ແຈຶກໝ່າ ກ່າວເຖິງພາວະການເປັນຜູ້ນໍາໂລກໃນຍົກປະຈຸບັນ

ທ່ານ ແຈ໊ກໝ່າ ປະທານ ແລະຜູ້ຮ່ວມກໍ່ຕັ້ງບໍລິສັດອາລີບາບາລາຍ ໃຫຍ່ດ້ານອີຄອມເມີຊສັນຊາດ ສປ ຈີນ ໄດ້ຮັບເຊີນຈາກໂຮງຮຽນນາຍ ຮ້ອຍເວສພ້ອຍຂອງອາເມລິກາໃຫ້ມາບັນຍາຍພິເສດເລື່ອງ ແມ່ນຫຍັງ ຄືຄວາມເປັນຜູ້ນໍາ ໂດຍທ່ານໝ່າໄດ້ກ່າວເຖິງເລື່ອງພາວະຜູ້ນໍາໃນຫຼາຍປະເດັນທີ່ໜ້າສົນໃຈຄື ຄົນດີຫຼືຄົນເກັ່ງ ບໍ່ພຽງພໍຕໍ່ພາວະການເປັນຜູ້ນໍາໃນໂລກປະຈຸບັນ.

- ຄວາມເປັນຜູ້ນໍາຂຶ້ນຢູ່ກັບພາລະກິດຫຼືສິ່ງທີ່ເຈົ້າເຮັດ ສຳລັບຄົນ ສ່ວນໃຫຍ່ພວກເຂົາຕ້ອງເຫັນກ່ອນ ແລ້ວຈຶ່ງຈະເຊື່ອ ແຕ່ເຮົາຕ້ອງສ້າງ ຄວາມເຊື່ອ ເຮັດໃຫ້ຄົນເຫັນ ແລະຖ້າຫາກຍິ່ງເປັນຜູ້ນໍາເຮົາຕ້ອງເຫັນ ໃນສິ່ງທີ່ຄົນອື່ນບໍ່ເຫັນ.

- ໂລກທຸກວັນນີ້ຕ້ອງການຄົນທີ່ມີພາວະຜູ້ນໍາ ບໍ່ແມ່ນເພື່ອພິສູດວ່າ ເປັນຄົນດີຫຼືຄົນເກັ່ງ ແຕ່ຄວນເປັນຜູ້ນໍາເພື່ອຊ່ວຍໃຫ້ມະນຸດສາມາດແກ້ ໄຂບັນຫາຮ່ວມກັນໄດ້ ເຮົາຕ້ອງເຮັດວຽກເພື່ອອະນາຄົດທີ່ດີກວ່າ ດ້ວຍການສ້າງມູນຄ່າເພີ່ມໃຫ້ກັບສິ່ງຕ່າງໆ ຜູ້ນຳຄວນເປັນຄົນທີ່ມອງການໄກ ແລະເບີ່ງເຫັນໃນສິ່ງທີ່ຄົນອື່ນເບິ່ງບໍ່ເຫັນ ແລະລົງມືເຮັດເພື່ອສັງຄົມ, ຜູ້ລິໂພກ ແລະປະຊາຊົນ.

ຜູ້ນໍາຕ້ອງເປັນຄົນທີ່ສະຫຼາດ ແລະຮອບຮູ້ ຄົນສະຫຼາດສາມາດມີຊີ ວິດທີ່ມີຄວາມສຸກ ແຕ່ຄົນຮອບຮູ້ສາມາດມີຊີວິດທີ່ຍືນຍາວກວ່າ ເພາະ ພວກເຂົາຮຽນຮູ້ຈັກການພ່າຍແພ້.

ຜູ້ນໍາຕ້ອງມີຄວາມກ້າຫານ ແລະກ້າຫານ ການເປັນຜູ້ນໍາກ້າບໍ່ແມ່ນກ້າມເນື້ອອັນເຂັ້ມແຂງ ແຕ່ເປັນເພາະຄວາມຮັກ.

