ການຈັດຝຶກອົບຮົມ “ການບໍລິຫານການລົງທຶນໃນກຸ່ມຫຼັກຊັບ”

ໃນວັນທີ 14-15 ມິຖຸນາ 2023 ທີ່ຫ້ອງປະຊຸມຊັ້ນ 6 ອາຄານສຳນັກງານຄະນະກຳມະການຄຸ້ມຄອງຫຼັກຊັບ (ສຄຄຊ) ໄດ້ຈັດຝຶກອົບຮົມຫົວຂໍ້: "ການບໍລິຫານການລົງທຶນໃນກຸ່ມຫຼັກຊັບ (Portfolio Management)" ໃຫ້ແກ່ບັນດາກົມພາຍໃນ ທະນາຄານແຫ່ງ ສປປ ລາວ, ຕະຫລາດຫລັກຊັບລາວ, ບໍລິສັດຫລັກຊັບ, ບໍລິສັດຈົດທະບຽນ, ທະນາຄານທຸລະກິດພ້ອມທັງຄູອາຈານຈາກສະຖາບັນການສຶກສາພາຍໃນນະຄອນຫຼວງວຽງຈັນ ແລະ ມວນຊົນທົ່ວໄປພາຍໃຕ້ການສະໜັບສະໜູນໂດຍລັດຖະບານລຸກຊຳບວກ ໂຄງການ Lao/032 ໂດຍການເປັນປະທານຂອງທ່ານ ນາງ ວຽງດາລີ ສຸພານຸວົງ ຮອງຫົວໜ້າສຳນັກງານຄະນະກຳມະການຄຸ້ມຄອງຫຼັກຊັບ.

ຈຸດປະສົງໃນການຈັດຝຶກອົບຮົມໃນຄັ້ງນີ້ເພື່ອສ້າງຄວາມຮູ້ຄວາມເຂົ້າໃຈໃຫ້ຜູ້ທີ່ສົນໃຈລົງທຶນໃນຫຼັກຊັບສາມາດນໍາໄປເປັນບົດຮຽນວິເຄາະ ແລະຈັດການບໍລິຫານເງິນລົງທຶນຂອງຕົນ ແລະໃຫ້ຄູອາຈານສາມາດນໍາໄປຖ່າຍທອດ ຫຼືສົ່ງຕໍ່ຄວາມຮູ້ໃຫ້ນັກສຶກສາໄດ້ຕໍ່ໄປພ້ອມທັງ, ເປັນການປູພື້ນຖານຄວາມຮູ້ຕະຫຼາດທຶນ.

แชร์