ບໍລິສັດ ພູເບ້ຍ ມາຍນິງ ສະເຫຼີມສະຫຼອງລາງວັນພະນັກງານດີເດັ່ນປະຈໍາປີ ຄັ້ງທີ 13

ໃນວັນສຸກທີ 9 ມິຖຸນາທີ່ຜ່ານມາ, ບໍລິສັດ ພູເບ້ຍ ມາຍນິງ ແລະບໍລິສັດ ແພນອອສ໌ ໄດ້ຈັດງານສະເຫຼີມສະຫຼອງມອບລາງວັນພະນັກງານດີເດັ່ນປະຈໍາປີຄັ້ງທີ 13 ເຊິ່ງຈັດຂຶ້ນທີ່ໂຮງແຮມ ຄຣາວພລາຊາ ຢູ່ນະຄອນຫຼວງວຽງຈັນ.

ລາງວັນພະນັກງານດີເດັ່ນປະຈໍາປີ, ເຊິ່ງສ້າງຂຶ້ນໃນປີ 2010, ຮັບຮູ້ ແລະຕອບແທນການປະກອບສ່ວນອັນພົ້ນເດັ່ນຂອງບັນດາພະນັກງານ ແລະທີມງານຈາກເຂດດໍາເນີນງານຂອງບໍລິສັດໃນລາວ, ພະມ້າ, ໄທ, ຫວຽດນາມ ແລະປາປົວນິວກີນີ.

ທ່ານ ດາລິງ ເຊັງ, ຜູ້ອໍານວຍການໃຫຍ່ ແລະປະທານບໍລິຫານບໍລິສັດ ແພນອອສ໌ ກ່າວສະແດງຄວາມຊົມເຊີຍ ແລະຂອບໃຈໃນນາມຜູ້ຖືຮຸ້ນຂອງບໍລິສັດ ແພນອອສ໌ ບໍລິສັດ ກວາງຕຸງ ຣາຍຊີງ ເຮັທເຄ (ໂຮນດີ້ງ) ຈໍາກັດຕໍ່ຜູ້ໄດ້ຮັບລາງວັນ.

ທ່ານ ເຊັງ ໄດ້ກ່າວວ່າ: “ຊົມເຊີຍຜູ້ຊະນະເລີດ ແລະ ຮອງຜູ້ຊະນະເລີດຂອງພວກເຮົາໝົດທຸກຄົນ. ພວກເຮົາຮັບຮູ້ ແລະ ສະແດງຄວາມຮູ້ບຸນຄຸນຕໍ່ພະນັກງານຂອງພວກເຮົາຜູ້ທີ່ໄດ້ສໍາເລັດວຽກງານຫຼາຍຢ່າງລື່ນຄວາມຄາດຫວັງ, ຜູ້ທີ່ໄດ້ປະຕິບັດໜ້າທີ່ສໍາເລັດຕາມແນວທາງຂອງແພນອອສ໌, ແລະຜູ້ທີ່ໄດ້ສືບຕໍ່ມີຜົນງານ ແລະ ການປະກອບສ່ວນທີ່ສູງສົ່ງຕະຫຼອດ 12 ເດືອນຜ່ານມາ.” ທ່ານ ຈັນເພັງ ບຸນນະຜົນ, ປະທານບໍລິສັດ ພູເບ້ຍ ມາຍນິງ ກ່າວຕື່ມວ່າ: “ພວກເຮົາແມ່ນພາກພູມໃຈກັບຜູ້ຊະນະເລີດ ແລະ ຮອງຜູ້ຊະນະເລີດທີ່ໄດ້ຮັບລາງວັນ ເປັນຜູ້ທີ່ມີຄວາມມຸ້ງໝັ້ນຕໍ່ການເຕີບໂຕຂອງທຸລະກິດບໍລິສັດ. ຂໍຂອບໃຈເຖີງຄວາມພະຍາຍາມອັນ ‘ສູງສົ່ງ ແລະພົ້ນເດັ່ນ’ ຂອງພວກທ່ານ.” ບັນດາຜູ້ຊະນະເລີດ ແລະ ຮອງຜູ້ຊະນະເລີດໃນແຕ່ລະປະເພດລາງວັນຕ່າງກັນລວມມີ: ລາງວັນພະນັກງານດີເດັ່ນປະຈໍາປີ ຜູ້ຊະນະເລີດ: ພອນສະຫວັນ ພັນນຸວົງ ຈາກພະແນກຄຸ້ມຄອງຄວາມສ່ຽງ/ຮັກສາຄວາມປອດໄພ ແລະຊັບສິນຢູ່ໂຄງການບ້ານຫວ້ຍຊາຍ.

ຮອງຊະນະເລີດ: ສຸກແສງດາວ ເພັດສະພັງທອງ (ແບ້ງ) ຈາກພະແນກບຸກຄະລາກອນ ແລະຝຶກອົບຮົມ.

ລາງວັນທີມງານດີເດັ່ນປະຈໍາປີ ທີມຊະນະເລີດ: ທີມງານທໍລະນີວິທະຍາດ້ານການພັດທະນາຊັບພະຍາກອນແຮ່ທາດທີມຮອງຊະນະເລີດ: ທີມງານຍ້າຍພື້ນຖານໂຄງລ່າງຢູ່ເຂດບໍ່ຕັດທາງທິດໃຕ້ ໂດຍພະແນກບູລະນະ ແລະສ້ອມແປງພື້ນຖານໂຄງລ່າງ.

ລາງວັນຄວາມເປັນຜູ້ນໍາດີເດັ່ນ ຊະນະເລີດ: ປໍຢ່າງ ເຍ່ຍຊົງ ຈາກພະແນກຊີເຈາະ & ລະເບີດ ພະແນກຂຸດຄົ້ນຢູ່ພູຄໍາ. ຮອງຊະນະເລີດ: ບຸນກອງ ວົງບົວຄໍາ ຈາກພະແນກຂຸດຄົ້ນຢູ່ພູຄໍາ.

ລາງວັນທີມງານດີເດັ່ນດ້ານການຜະລິດ, ປະຫຍັດຄ່າໃຊ້ຈ່າຍ ແລະປັບປຸງທຸລະກິດຢ່າງຕໍ່ເນື່ອງທີມຊະນະເລີດ: ທີມງານປະສົມຝ່າຍຜະລິດ ແລະຈັດຊື້-ຈັດຈ້າງ ກ່ຽວກັບການສະໜອງ ແລະການບໍລິການຂົນສົ່ງວັດຖຸລະເບີດ. ທີມຮອງຊະນະເລີດ: ທີມງານໂລຈີສຕິກ ແລະຂົນສົ່ງແຮ່ສໍາລັບການຂົນສົ່ງສານໄຊຍະນາຍ.

ລາງວັນທີມງານດີເດັ່ນປະຈໍາປີດ້ານຄວາມປອດໄພທີມຊະນະເລີດ: ທີມງານທໍລະນີເຕັກນິກ ແລະ ອຸທົກທໍລະນີວິທະຍາ. ທີມຮອງຊະນະເລີດ: ທີມງານກໍ່ສ້າງອ່າງເກັບຫາງແຮ່ຢູ່ບ້ານຫ້ວຍຊາຍ. ລາງວັນທີມງານດີເດັ່ນດ້ານການພັດທະນາແບບຍືນຍົງທີມຊະນະເລີດ: ທີມງານກໍ່ສ້າງເສັ້ນທາງເບຕົງຢູ່ບ້ານນໍ້າໂມ້ ພະແນກບູລະນະ ແລະສ້ອມແປງພື້ນຖານໂຄງລ່າງ. ທີມຮອງຊະນະເລີດ: ທີມງານພົວພັນຊຸມຊົນ.

แชร์