ສວນໄຜ່ນາຄໍາ ໝາກມ່ວງຫຼາຍສາຍພັນ ລົດຊາດດແຊບ

ສວນໄຜ່ນາຄໍາ ເປັນສວນທີ່ກ້າເບ້ຍໄມ້ໃຫ້ໝາກຫຼາຍສາຍພັນພ້ອມນັ້ນຍັງຈໍາໜ່າຍຜົນຜະລິດໃຫ້ກັບຕະຫຼາດໂດຍມີແມ່ຄ້າຄົນກາງໄປຊື້ກັບທີ່ປັດຈຸບັນສວນກໍາລັງຈໍາໜ່າຍຜົນຜະລິດໝາກມ່ວງຫຼາຍສາຍພັນ ແລະໝາກສີດາ ພ້ອມນັ້ນຍັງໄດ້ຈໍາໜ່າຍເບ້ຍໄມ້ໃຫ້ໝາກທຸກຊະນິດໃຫ້ກັບຜູ້ທີ່ມີຄວາມສົນໃຈຢາກນໍາໄປປູກພາຍໃນສວນ ແລະອື່ນໆ.

ທ່ານນາງ ສຸພາລັກ ພໍບຸຜາ ເຈົ້າຂອງສວນໄຜ່ນາຄໍາໃຫ້ສໍາພາດວ່າ: ສວນໄຜ່ນາຄໍາ ຕັ້ງຢູ່ເມືອງປາກງື່ມ ນະຄອນຫຼວງວຽງຈັນ ມີເນື້ອທີ່ທັງໝົດ 14 ເຮັກຕາ ໃນນີ້ໄດ້ປູກພືດແບບປະສົມປະສານໂດຍແບ່ງເນື້ອທີ່ປູກໝາກມ່ວງ ປູກໜໍ່ໄມ້ລ້ຽງນ້ອງ ນອກນີ້ຍັງໄດ້ຂະຫຍາຍເບ້ຍໄມ້ໃຫ້ໝາກເປັນຕໍານວນຫຼາຍເປັນຕົ້ນໝາກມ່ວງ ໝາກນາວ ໝາກສີດາ ໝາກມີ້ ແລະເບ້ຍໄມ້ໃຫ້ໝາກຊະນິດອື່ນໆ.

ຕະຫຼອດໄລຍະຜ່ານມາ 9 ປີ ສວນໄຜ່ນາຄໍາໄດ້ຮັບຜົນຜະລິດຈາກການປູກພືດແບບປະສົມປະສານເປັນຈໍານວນຫຼວງຫຼາຍໂດຍສະເພາະໝາກມ່ວງຢູ່ໃນສວນມີ 60 ກວ່າສາຍພັນ ທີ່ໃຫ້ຜົນຜະລິດຕະຫຼອດປີ ແລະໃນປັດຈຸບັນກໍາລັງເກັບຜົນຜະລິດໝາກມ່ວງ 3 ລະດູ ຂຽວສະເຫວີຍ,ງາມງ່າໄມ້ ແລະໝາກສີດາ ມີລາຄາຈໍາໜ່າຍກິໂລ 8.000 ກີບ ຫາສູງສຸດ 20.000 ກີບຕໍ່ກິໂລ ຫຼືອີງຕາມແຕ່ລະສາຍພັນເຊິ່ງຜົນຜະລິດສ່ວນໃຫຍ່ຈະມີແມ່ຄ້າຄົນກາງໄປຊື້ກັບທີ່ຢູ່ສວນສ່ວນເບ້ຍໄມ້ໃຫ້ໝາກມີລາຄາຈໍາໜ່າຍແຕ່ 10 ຂຶ້ນໄປ ແລະ ໃນແຜນການຕໍ່ໜ້າຈະຂະຫຍາຍພັນຕົ້ນໄມ້ກິນໝາກໃຫ້ມີຫຼາຍຊະນິດ ເພື່ອໃຫ້ຜົນຜະລິດທີ່ແຕກຕ່າງ ແລະກາຍເປັນທີ່ຍອມຮັບຂອງລຸກຄ້າເຊິ່ງບຸກຄົນໃດມີຄວາມຕ້ອງການເບ້ຍໄມ້ໄປປູກພາຍໃນສວນ ຫຼື ຊື້ຜົນຜະລິດໄປຈໍາໜ່າຍສາມາດເຂົ້າໄປເລືອກໄດ້ຢູ່ທີ່ສວນມີສະຖານທີ່ຢູ່ເມືອງປາກງື່ມ ນະຄອນຫຼວງວຽງຈັນ.

แชร์