ແມ່ນເຕັມໄປດ້ວຍບັນຍາກາດແຫ່ງຄວາມສາມັກຄີລະຫວ່າງພາກລັດ ກັບນັກທຸລະກິດຜູ້ປະກອບການ, ສອງແຂວງໄຊຍະບູລີ ແລະແຂວງ ຫຼວງພະບາງ; ໂດຍມີນັກກີລາເຂົ້າ ຮ່ວມແຂ່ງຂັັນທັງໝົດ 49 ຄົນ, ແບ່ງເປັນ 4 ສາຍ ຜົນການແຂ່ງຂັນສາຍພິເສດໄດ້ອັບດັບທີ 1 ໂດຍແມ່ນ ທ່ານ ຄໍາຂັນ ຈັນທະວິສຸກ ໄດ້ຮັບ ຂັນໜຶ່ງໜ່ວຍພ້ອມດ້ວຍເງິນສົດ 8 ແສນກີບ, ອັນດັບທີ 2 ທ່ານ ໄຊຍະ ສັກແກ້ວປັນຍາ  ໄດ້ຮັບເງົນສົດ 6 ແສນກີບ ແລະອັນດັບທີ 3 ໂດຍແມ່ນທ່ານ ຄໍາແພງເພັດ ໄດ້ຮັບ ເງິນສົດ 4 ແສນກີບ; ສາຍກອັບ ດັບທີ 1 ທ່ານ ບຸນເພັງ  ມໍເຕີ ໄດ້ຮັບ ຂັນ 1 ໜ່ອຍ ພ້ອມດ້ວຍເງິນສົດ 7ແສນກີບ, ອັບດັບທີ 2 ທ່ານ ຫຼ້າ ນ້ອຍ ໄດ້ຮັບເງິນສົດ 6 ແສນກີບ ແລະອັບດັບທີທ່ານ ເຂັມເພັດ ວັນນະລາດ ໄດ້ຮັບເງິນສົດ 4 ແສນ ກີບ; ສາຍ ຂ ອັນດັບທີ 1 ທ່ານ ເລວັນບົ່ງ ໄດ້ຮັບລາງວັນເງິນສົດ 7 ແສນກີບ, ອັບດັບທີ 2 ທ່ານ ຄໍາ ສີ ແພງສະຫວັດ ໄດ້ຮັບເງິນສົດ 6 ແສນກີບ ແລະອັບດັບທີ 3 ທ່ານ ບຸນລ້ວນ ໄດ້ຮັບເງິນສົດ 4 ແສນ ກີບ;  ສາຍຄອັບດັບທີ 1 ທ່ານ  ກົງທອງ ໄດ້ຮັບເງິນສົດ 7 ແສນກີບ, ອັບດັບທີ 2 ທ່ານ ບຸນມາ ໄດ້ຮັບ ເງິນສົດ 6 ແສນກີບ ແລະອັບດັບທີ 3 ທ່ານ ບຸນໂທ ພອນມະນີ ໄດ້ຮັບ ເງິນສົດ 4 ແສນກີບ ໃຫ້ກຽດຂຶ້ນມອບຂັນລາງວັນ ໂດຍແມ່ນທ່ານ  ພົງສະຫວັນ  ສິດທະວົງ  ເຈົ້າແຂວງ ໄຊຍະບູລີ.

ໂດຍ: ສາຄອນ

แชร์