ປີຜ່ານມາ ການຄ້າ ນວ ຂຶ້ນທະບຽນວິສາຫະກິດໄດ້ 6.550 ຫົວໜ່ວຍ

ກອງປະຊຸມສະຫຼຸບການ ເຄື່ອນໄຫວອຸດສາຫະກຳ ແລະການຄ້າ ປະຈຳປີ 2022 ທິດທາງແຜນການປີ 2023 ແລະຍ້ອງຍໍຜົນງານຜົນນນງານ 5 ປີ (2016-2020)ຂອງພະແນກອຸດສາຫະກຳ ແລະການຄ້າ ນະຄອນຫລວງວຽງຈັນ (ນວ) ໄດ້ຈັດຂຶ້ນໃນວັນທີ 22 ມິຖຸນາ 2023 ທີ່ພະແນກດັ່ງກ່າວ.

ທ່ານນາງ ວັນມະນີ ພິມມະສານ ຫົວໜ້າພະແນກອຸດສາຫະກຳ ແລະການຄ້າ ນວ ໃຫ້ຮູ້ວ່າ: ປີຜ່ານມາໄດ້ແຈ້ງຂຶ້ນ ແລະປ່ຽນແປງໃນທະບຽນວິສາຫະກິດປະຕິບັດ 6.550 ຫົວໜ່ວຍທຽບໃສ່ແຜນການປະຕິບັດໄດ້ 45,58%, ໂຮງງານປຸງແຕ່ງ ແລະຊ່າງຫັດຖະກຳມີ 2.609 ແຫ່ງ ທຽບໃສປີ 2021 ຫຼຸດລົງ 444 ແຫ່ງ ເທົ່າກັບ 14,54% ຍ້ອນວ່າໄດ້ມອບໃຫ້ຂະແໜງກະສິກຳ ແລະ ປ່າໄມ້ເປັນຜູ້ຄຸ້ມຄອງ 587 ແຫ່ງ ອະນຸຍາດດຳເນີນກິດຈະການໂຮງງານ 199 ຫົວໜ່ວຍ ທຽບໃສ່ປີຜ່ານມາເພີ່ມຂຶ້ນ 3 ຫົວໜ່ວຍ ມູນຄ່າການຜະລິດອຸດສາຫະກຳປຸງ ແຕ່ງ ແລະຫັດຖະກຳມີ 10,341 ຕື້ກີບທຽບໃສ່ແຜນການປະຕິບັດໄດ້ 109,17% ອອກອະນຸຍາດດຳເນີນທຸລະກິດໃນກິດຈະການການຄ້າພາຍໃນໄດ້ 186 ຫົວໜ່ວຍ ເພີ່ມຂຶ້ນ 161 ຫົວໜ່ວຍ ພ້ອມກັນນັ້ນກໍໄດ້ຈັດຕັ້ງປະຕິບັດວຽກງານກວດກາການຄ້າສິນຄ້ານອກລະບົບ ສິນຄ້າເກືອດຫ້າມ ການດຳເນີນທຸລະກິດບໍ່ຖືກຕ້ອງ ການຂາຍເຄື່ອງຊະຊາຍ ການຕິດສະຫຼາກຕ່າງໆ ການນຳເຂົ້ນສິນຄ້າປີ 2022 ມູນຄ່າ 3 ຕື້ກວ່າໂດລາສະຫະລັດ ເພີ່ມຂຶ້ນ 55,49% ການສົ່ງອອກສິນຄ້າມູນຄ່າ 2 ຕື້ກວ່າໂດລາ ເພີ່ມຂຶ້ນ 30,61% ຊຸກຍູ້ສົ່ງເສີມຫົວໜ່ວຍທຸລະກິດ ຫຼືຄອບຄົວທີ່ຜະລິດ ແລະປຸງແຕ່ງໃຫ້ໄດ້ຮັບກາໝາຍສິນຄ້າໂອດ໊ອບສົ່ງເສີມວິສາຫະກິດຂະໜາດນ້ອຍ ແລະກາງເຂົ້າເຖິງແຫຼ່ງທຶນ.

ນອກຈາກນີ້ໃນພິທີໄດ້ມອບໃບຢັ້ງຢືນໜ່ວຍພັກປອດໃສເຂັ້ມແຂງໜັກແໜ້ນປະຈຳປີ 2022 ໃຫ້ 9 ໜ່ວຍພັກ ແລະປະດັບຫຼຽນໄຊແຮງງານ ຫຼຽນກາແຮງງານ ໃບຍ້ອງຍໍໃຫ້ຜູ້ມີຜົນງງານດີເດັ່ນໃນນີ້ປະດັບຫຼຽນຊັ້ນ III ໃຫ້ 1 ກົມກອງ ຫຼຽນໄຊແຮງງານຊັ້ນ I ມີ 1 ທ່ານ ຊັ້ນ II ມີ 5 ທ່ານ ຊັ້ນ III ມີ 25 ທ່ານ ຫຼຽນກາແຮງງານ 31 ທ່ານ ໃບຍ້ອງຍໍຂັ້ນລັດຖະບານ 33 ທ່ານ ແລະຂັ້ນ ນວ 18 ທ່ານ ມອບໂດຍທ່ານ ວິລະສັກ ນາມມຸນຕີ.

VientianeMai

แชร์