ສະຫວັນ ພົບສິນຄ້າຫ້າມຈຳໜ່າຍຫຼາຍລາຍການ

ວັນທີ 14 ມິຖຸນາ 2023, ເຈົ້າໜ້າທີ່ກວດກາການຄ້າຂະແໜງການຄ້າພາຍໃນພະແນກອຸດສາຫະກຳ ແລະການຄ້າແຂວງສະຫວັນນະເຂດໄດ້ສົມທົບກັບພາກສ່ວນກ່ຽວຂ້ອງ ລົງກວດກາສິນຄ້າປະເພດຕ່າງໆ ທີ່ນໍາເຂົ້າບໍ່ຖືກຕ້ອງ ແລະສິນຄ້າຫ້າມຈຳໜ່າຍຢູ່ເມືອງຈໍາພອນ.

ການເຄື່ອນໄຫວຄັ້ງນີ້ໄດ້ ກວດກາ 20 ຮ້ານ, ໃນນັ້ນມີຮ້ານຂາຍເຄື່ອງຍ່ອຍທົ່ວໄປຂອງຄົນລາວ ແລະຮ້ານຂາຍເຄື່ອງອາໄຫຼ່ເຄື່ອງມືການກະເສດຂອງຄົນຕ່າງປະເທດ, ຜ່ານການກວດກາຕົວຈິງພົບເຫັນສິນຄ້າຫ້າມຈຳໜ່າຍ ຢູ່ຮ້ານຂອງຄົນຕ່າງປະເທດ (ຈີນ) ປະເພດຈັກສະຕິນຕັດໄມ້ ຈຳນວນ 5 ເຄື່ອງ, ດາບຕັດ 20 ໃບ, ໃບຕັດວົງເດືອນ 8 ໃບ ແລະເຊື້ອ ສູບ 12 ອັນ, ດັ່ງນັ້ນ ເຈົ້າໜ້າທີ່ໄດ້ກວດກາດ້ານເອກະສານເຫັນວ່າສິນຄ້າດັ່ງກ່າວເປັນສິນຄ້າຫ້າມ ຈຳໜ່າຍ ຈິ່ງໄດ້ກັກຢຶດໄວ້ຊົ່ວຄາວ ພ້ອມທັງ ເຮັດບົດບັນທຶກ ແລະກ່າວເຕືອນເຈົ້າຂອງຮ້ານທີ່ໄດ້ລະເມີດລະບຽບກົດໝາຍຄັ້ງນີ້.

ຂ່າວ​ແຂວງສະຫວັນນະເຂດ

แชร์