ໂຮງຮຽນວັນໃໝ່ ສະເຫຼີມສະຫຼອງວັນເດັກນ້ອຍສາກົນ

ການສະເຫຼີມສະຫຼອງວັນເດັກນ້ອຍສາກົນ ວັນທີ 1 ມະຖຸນາ ກໍຄືວັນປູກຕົ້ນໄມ້ແຫ່ງຊາດໃນປີນີ້ມີຫຼາຍພາກສ່ວນໄດ້ສຸມໃສ່ຈັດໃຫ້ມີກິດຈະກຳຫຼາຍຢ່າງໃນການຮ່ວມສະເຫຼີມສະຫຼອງວັນດັ່ງກ່າວຢ່າງເປັນຂະບວນຟົດຟື້ນໂດຍສະເພາະຕາມສຳນັກງານອົງການທັງພາກລັດ ແລະເອກະຊົນໂດຍສະເພາະໃນສະຖາບັນການສຶກສາມີຫຼາຍໂຮງຮຽນຮ່ວມກັນຈັດກິດຈະກຳສະເຫຼີມສະຫຼອງວັນເດັກນ້ອຍສາກົນຂຶ້ນ.

ເມື່ອບໍ່ດົນມານີ້ທາງທີ່ໂຮງຮຽນວັນໃໝ່ໄດ້ຈັດກິດຈະກຳສະເຫຼີມສະຫຼອງວັນເດັກນ້ອຍສາກົນ 1 ມິຖຸນາ 2023 ຂຶ້ນໂດຍມີທ່ານຜູ້ອຳນວຍການໂຮງຮຽນພ້ອມດ້ວຍພໍ່ແມ່ຜູ້ປົກຄອງ ແລະນັກຮຽນເຂົ້າຮ່ວມຈັດກິດຈະກຳໃນຄັ້ງນີ້ ປະຈຸບັນທາງໂຮງຮຽນມີ ຈຳນວນນັກຮຽນທັງຫມົດ 1073 ຄົນຍິງ 551 ຄົນຈຳນວນຄູອາຈານທັງຫມົດ 63 ຄົນ ຍິງ38ຄົນຈຳນວນຫ້ອງຮຽນ,ອະນຸບານ 6ຫ້ອງ,ປະຖົມ 13ຫ້ອງ,ມັດທະຍົມ 15ຫ້ອງ,ລວມ 34 ຫ້ອງ.

ໃນທຸກໆປີເພື່ອເປັນການຮ່ວມສະເຫຼີມສະຫຼອງວັນອັນມີຄວາມໝາຍສຳຄັນດັ່ງກ່າວທາງໂຮງຮຽນໄດ້ຮ່ວມກັບຜູ້ປົກຄອງ ແລະນັກຮຽນນັບແຕ່ຫ້ອງລ້ຽງເດັກອະນຸບານຈັນເຖິງມັດທະຍົມສຶກສາສົມບູນຂອງໂຮງຮຽນພ້ອມກັນຈັດກິດຈະກຳສະຫຼອງວັນເດັກນ້ອຍສາກົນຂຶ້ນເຊິ່ງນອກຈາກຈັດໃຫ້ມີການສະແດງສິລະປະວັນນະຄະດີຟ້ອນຮ້ອງເພັງ ຂັບລຳລະຄອນເວທີຂອງບັນດານັກຮຽນໃນແຕ່ລະຊັ້ນພາຍໃນງານຍັງຈັດໃຫ້ມີຫ້ອງວາງສະແດງການຫຼີ້ນເກມຕ່າງໆ ລວມມີອີກຫຼາຍກິດຈະກຳເພື່ອສົ່ງເສີມສິດທິເດັກໃນການກ້າສະແດງອອກ.

แชร์