ກຳປັ່ນຜູ້ອົບພະຍົບຫລົ້ມໃນເກຣັກ ເສຍຊີວິດເກືອບ 80 ຄົນ

ຕາມຂ່າວ ເກຣັກ, ວັນທີ 15 ມິຖຸນາ, ເຈົ້າໜ້າທີ່ ຍາມຝັ່ງເກຣັກ ລາຍງານວ່າ: ເກີດເຫດກຳປັ່ນ ຜູ້ອົບພະຍົບຫລົ້ມ ຢູ່ນອກແຄມຝັ່ງ ແຄວ້ນເພໂລພອນນີສ ທາງພາກໃຕ້ຂອງ ເກຣັກ ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 79 ຄົນ.

ໃນນັ້ນຊ່ວຍເຫລືອຜູ້ປະສົບເຄາະຮ້າຍ ໃຫ້ປອດໄພ ລວມມີ 100 ກວ່າຄົນ ແລະສູນສູນຫາຍອີກ ຫລາຍຮ້ອຍຄົນ. ບັນດາຜູ້ລອດຊີວິດໃຫ້ຂໍ້ມູນຕໍ່ເຈົ້າໜ້າທີ່ກ່ຽວຂ້ອງ ວ່າ: ກຳປັ່ນລຳດັ່ງກ່າວໄດ້ບັນທຸກຜູ້ອົບພະຍົບ ຫລາຍກວ່າ 750 ຄົນ ຈຶ່ງເຮັດໃຫ້ຫລົ້ມຈົມລົງໃນບໍລິເວນ ນ່ານນໍ້າ ສາກົນ ໃນທະເລໄອໂອນຽນ. ເຈົ້າໜ້າທີ່ກ່ຽວຂ້ອງຄາດວ່າ ຍອດຈຳນວນຜູ້ເສຍຊີວິດອາດຈະເພີ່ມຂຶ້ນຫລາຍຮ້ອຍຄົນ. ສ່ວນສາເຫດຕົ້ນຕໍພວມຢູ່ໃນລະຫວ່າງການສືບສວນ ສອບສວນຂອງເຈົ້າໜ້າທີ່.

แชร์