ຊີມັງອຸດົມໄຊຈຽງເກີ ເລີ່ມຈຳໜ່າຍໃນ 7 ແຂວງພາກເໜືອ

ໂຮງງານຊີມັງອຸດົມໄຊຈຽງເກີ ຢູ່ເມືອງນາໝໍ້ ແຂວງອຸດົມໄຊສາມາດຜະລິດຊີມັງທີ່ມີຄຸນນະພາບສູງເຂົ້າຈຳໜ່າຍສູ່ຕະຫຼາດໃນ 7 ແຂວງພາກເໜືອຂອງ ສປປ ລາວ, ເຊິ່ງໂຮງງານດັ່ງກ່າວໄດ້ມີພິທີເປີດການຈໍາໜ່າຍຊີມັງ ເມື່ອວັນທີ 14 ມິຖຸນາ 2023.

ທ່ານ ລິນເພ່ລຽງ ປະທານບໍລິສັດ ໄດ້ໃຫ້ສໍາພາດຕໍ່ນັກຂ່າວວ່າ: ໂຮງານຂອງພວກເຮົາແມ່ນເປັນໂຮງງານຊີມັງຂະໜາດໃຫຍ່ທີ່ສຸດໃນປະເທດລາວ, ຜະລິດຊີມັງໄດ້ເຖິງ 2 ລ້ານໂຕນຕໍ່ປີ ຊຶ່ງສາມາດຕອບສະໜອງໄດ້ຕາມຄວາມຕ້ອງການຢ່າງພຽງພໍຂອງໂຄງການກໍ່ສ້າງຕ່າງໆຢູ່ 7 ແຂວງພາກເໜືອເຊັ່ນ: ໂຄງການທາງດ່ວນແຕ່ບໍ່ເຕັນຫາແຂວງບໍ່ແກ້ວ, ແຕ່ບໍ່ເຕັນໄປຫາແຂວງອຸດົມໄຊ, ເຂດເສດຖະກິດພິເສດບໍ່ເຕັນ ແລະອື່ນໆ, ເຊິ່ງເປັນໂຮງງານທີ່ທັນສະໄໝທີ່ສຸດໃນລາວໂດຍນໍາໃຊ້ເຕັກໂນໂລຊີເຂົ້າໃນການຜະລິດ, ເປັນມິດກັບສິ່ງແວດລ້ອມ ແລະນໍາໃຊ້ວັດຖຸດິບພາຍໃນປະເທດລາວ 100%.

ທ່ານກ່າວອີກວ່າ: ຜ່ານມາບັນດາແຂວງພາກເໜືອແມ່ນນໍາເຂົ້າຊີມັງຈາກຕ່າງປະເທດປະຈຸບັນ, ຊີມັງຈຽງເກີຈໍາກັດກໍາລັງເຂົ້າສູ່ຕະຫຼາດຂອງບັນດາແຂວງພາກເໜືອລາວ, ເຊິ່ງຈະຊ່ວຍຫຼຸດຜ່ອນການໄຫຼອອກຂອງເງິນຕາຕ່າງປະເທດໃນຕໍ່ໜ້ານີ້ບໍລິສັດຈະສົ່ງອອກຊີມັງໄປປະເທດເພື່ອນບ້ານເຊັ່ນ: ສປ ຈີນ, ປະເທດໄທ ແລະຫວຽດນາມຕື່ມອີກ. ນອກນີ້, ໂຮງງານຊີມັງອຸດົມໄຊຈຽງເກີ ໄດ້ຮັບພະນັກງານ ແລະກຳມະກອນຮ້ອຍຕໍາແໜ່ງງານໃຫ້ປະຊາຊົນໃນທ້ອງຖິ່ນ, ປະຈຸບັນໂຮງງານມີແຮງງານເຖິງ 180 ກວ່າຄົນ, ສ່ວນຫລາຍແມ່ນແຮງງານທີ່ເປັນຄົນລາວທີ່ຜ່ານການຝຶກອົບຮົມວິຊາຊີບເປັນປະຈໍາ.

ທີ່ມາ: ວຽງຈັນທາຍ

• 19/06/2023