ຜູ້ນໍາປະຈຸບັນຕ້ອງມີຄວາມສາມາດທັງແຂ່ງຂັນ ແລະຮ່ວມມືໄດ້ ໃນເວລາດຽວກັນ (co-competition) ຕ່າງຈາກຜູ້ນໍາໃນອະດີດທີ່ ມັກຈະຕ້ອງແຂ່ງຂັນຫຼືຮ່ວມມືພຽງຢ່າງດຽວ ຊຶ່ງນັ້ນເປັນສິ່ງທີ່ຄົນລຸ້ນ ໃໝ່ໃນປະຈຸບັນກຳລັງເປັນເຊັ່ນກັນ.

- ທຸກວັນນີ້ໂລກເຮົາມີຄວາມກ້າວໜ້າທາງດ້ານເຕັກໂນໂລຊີ ລວມ ເຖິງມີຊັບສິນຕ່າງໆຢ່າງຫຼວງຫຼາຍ ສິ່ງທີ່ຜູ້ນໍາໃນໂລກປະຈຸບັນຄວນມີຄືການເຂົ້າໃຈເຕັກໂນໂລຊີ ແລະປັບຕົວຕາມຍຸກຂອງເຕັກໂນໂລຊີ.

ເຈົ້າລອງຈິນຕະນາການເບິ່ງວ່າ ຖ້າຫາກຜູ້ນໍາທີ່ບໍ່ປັບຕົວຕາມໂລກຖືອາວຸດທີ່ຊົງພະລັງຢູ່ໃນມື ມັນຈະກາຍເປັນໄພຄຸກຄາມຕໍ່ຄົນທັງໂລກ.

- ໃນດ້ານທຸລະກິດທ່ານ ແຈ໊ກໝ່າ ເວົ້າເຖິງຄູ່ແຂ່ງຊຶ່ງເປັນບໍລິສັດ ດ້ານເຕັກໂນໂລຊີອີກແຫ່ງໜຶ່ງວ່າ Don’t be evil ບໍ່ຄວນເປັນເປົ້າ ໝາຍຂອງບໍລິສັດ ຍິ່ງບໍລິສັດແຫ່ງນັ້ນເປັນບໍລິສັດດ້ານເຕັກໂນໂລຊີແລ້ວເປົ້າໝາຍຕົ້ນຕໍຄືການສ້າງມູນຄ່າເພີ່ມໃນສິ່ງຕ່າງໆຢ່າງຮັບຜິດຊອບຖ້າຫາກການພັດທະນາທາງເຕັກໂນໂລຊີເຮັດໃຫ້ຄົນຕົກວຽກ,  ແຕ່ບໍລິ ສັດດ້ານເຕັກໂນໂລຊີຄວນສ້າງວຽກເຮັດໃນຖານະຜູ້ນໍາເຈົ້າຕ້ອງຄິດ ຫຼາຍກວ່າຄົນອື່ນ.

ສຸດທ້າຍ ແຈ໊ກໝ່າ ຍັງກ່າວໃນບັນຍາຍພິເສດຄັ້ງນີ້ ຊຶ່ງມີຜູ້ຟັງເປັນ ນາຍທະຫານລະດັບສູງ ແລະນັກຮຽນນາຍຮ້ອຍຂອງເວສພ້ອຍວ່າ ການ ປະຕິວັດເຕັກໂນໂລຊີຄັ້ງທຳອິດເຮັດໃຫ້ເກີດສົງຄາມໂລກຄັ້ງທີ່ໜຶ່ງ, ການ ປະຕິວັດເຕັກໂນໂລຊີຄັ້ງທີສອງເຮັດໃຫ້ເກີດສົງຄາມໂລກຄັ້ງທີສອງ ຕອນນີ້ເຮົາກຳລັງເຂົ້າສູ່ປະຕິວັດເຕັກໂນໂລຊີຄັ້ງທີສາມ ມັນຄວນເປັນ ສົງຄາມທີ່ຕໍ່ສູ້ກັບຄວາມທຸກຍາກ, ພະຍາດລະບາດ ແລະ ມົນລະພິດ.

 ນສພ ເສດຖະກິສັງຄົມ

แชร์