ເພື່ອແກ້ໄຂບັນຫາເສັ້ນທາງເປ່ເພເສຍຫາຍອັນເນື່ອງມາຈາກລົດຂົນສົ່ງທີ່ບັນທຸກນໍ້າໜັກເກີນຈາກບັນດາໂຄງການກໍ່ສ້າງຂະໜາດໃຫຍ່ ແລະການຂຸດຄົ້ນບໍ່ແຮ່, ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະຂົນສົ່ງ (ຍທຂ) ໄດ້ຊີ້ແຈງຕໍ່ສະມາຊິກສະພາແຫ່ງຊາດ (ສສຊ) ໃນວາລະດຳເນີນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ IX ໃນວັນທີ 28 ມິຖຸນານີ້ວ່າ: ທິດທາງໃນການແກ້ໄຂບັນຫາໄດ້ສະເໜີໃຫ້ຜູ້ປະກອບການຕ້ອງມີຊິງຊັ່ງນໍ້າໜັກລົດບັນທຸກເປັນຂອງຕົນເອງ ເພື່ອຄຸ້ມຄ້ອງນໍ້າໜັກຕາມຂໍ້ກຳນົດນໍ້າໜັກລວມສູງສຸດຂອງກະຊວງ ຍທຂ ວາງອອກເພື່ອບໍ່ໃຫ້ເສັ້ນທາງເປ່ເພເສຍຫາຍ.
ພ້ອມນັ້ນ,ກະຊວງ ຍທຂ ໄດ້ປັບປຸງກົນໄກ ແລະລະບຽບການໃນການຄຸ້ມຄອງນໍ້າໜັກລົດບັນທຸກໂດຍໄດ້ເອົາວຽກງານການຄຸ້ມຄອງນໍ້າໜັກລົດບັນທຸກມາໃຫ້ຂະແໜງຂົວທາງຮັບຜິດຊອບກໍຄືພາກສ່ວນຮັບຜິດຊອບໃນການສ້ອມແປງ ແລະບູລະນະຮັກສາທາງຫຼວງ ໂດຍໃຫ້ໂຄງການສ້ອມແປງ ແລະບູລະນະຮັກສາທາງຫຼວງເປັນຜູ້ຮັບຜິດຊອບ ແລະມີການແບ່ງຄວາມຮັບຜິດຊອບລະຫວ່າງສູນກາງ ແລະທ້ອງຖິ່ນໃຫ້ຊັດເຈນ, ກໍານົດພາລະບົດບາດຂອງໜ່ວຍງານປະຈໍາສະຖານີຕິດຊັ່ງນໍ້າໜັກ ແລະປັບປຸງນິຕິກໍາທີ່ກ່ຽວຂ້ອງໃຫ້ສອດຄ່ອງກັບສະພາບປັດຈຸບັນ. ພ້ອມນີ້ຈະໄດ້ຫັນສະຖານີຕິດຊັ່ງນໍ້າໜັກໃຫ້ເປັນທັນສະໄໝໃນຂອບເຂດທົ່ວປະເທດ, ເຊິ່ງຜ່ານມາໄດ້ເປີດນຳໃຊ້ສະຖານີຕິດຊັ່ງນໍ້າໜັກທັນສະໄໝ 1 ແຫ່ງແລ້ວ ຢູ່ເສັ້ນທາງຫຼວງແຫ່ງຊາດR3.
ລາຍງານຂ່າວໃຫ້ຮູ້ຕື່ມວ່າ: ຜົນກະທົບຈາກການຂົນສົ່ງທີ່ບັນທຸກນໍ້າໜັກເກີນຈາກບັນດາໂຄງການກໍ່ສ້າງຂະໜາດໃຫຍ່ ແລະການຂຸດຄົ້ນບໍ່ແຮ່, ໂດຍສະເພາະຢູ່ບັນດາແຂວງທີ່ມີຊາຍແດນຕິດຈອດກັບປະເທດເພື່ອນບ້ານທີ່ເປັນເສັ້ນທາງການຂົນສົ່ງສິນຄ້າ ແລະແຮ່ທາດເຮັດໃຫ້ຕາໜ່າງທາງຫຼວງແຕ່ລະປະເພດເກີດການເປ່ເພລວມປະມານ 6.700 ກິໂລແມັດ ແລະຂົວຫັກ 79 ແຫ່ງ.
ທີ່ມາ: ປະຊາຊົນ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |