4 ເມືອງ ລາວ-ຫວຽດນາມ ພົບປະແລກປ່ຽນຂໍ້ມູນເສດຖະກິດ-ສັງຄົມ ແລະສະພາບຄວາມສະຫງົບ

ໃນວັນທີ 10 ມິຖຸນາ 2023 ທີເມືອງນຳ້ໂປ ໄດ້ຈັດກອງປະຊຸມພົບປະແລກປ່ຽນບົດຮຽນວຽກງານພັດທະນາເສດຖະກິດຂອງແຕ່ລະເມືອງ ແລະ ຄວາມເປັນລະບຽບຮຽບຮ້ອຍ ຢູ່ເຂດຊາຍແດນລະຫວ່າງ ເມືອງນໍ້າໂປ, ແຂວງດຽນບຽນ ແຫ່ງ ສສ ຫວຽດນາມ ກັບ 3 ເມືອງຄື: ເມືອງໃໝ່, ເມືອງສຳພັນ, ເມືອງຜົ້ງສາລີ, ແຂວງຜົ້ງສາລີ ແຫ່ງ ສປປ ລາວ. ໂດຍມີທ່ານ ວັນໄຊ ແສນຍອດ ເຈົ້າເມືອງ ຜົ້ງສາລີ, ທ່ານ ທອງຕື ເກຍສະບົງ ເຈົ້າເມືອງສຳພັນ. ທ່ານ ສອນສະໜູກ ສີສຸລາດ ເຈົ້າເມືອງໃໝ່ ແລະຄະນະນຳ ແຂວງດຽນບຽນ ແຫ່ງ ສສ ຫວຽດນາມ.

ໃນກອງປະຊຸມໄດ້ສະຫຼູບລາຍງານຫຍໍ້ ທັງ 4 ເມືອງ ເປັນຕົ້ນແມ່ນວຽກງານປ້ອງກັນຄວາມສະຫງົບຕາມລຽບຊາຍແດນ ລາວ-ຫວຽດ ແລກປ່ຽນບົດຮຽນວຽກງານເສດຖະກິດ ເມືອງນຳ້ໂປ ເປັນເມືອງສ້າງຕັ້ງໃໝ່ ຄົບຮອບ 10 ປີ ແລະ ຮັບຄຳຍ້ອງຍໍຈາກລັດທະມົນຕີ, ຍ້ອນການພັດນາໄດ້ດີ ເມືອງນຳ້ໂປ ມີເນື້ອທີ່ທຳມະຊາດ 149.559,12 ເຮັກຕາ ປະຈຸບັນມີປະຊາກອນທັງໝົດ 59.700 ຄົນ ມີ 7 ຊົນເຜົ່າ ຊາວເມືອງນຳ້ໂປ ໄດ້ມີການພັດທະນາຄອບຄົວ ເປັນຕົ້ນແມ່ນ ວຽກງານກະສີກຳເປັນຕົ້ນຕໍອັດຕາການເຕີບໂຕຂອງມູນຄ່າສະເລ່ຍມູນຄ່າການພະລິດບັນລຸ 9,85%/ປີ, ຈຳນວນສັດໃຫຍ່ບັນລຸ 77.530ໂຕ, ສັດປີກທັງຫມົດ 222.060 ໂຕ, ລາຍຮັບຕໍ່ຫົວຄົນບັນລຸ 18-16 ລ້ານດົງ/ຄົນ/ປີ. ໃນປີ 2022 ຜົນພະລິດສະບຽງອາຫານ ບັນລຸ 23.362,68 ໂຕນ ປະຈຸບັນກຳລັງພັດທະນາ ແລະໄດ້ສ້າງໂຮງໝໍໃຫຍ່ເປັນໂຮງໝໍເຂດຂອງສາມເມືອງຄື: ເມືອງນຳ້ໂປ, ເມືອງນາຮີ, ເມືອງແຍ ຢູ່ຕາມລຽບຊາຍແດນສາມາດມາປີ່ນປົວໄດ້. ຫຼັງຈາກນັ້ນ ທັງ 3 ເມືອງ ຂອງແຂວງຜົ້ງສາລີ ແຫ່ງ ສປປລາວ ກໍ່ໄດ້ລາຍງານສະພາບການຈັດຕັ້ງປະຕິບັດວຽກງານຮອບດ້ານຂອງແຕ່ລະເມືອງອິກໂດຍຫຍໍ້. ການພົບປະຄັ້ງນີ້ມີ 3 ເນື້ອໃນຄື: ພົບປະວຽກງານການພັດທະນາເສດຖະກິດ-ສັງຄົມ, ແລກປ່ຽນວຽກງານວັນນະຄະດີເຜົ່າ 4 ເມືອງ ເພືອເປັນການອານຸລັກຮີດຄອງປະເພນີ ທັງສົ່ງເສີມວັດທະນະທຳເຜົ່າອີກດ້ວຍ. ແລກປ່ຽນສີນຄ້າຕະຫຼາດນັດ ຂອງ 4 ເມືອງ ວາງຂາຍສີທານຄ້າຜະລິດຕະພັນພາຍໃນ (ໂອດອບ) ຂອງແຕ່ລະເມືອງເປັນການສົ່ງເສີມສີໄມ້ລາຍມື ຂອງແຕ່ລະທ້ອງຖິ່ນ ແລະອື່ນໆ ສອງຊາດລາວ - ຫວຽດນາມຍາມໃດກໍ່ມີຄວາມຮັກແພງສາມັກຄີຊ່ວຍເຫຼືອເຊິ່ງກັນ ແລະກັນຕະຫຼອດມາດັ່ງຄຳຂັວນທີ່ວ່າສອງຊາດລາວ-ຫວຽດນາມໄດ້ຝັ່ງຄວາມຮັກຢູ່ໃນໃຈຮົງຮາທັງແມ່ຂອງບໍເລີກປູ່ນປານໄດ້

ທີ່ມາ: ຫ້ອງການ ຖວທ ເມືອງໃໝ່

แชร์