ສຶກສາສໍາຫຼວດເນື້ອທີ່ດິນ​ 150 ເຮັກຕາ ໂຄງການປູກໝາກມ່ວງຫິມມະພານ

ວັນທີ 19 ມິຖຸນາ​ 2023, ອົງການປົກຄອງແຂວງຈຳປາສັກ​ ແລະ ບໍລິສັດ ບຸນນໍາສົ່ງເສີມກະສິກໍາ ຂາອອກ​-ຂາເຂົ້າ ຈໍາກັດ ໄດ້ຈັດພິທີເຊັນບົດບັນທຶກຄວາມເຂົ້າໃຈ ໂຄງການປູກໝາກມ່ວງຫິມມະພານ,​ ໄມ້ໃຫ້ໝາກ ແລະ​ພືດລົ້ມລຸກ ໃນເນື້ອທີ່ 150 ເຮັກຕາ ຢູ່ເຂດບ້ານທ່າຄໍ້ ເມືອງມຸນລະປາໂມກ​, ໂດຍໃຫ້ກຽດເຂົ້າຮ່ວມຂອງ​ທ່ານ​ ປອ.​ວິໄລວົງ​ ບຸດດາຄໍາ​ ເຈົ້າແຂວງ​ຈໍາປາສັກ ພ້ອມດ້ວຍພາກສ່ວນທີ່ກ່ຽວຂ້ອງ.

ຕາງໜ້າອົງການປົກຄອງແຂວງຈຳປາສັກ​ ລົງນາມໂດຍ ທ່ານ​ ປອ.​ສຸກສະຫວັນ​ ວິໄລວົງ​ ຫົວໜ້າ​ພະແນກ​ແຜນການ​ ແລະ​ການລົງທຶນ​ແຂວງ ແລະຝ່າຍບໍລິສັດແມ່ນທ່ານ​ ນາງ​ ບຸນນໍາ​ ໄຊຍະລາດ​ ປະທານບໍລິສັດ ບຸນນໍາສົ່ງເສີມກະສິກໍາ ຂາອອກ​ - ຂາເຂົ້າ ຈໍາກັດ.​

ຈຸດປະສົງແມ່ນເພື່ອສຶກສາສໍາຫຼວດເນື້ອທີ່ດິນ​ ຈໍານວນ 150 ເຮັກຕາ​ຢູ່ເຂດບ້ານທ່າຄໍ້ ເມືອງມຸນລະປາໂມກ​ເພື່ອສຶກສາສໍາຫຼວດຄວາມເປັນໄປໄດ້ໃນການລົງທຶນພັດທະນາ ໂຄງການປູກໝາກມ່ວງຫິມມະພານ,​ ໄມ້ໃຫ້ໝາກ ແລະ​ພືດລົ້ມລຸກ​ ເຊິ່ງຈະເລີ່ມຈັດຕັ້ງປະຕິບັດນັບແຕ່ມື້ເຊັນບົດບັນທຶກເປັນຕົ້ນໄປ.

• 20/06/2023