ວິທະຍາໄລການເງິນມີໄຊ ມອບໃບປະກາດໃຫ້ຜູ້ສຳເລັດການສຶກສາ

ວິທະຍາໄລການເງິນມີໄຊ ສະຖາບັນເອກະຊົນ ທີ່ທຸ່ມເທ້ເອົາໃຈໃສ່ທຸກດ້ານຂອງການສຶກສາທີ່ໄດ້ເປີດສອນຫຼັກສູດຊັ້ນສູງ ການເງິນ-ການບັນຊີ ຊຶ່ງນັກສຶກສາເສັງຈົບຊັ້ນປີ3ສົກຮຽນ 2022-2023 ສາຂາ ການເງິນ-ການບັນຊີ ສອບເສັງໄດ້ 39 ຄົນ, ສາຂາ ພາສາອັງກິດທຸລະກິດ ສອບເສັງໄດ້ 27 ຄົນ ລວມທັງໝົດ 66 ຄົນ ພິທີມອບ-ຮັບຈັດຂຶ້ນວັນທີ 24 ມິຖຸນາ 2023 ໃຫ້ກຽດມອບຮັບ ທ່ານ ໂອລີລັກ ໂສມອຸໄລ ອຳນວຍການວິທະຍາໄລການເງິນມີໄຊ ພ້ອມນັກສຶກສາຜູ້ສຳເລັດເຂົ້າຮ່ວມ.

ວິທະຍາໄລການເງິນມີໄຊ ສະຖາບັນເອກະຊົນ ທີ່ໄດ້ເປີດສອນ ຫຼັກສູດຊັ້ນສູງການເງິນ -ການບັນຊີ ແລະພາສາອັງກິດ ທຸລະກິດ ແລະພາສາຈີນພ້ອມທັງຫຼັກສູດໄລຍະສັ້ນ ພື້ນຖານບັນຊີ,ພາສາຈີນ ແລະພາສາຍີ່ປຸ່ນ ວິທະຍາໄລ ໄດ້ເລີ່ມເປີດການຮຽນການສອນມາຕັ້ງແຕ່ ປີ 2008 ຈົນມາຮອດປະຈຸບັນກໍ່ໄດ້ສ້າງບຸກຄະລາກອນອອກສູ່ສັງຄົມ ເປັນລຸ້ນທີ 14 ເຊິ່ງ ໄດ້ສ້າງບຸກຄະລາກອນ ຫຼາຍກ່ວາ 4000 ຄົນ. ໂດຍການທິດຊີ້ນໍາຂອງພັກລັດກໍ່ຄືກະຊວງສຶກສາທິການ ແລະກິລາ ໂດຍໃນໄລຍະສົກຮຽນຜ່ານມາວິທະຍາໄລ ກໍ່ສາມາດສ້າງຜົນສໍາເລັດໄດ້ຫຼາຍດ້ານ. ຄູ-ອາຈານ ໃນສົກຮຽນ 2022-2023 ທີ່ຜ່ານມາທັງໝົດມີ 25 ທ່ານ, ຍິງ 5ທ່ານ. ໃນນັ້ນລະດັບການສຶກສາຂັ້ນ ປະລິນຍາເອກ 1 ທ່ານ,ປະລິນຍາໂທ 7 ທ່ານ, ຂັ້ນປະລິນຍາຕີ 17 ທ່ານ, ມີພະນັກງານ-ຄູປະຈໍາ 7 ທ່ານ.

ວິທະຍາໄລການເງິນມີໄຊ ໄດ້ຈັດຕັ້ງການຮຽນ-ການສອນຕາມຫຼັກສູດຊັ້ນສູງ (ລະບົບ 12+3) ຫຼື ລະບົບ 3 ປີ, ຕາມໝວດວິຊາ ແລະໜ່ວຍກິດຕາມທີ່ໄດ້ກໍານົດໄວ້ໃນຫຼັກສູດ, ເຊິ່ງປະກອບມີໝວດວິຊາຄວາມຮູ້ທົ່ວໄປ, ໝວດວິຊາຄວາມຮູ້ພື້ນຖານ, ໝວດວິຊາສະເພາະ, ໝວດວິຊາບັງຄັບ ແລະໝວດວິຊາເລືອກນັບແຕ່ຊັ້ນປີທີ 2ຫາ ປີທີ 3.

ທິດທາງແຜນການສົ່ງເສີມທຸກຄວາມສາມາດຂອງບຸກຄະລາກອນເຂົ້າສູ່ການພັດທະນາວິທະຍາໄລໃຫ້ມີການຫັນປ່ຽນໄປສູ່ຄຸນນະພາບ ແລະທັນສະໄຫມ;ບືນຕົວປະຕິບັດແຜນຕົວເລກຮັບນັກສຶກສາໃໝ່ໃຫ້ໄດ້ຕາມແຜນແລະ ຄຸ້ມຄອງນັກສຶກສາ, ອົບຮົມນັກສຶກສາທີ່ມີແລ້ວໃຫ້ເຂົ້າສູ່ການສຶກສາຮໍ່າຮຽນໃຫ້ມີຄຸນນະພາບທີ່ດີຂື້ນ;ສົ່ງເສີມ ແລະ ຊຸກຢູ່ໃຫ້ຄູອາ-ຈານ ແລະ ນັກສຶກສາກໍາແໜ້ນເນື້ອໃນການແຂ່ງຂັນສອນດີ-ຮຽນເກັ່ງໃຫ້ກາຍເປັນພຶດຕິກຳຕົວຈິງ; ສົ່ງເສີມໃຫ້ຮຽນຈົບ ແລະ ສາມາດເຮັດວຽກໄດ້ໂດຍເນັ້ນໃສ່ການຝຶກວຽກຕົວຈິງ.

 

แชร์