ສໍາມະນານຳໃຊ້ຂໍ້ມູນຜູກພັນ 4.0 ເພື່ອພັດທະນາເສດຖະກິດດິຈິຕ໋ອນ ຂອງ ສປປ ລາວ

ກະຊວງເຕັກໂນໂລຊີ ແລະການສື່ສານຮ່ວມກັບ ບໍລິສັດ Meta Bank, ປະເທດ ສິງກະໂປ ຈັດກອງປະຊຸມສໍາມະນາລະດັບລັດຖະມົນຕີ ວ່າດ້ວຍການຫັນເປັນດິຈິຕ໋ອນກຸ່ມຂໍ້ມູນຜູກພັນ 4.0 ເພື່ອພັດທະນາເສດຖະກິດດິຈິຕ໋ອນ ຂອງ ສປປ ລາວ ໃນວັນທີ 26 ພຶດສະພາ 2023 ທີ່ຫໍປະຊຸມແຫ່ງຊາດ ໂດຍໃຫ້ກຽດເຂົ້າຮ່ວມຂອງ ພະນະທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ, ທ່ານ ບັນດິດ ສຈ. ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະການສື່ສານ, ມີບັນດາທ່ານລັດຖະມົນຕິ, ຜູ້ວ່າການທະນາຄານແຫ່ງ ສປປລາວ, ບັນດາຮອງລັດຖະມົນຕີ, ຫົວໜ້າກົມ, ສະຖາບັນ, ຫ້ອງການ, ປະທານບໍລິສັດ Meta Bank ພ້ອມດ້ວຍຄະນະຜູ້ບໍລິຫານງານ ແລະບັນດາແຂກທີ່ຖືກເຊີນເຂົ້າຮ່ວມ.

ຊຶ່ງຈຸດປະສົງຂອງກອງປະຊຸມສຳມະນາຄັ້ງນີ້ ແມ່ນເພື່ອສົ່ງເສີມການຫັນເປັນດິຈິຕ໋ອນຂອງ ສປປ ລາວ, ພັດທະນາເສດຖະກິດດິຈິຕ໋ອນ ບົນພື້ນຖານການນຳໃຊ້ເຕັກໂນໂລຊີກຸ່ມຂໍ້ມູນຜູກພັນ (Blockchain Technology) ແຜນພັດທະນາເສດຖະກິດດິຈິຕ໋ອນແຫ່ງຊາດ ຂອງ ສປປ ລາວ, ເຮັດໃຫ້ການພັດທະນາເສດຖະກິດດິຈິຕ໋ອນ ສາມາດສ້າງລາຍຮັບປະກອບເຂົ້າ GDP ຂອງປະເທດເພີ່ມຂຶ້ນເທື່ອລະກ້າວ, ປະກອບສ່ວນເຂົ້າໃນການຈັດຕັ້ງປະຕິບັດວາລະແຫ່ງຊາດຂອງລັດຖະບານ ໃນການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ໃຫ້ມີສະພາບດີຂຶ້ນ ແລະທັງເປັນການຊຸກຍູ້ໃຫ້ ສປປ ລາວ ກ້າວສູ່ເຕັກໂນໂລຊີ Web 3.0 ແລະ ກຸ່ມຂໍ້ມູນຜູກພັນ 4.0 ແລະ ອຸດສະຫະກຳ 4.0 ຢ່າງວ່ອງໄວ.

ຜູ້ເຂົ້າຮ່ວມໄດ້ຮັບຟັງການສະເໜີບົດຮຽນຈາກຊ່ຽວຊານລະດັບສາກົນຈາກຫຼາຍປະເທດ ເຊັ່ນ: ການນຳສະເໜີກ່ຽວກັບຄວາມສີວິໄລໃນຍຸກດິຈິຕ໋ອນ (Digital Civilization) ໂດຍ ທ່ານ ສາດສະດາຈານ Bill Roscoe, ຈາກມະຫາວິທະຍາໄລ Oxford, ປະເທດອັງກິດ; ນໍາສະເໜີກ່ຽວກັບການຫັນເປັນດິຈິຕ໋ອນເພື່ອພັດທະນາປະເທດຊາດ (Digital Nation) ໂດຍ ທ່ານ Zhu Jiawei, ນັກຊ່ຽວຊານດ້ານກຸ້ຂໍ້ມູນຜູກພັນ (Blockchain) ຂອງ ສປ ຈີນ; ກ່ຽວກັບ ເສດຖະກິດດິຈິຕ໋ອນ (Digital Economy) ໂດຍ ທ່ານ Frank Sui, Founder, ປະທານບໍລິສັດ Meta Bank ແລະສະເໜີກ່ຽວກັບການຫັນເປັນດິຈິຕ໋ອນຂອງ ສປປ ລາວ (Digital Transformation in Lao PDR) ໂດຍ ທ່ານ ນ. Zhang Li, ຄູ່ຮ່ວມງານຜູ້ກໍ່ຕັ້ງ D11 Labs.

ພະນະທ່ານນາຍົກລັດຖະມົນຕີ ແຫ່ງ ສປປ ລາວ ຍັງໄດ້ມີຄໍາເຫັນວ່າ: ພວກເຮົາຈະຕ້ອງພ້ອມກັນຕັດສິນໃຈດຳເນີນພາລະກຳປະຫວັດສາດທີ່ສຳຄັນດັ່ງກ່າວເພື່ອພັດທະນາປະເທດຊາດຢາກເຮັດໄດ້ຄືແນວນັ້ນ,ກ່ອນອື່ນໝົດຄະນະພັກ-ຄະນະນຳ ແລະອົງການປົກຄອງທຸກຂັ້ນຕ້ອງນຳພາ-ຊີ້ນຳການຫັນເປັນດິຈິຕອນໃນຂົງເຂດຂອງຕົນ

แชร์