ສຄອ. ນວ ແຕ່ງຕັ້ງທ່ານ ສີໜຸກ ສີສົມບັດ ປະທານຄະນະທີ່ປຶກສາ

ໃນວັນທີ 9 ມີຖຸນາ 2023 ຜ່ານມາທີ່ຮ້ານກາເຟສີໜຸກ ຄະນະບໍລິຫານງານສະພາການຄ້າ ແລະອຸດສາຫະກຳນະຄອນຫຼວງວຽງຈັນ (ສຄອ.ນວ) ໄດ້ເປີດໂຕຄະນະ ທີ່ປຶກສາກິຕິມະສັກ ແລະຄະນະທີ່ປຶກສາຂອງຄະນະບໍລິຫານງານ ສະໄໝ ll ຊຸດທີ 3 ໂດຍແຕ່ງຕັ້ງທ່ານ ສີໜຸກ ສີສົມບັດ ເປັນປະທານຄະນະທີ່ປຶກສາພ້ອມຄະນະ 26 ທ່ານ ໂດຍເປັນກຽດເຂົ້າຮ່ວມຂອງທ່ານ ປອ ທິບນະກອນ ທອງຄຳ ຮອງເມືອງເຈົ້າສີສັດຕະນາກພ້ອມດ້ວຍຄະນະພາກສ່ວນກ່ຽວຂ້ອງເຂົ້າຮ່ວມ.

ອີງຂໍ້ຕົກລົງຂອງຄະນະບໍລິຫານງານສະພາການຄ້າ ແລະອຸດສາຫະກຳນະຄອນຫຼວງວຽງຈັນ ວ່າດ້ວຍການແຕ່ງຕັ້ງຄະນະທີ່ປຶກສາຂອງຄະນະບໍລິຫານງານສະພາການຄ້າ ແລະອຸດສາຫະກຳ ນະຄອນຫຼວງວຽງຈັນ ສະໄໝທີ II ຊຸດທີ 3 ກອງປະຊຸມຄົບຄະນະບໍລິຫານງານຂອງສະພາການຄ້າ ແລະອຸດສາຫະກຳນະຄອນ ຫຼວງວຽງຈັນ ຄັ້ງວັນທີ 5 ພຶດສະ ພາ 2023 ແລະດ້ວຍຄວາມເຫັນດີເປັນເອກະພາບຂອງກອງປະຊຸມຄະນະປະຈຳ ສຄອ.ນວ ຄັ້ງ ວັນທີ 12 ພຶດສະພາ 2023. ຊຶ່ງຄະນະບໍລິຫານງານສະພາການຄ້າ ແລະອຸດສາຫະກຳ ນະຄອນຫຼວງວຽງຈັນ (ສຄອ.ນວ) ຕົກລົງເຫັນດີແຕ່ງຕັ້ງຄະນະທີ່ປຶກສາຂອງຄະນະບໍລິຫານງານສະພາການຄ້າ ແລະອຸດສາຫະກຳນະຄອນຫຼວງວຽງຈັນ ສະໄໝທີ II ຊຸດທີ 3 ປະກອບມີບັນດາທ່ານດັ່ງນີ້:

1 ທ່ານ ສົມປະສົງ ສະຫງວນວົງ ອະດີດຮອງຫົວໜ້າພະແນກອຸດສາຫະກຳ ແລະການຄ້າ ນະຄອນຫຼວງວຽງຈັນ ອະດີດຫົົວໜ້າຄະນະຂົນຂວາຍສ້າງຕັ້ງສະພາການຄ້າ ແລະອຸດສາຫະກຳ ນະຄອນຫຼວຽງຈັນ ເປັນປະທານທີ່ປຶກສາກິຕິມະສັກຂອງຄະນະບໍລິຫານງານຂອງ ສຄອ.ນວ.

2 ທ່ານ ປອ ຄຳລຽນ ພົລເສນາ ອະດີດຮອງລັດຖະມົນຕີ ກະຊວງແຜນການ ແລະການລົງທຶນເປັນຄະນະທີ່ປຶກສາກິຕິມະສັກ.

3 ທ່ານ ສະຫວັນຄອນ ຣາຊ ມົນຕຣີ ອະດີດຮອງລັດຖະມົນຕີ ກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ ເປັນຄະນະທີ່ປຶກສາກິຕິມະສັກ.

4 ທ່ານ ພົງສະຫວັນ ພົມກອງ ຜູ້ອຳນວຍການຫ້ອງການກອງທຶນສາກົນ IFC ປະຈຳ ສປປ ລາວ ເປັນຄະນະທີ່ປຶກສາກິຕິມະສັກ. ແຕ່ງຕັ້ງຄະນະທີ່ປຶກສາ ທ່ານ ສີໜຸກ ສີສົມບັດ ເປັນປະທານຄະນະທີ່ປຶກສາພ້ອມຄະນະ 26 ທ່ານ ຊຶ່ງທາງຄະນະທີ່ປຶກສາກິຕິມະສັກຄະນະທີ່ປຶກສາທີ່ຖືກແຕ່ງຕັ້ງມີສິດ ແລະໜ້າທີ່ຕ່າງໆ ຕາມກົດລະບຽບຂອງ ສຄອ.ນວ ເພື່ອຊ່ວຍໃຫ້ຄຳປຶກສາແນະນຳ ແລະ ະໜັບສະໜູນວຽກງານກິດຈະກຳຕ່າງໆຂອງ ສຄອ.ນວ.

ສຳລັບບັນດາທ່ານທີ່ຖືກແຕ່ງຕັ້ງ ແລະທຸກພາກສ່ວນທີ່ກ່ຽວຂ້ອງຈົ່ງຮັບຮູ້ອຳນວຍຄວາມສະດວກຕໍ່ຄະນະດັ່ງກ່າວເພື່ອປະຕິບັດໜ້າທີ່ຢ່າງມີປະສິດທິຜົນຂໍ້ຕົກລົງສະບັບນີ້ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ. ໂອກາດດັ່ງກ່າວທ່ານ ສີໜຸກ ສີສົມບັດ ແລະບັນດາຄະນະກໍໄດ້ປະກອບຄຳຄິດເຫັນໃຫ້ທິດຊີ້ນຳເພີ່ມທະວີການຮ່ວມມືຫຼາຍດ້ານເພື່ອການພັດທະນາເສດຖະກິດໃຫ້ມີສ່ວນຮ່ວມຫຼາຍຂຶ້ນໂດຍສະເພາະກັບບັນດາປະເທດອາຊຽນໃຫ້ຫຼາຍຂຶ້ນ.

ຂ່າວ: ບຸນນິກ ມະນີ

แชร์