ສາວສະຫວັນຍັງຄອຍ” ຜົນງານນັກຮ້ອງໃໝ່ສາຍພິນ ຖິ່ນພູໄທ

ສາຍພິນຖິ່ນພູໄທຊຶ່ງເປັນສາວນ້ອຍເຜົ່າຜູ້ໄທທີ່ມີຄວາມສູ້ຊົນຕາມຫາຄວາມຝັນຢາກເຂົ້າມາຢູ່ວົງການບັນເທີງແຕ່ຍ້ອນຄວາມພະຍາຍາມຜັກດັນຂອງນ້ອງຈົນເຮັດ ໃຫ້ປະສົບຜົນສຳເລັດກ້າວມາເປັນ ສິລະປິນນັກຮ້ອງພ້ອມກັບສ້າງຜົນ ງານໃໝ່ເພງທຳອິດ “ສາວສະຫວັນຍັງຄອຍ”.

ນາງ ຂວັນຕາຈີລີຄຳ ຫຼື ສາຍ ພິນ ຖິ່ນພູໄທໃຫ້ສຳພາດວ່າ: ຈຸດ ເລີ່ມຕົ້ນກ່ອນຈະມາເປັນສິນລະ ປິນນັກຮ້ອງນີ້ເພາະວ່າຕົນເອງມັກ ຮັກໃນດ້ານສິລະປະດົນຕີຢູ່ແລ້ວຈາກນັ້ນໄດ້ມາຢູ່ຮ້ານອາຫານປາ ໄນຄຳຖືວ່າເປັນບ່ອນໃຫ້ການຮຽນ ຮູ້ໃນການສຶກສາກ່ຽວກັບທັກສະການຮ້ອງເພງ, ວິທີອອກສຽງລູກ ເອີ້ນ, ລູກຄໍ, ວິທີການເຕັ້ນ ແລະ ອື່ນໆຈົນເກີດປະສົບຄວາມສຳເລັດ ພ້ອມມີຜົນງານເປັນຂອງຕົນເອງ ກັບເພງ “ສາວສະຫວັນຍັງຄອຍ” ເພງດັ່ງກ່າວນີ້ປະພັນໂດຍອາຈານ ອຸ້ຍ  ແສງອາລຸນ  ແລະທຳນອງປະ ກອບສຽງດົນຕີໂດຍອາຈານ ພົນ ຮຸ່ງເພັດ  ເປັນເພງມີເນື້ອໃນຄວາມ ໝາຍລະຫວ່າງບ່າວວຽງຈັນ  ແລະ ສາວສະຫວັນກຳລັງມີຄວາມຮັກທີ່ ບໍ່ໄດ້ສົມຫວັງກັນ ໂດຍຜູ້ບ່າວວຽງ ຈັນບອກຮັກແລ້ວຕົວະໃຫ້ສາວສະ ຫວັນລໍຖ້າບໍ່ຮູ້ວັນເວລາຊິກັບມາຫາມື້ໃດ.

ເພງ “ສາວສະຫວັນຍັງຄອຍ”ເປັນຜົນງານທຳອິດຂອງນ້ອງສາຍພິນຖິ່ນພູໄທປະຈຸບັນໄດ້ປ່ອຍລົງຢູ ທູບໄປແລ້ວໃນຕົ້ນເດືອນເມສາ 2019 ນີ້ຊຶ່ງສາມາດສ້າງສະຖິຕິ ໄດ້  8,2  ພັນວິວ. ພ້ອມນັ້ນສາຍພິນຖິ່ນພູໄທ ຍັງກ່າວຕື່ມອີກວ່າ: ພາຍຫຼັງທີ່ໄດ້ຝາກເຖິງບັນດາມວນຊົນ ໄດ້ເປັນສິລະປິນເຕັມໂຕແລ້ວຈະ ເຮັດແຕ່ແນວສິ່ງດີໆພ້ອມພັດທະນາ ພຶດຕິກຳໂຕເອງໃຫ້ເປັນແບບຢ່າງທີ່ດີຂອງສັງຄົມ ແລະກຳລັງກຽມສ້າງຜົນງານເພງທີສອງໃນໄວໆນີ້ ຊຶ່ງສາມາດຕິດຕາມໄດ້ທີ່ທາງຢູທູບ ຫຼື ເຟດສ໌ບຸກ: ສາຍພິນ ຖິ່ນພູໄທ.

ຮຽບຮຽງໂດຍ: ແພງຕາ

• 08/04/2019