ວັນທີ 15 ມິຖຸນາ ວັນຕ້ານໄຂ້ເລືອດອອກອາຊຽນ ຄົບຮອບ 13 ປີ (15/6/2010-15/6/2023)

ຕະຫຼອດຫຼາຍປີຜ່ານມາພະຍາດໄຂ້ຍຸງລາຍ ຫຼືໄຂ້ເລືອດອອກ ໄດ້ເປັນບັນຫາໃຫຍ່ໃນກຸ່ມປະເທດອາຊຽນ ເນື່ອງຈາກສະພາບພູມສັນຖານປະເທດໃນອາຊີຕາເວັນອອກສ່ຽງໃຕ້ (ອາຊຽນ) ມີພູມອາກາດຮ້ອນຊຸ່ມເໝາະແກ່ການແພ່ພັນຍຸງລາຍທີ່ເປັນພາຫະນະນໍາພະຍາດໄຂ້ເລືອດອອກໂດຍສະເພາະໃນໄລຍະລະດູຝົນຊຶ່ງພະຍາດນີ້ມັກມີການລະບາດສູງໃນແຕ່ລະປີ.

ໃນກອງປະຊຸມລັດຖະມົນຕີສາທາລະນະສຸກອາຊຽນ ຄັ້ງທີ 10 ເມື່ອປີ 2010 ໄດ້ມີແນວຄິດລິເລີ່ມຮ່ວມກັນໃນການຕ້ານໄຂ້ເລືອດອອກໂດຍໄດ້ມີມະຕິຮ່ວມກັນກຳນົດໃຫ້ວັນທີ 15 ມິຖຸນາຂອງທຸກປີເປັນວັນຕ້ານໄຂ້ເລືອດອອກອາຊຽນ ຫຼື (ASEAN Dengue Day) ເພື່ອປຸກລະດົມໃຫ້ປະຊາຊົນພາຍໃນສະມາຊິກອາຊຽນທັງ 10 ປະເທດ ເຂົ້າໃຈເຖິງການປ້ອງກັນພະຍາດ ແລະຮ່ວມມືກັນແກ້ໄຂບັນຫາໂດຍການເບິ່ງແຍງສິ່ງແວດລ້ອມບໍ່ໃຫ້ເປັແຫຼ່ງແພ່ພັນຍຸງລາຍ.

ສະເພາະ ສປປ ລາວ, ການລະບາດຂອງພະຍາດໄຂ້ເລືອດອອກໃນປີນີ້ໂດຍຂໍ້ມູນທີ່ສູນຂ່າວສານການແພດສຸຂະສຶກສາຂອງກະຊວງສາທາລະນະສຸກໄດ້ໃຫ້ຮູ້ວ່າ: ຕົວເລກຜູ້ຕິດສະສົມເຊື້ອໄຂ້ເລືອດອອກທົ່ວປະເທດ ວັນທີ 13 ມິຖຸນາ 2023 ແມ່ນ 4,239 ກໍລະນີ.

แชร์