ໂດຍຕອບສະໜອງຕາມຄວາມຮຽກຮ້ອງຕ້ອງການຂອງລູກຄ້າໃກ້ບ່ອນໃດບໍລິການບ່ອນນັ້ນດັ່ງນັ້ນວັນທີ 1 ມິຖຸນາ ຜ່ານມາທາງບໍລິສັດ ໃສສະອາດ ຈິ່ງພະຍາຍາມຂະຫຍາຍສາຂາຮ້ານຂາຍຢາ ແລະອຸປະກອນການແພດຂອງບໍລິສັດຕົນໄປຍັງເຂດຊຸມຊົນພາຍໃນຕົວເມືອງນະຄອນຫຼວງວຽງຈັນ ເພື່ອອຳນວຍຄວາມສະດວກດ້ານຕ່າງໆໃຫ້ລູກຄ້າ ກໍຄືປະຊາຊົນບັນດາເຜົ່າ ໂດຍສະເພາະຊາວນະຄອນຫຼວງວຽງຈັນ ແລະຫຼ້າສຸດບໍລິສັດໄດ້ຂະຫຍາຍສາຂາແຫ່ງທີ 6 ບ້ານແສງສະຫວ່າງ (ດົງຈອງ) ຕໍ່ໜ້າຕະຫຼາດ 5 ແຍກດົງຈອງ ເມືອງໄຊເສດຖາ ນະຄອນຫຼວງວຽງຈັນ ແລະທ້າຍປີນີ້ມິແຜນຂະຫຍາຍຕື່ມອີກ 1 ສາຂາ.
ພິທີເປີດບໍລິການຮ້ານຂາຍຢາ ແລະອຸປະກອນການແພດໃສສະອາດການຢາ ສາຂາບ້ານແສງສະຫວ່າງ (ດົງຈອງ) ຈັດຂຶ້ນວັນທີ 1 ມິຖຸນາ 2023 ມີທ່ານ ດຣ. ບຸນເລື່ອນ ຜະລາດຊະໂຍທາ ຫົວໜ້າກອງກວດກາອາຫານ ແລະ ຢາ ກະຊວງສາທາລະນະສຸກ ທ່ານ ດຣ. ກອງມະນີ ນາມມະວົງມີໄຊ ຫົວ ໜ້າພະແນກຄຸ້ມຄອງຂ່າວສານກົມອາຫານ ແລະຢາ ທ່ານນາຍບ້ານແສງສະຫວ່າງ ທີ່ປຶກສາຄະນະອຳນວຍການບໍລິສັດໃສສະອາດ ພະນັກງານບໍລິສັດ ແລະລູກຄ້າເຂົ້າຮ່ວມ.
ທ່ານ ນາງ ວິມາລາ ຂັນຕິວົງ ຜູ້ອຳນວຍການບໍລິສັດ ໃສສະອາດ ໄດ້ກ່າວວ່າ: ບໍລິສັດໃສສະອາດ ໄດ້ສ້າງຕັ້ງຂຶ້ນປີ 1981 ດຳເນີນທຸລະກິດກ່ຽວກັບວຽກງານສາທາ ເປັນຕົ້ນຈຳໜ່າຍຢາ ແລະອຸປະກອນການແພດຮັບໃຊ້ສັງຄົມກໍຄືປະຊາຊົນລາວບັນດາເຜົ່າໂດຍມີສຳນັກງານໃຫຍ່ ກໍຄືສາຂາທີ 1 ຕັ້ງຢູ່ ບ້ານໜອງດ້ວງ (ເຂດຕະຫຼາດແລງ) ເມື່ອທຸລະກິດມີການຂະຫຍາຍຕົວ ແລະຕອບສະໜອງຕາມຄວາມຮຽກຮ້ອງຕ້ອງການຂອງປະຊາຊົນກໍຄືລູກຄ້າດ້ານຄວາມສະດວກຕ່າງໆ ດັ່ງນັ້ນບໍລິສັດຈິ່ງໄດ້ຂະຫຍາຍ ສາຂາອອກໄປຫຼາຍແຫ່ງ ແຕ່ການຈະຂະຫຍາຍສາຂາແຕ່ລະແຫ່ງນັ້ນບໍລິສັດໄດ້ມີຄວາມພ້ອມທຸກຢ່າງກ່ອນເປັນຕົ້ນດ້ານບຸກຄະລາກອນຊ່ຽວຊານການແພດ (ປະເພດຢາ) ຄຸນນະພາບດ້ານການບໍລິການ ແລະອື່ນໆ ເນື່ອງຈາກທຸລະກິດຂະແໜງອື່ນໆ ຊຶ່ງການຂະຫຍາຍສາຂາຮ້ານຂາຍຢາຂອງບໍລິສັດມາຮອດປະຈຸບັນມີ 6 ສາຂາ ຄື ສາຂາທີ 1 ບ້ານໜອງດ້ວງ ສາຂາທີ 2 ບ້ານຂຸນຕາ ເມືອງສີໂຄດຕະບອງ ສາຂາທີ 3 ບ້ານສະພານທອງ (ຕໍ່ໜ້າໂຮງໝ 103 ກອງທັບ) ເມືອງສີສັດຕະນາກ ສາຂາທີ 4 ບ້ານຈອມມະນີ ສາຂາທີ 5 ບ້ານຈອມມະນີ (ຕໍ່ໜ້າໂຮງໝໍມິດຕະພາບ 150 ຕຽງ) ແລະສາຂາທີ 6 ບ້ານແສງສະຫວ່າງ ເມືອງໄຊເສດຖາ ເພື່ອອຳນວຍຄວາມສະດວກໃຫ້ລູກຄ້າກໍຄືປະຊາຊົນທີ່ຕ້ອງການຊື້ຢາ ແລະອຸປະກອນການແພດນຳຮ້ານໃສສະອາດການຢາຊຶ່ງບໍລິສັດຈັດວັນເວລາເປີດບໍລິການຂອງຮ້ານຂາຍຢາແຕ່ລະສາຂາທີ່ເປັນເອກະພາບກັນ ຄື ເປີດທຸກວັນແຕ່ວັນຈັນຫາວັນອາທິດ ແຕ່ເວລາເປີດ-ປິດຈະແຕກຕ່າງກັນຄືວັນຈັນຫາວັນເສົາເປີດເວລາ 7:30-20:00 ໂມງ ແລະວັນອາທິດເປີດເວລາ 7:30-17:00 ໂມງ ດັ່ງນັ້ນແຈ້ງເຖິງລູກຄ້າໃກ້ສາຂາໃດບໍລິການສາຂານັ້ນທຸກສາຂາມີຢາ ແລະອຸປະກອນການແພດຄືກັນລາຄາຄືກັນ.
