ຊີເອັນພີ ປະກອບສ່ວນຊ່ວຍພັດທະນາແຂວງຊຽງຂວາງ 150 ລ້ານກີບ

ບໍລິສັດ ຊີເອັນພີ ສຳຫຼວດ-ຂຸດຄົ້ນບໍ່ແຮ່ ຈຳກັດຜູ້ດຽວ ເຫັນຄວາມສຳຄັນວຽກງານທາງດ້ານສັງຄົມຕະຫຼອດມາໂດຍສະເພາະແມ່ນການຊ່ວຍເຫຼືອ ແລະຊຸກຍູ້ງານສຳຄັນຂອງຊາດ ໂດຍຫຼ້າສຸດ ເພິ່ນໄດ້ປະກອບສ່ວນສະໜັບສະໜູນ ພັດທະນາແຂວງຊຽງຂວາງ ໃນຈຳນວນເງິນ 150.000.000 ລ້ານກີບ ຕ່າງໜ້າມອບບໍລິສັດ ທ່ານ ນາງ ໄວນະພາ ວົງສະໝໍລະພູມ ຕ່າງໜ້າຮັບພາກສ່ວນກ່ຽວຂ້ອງແຂວງ ແລະເປັກກຽດເຂົ້າຮ່ວມໂດຍທ່ານ ກິແກ້ວ ໄຂຄຳພິທູນ ຮອງນາຍຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ສຳລັບການໃຫ້ການສະໜັບສະໜູນຄັ້ງນີ້ຈຸດປະສົ່ງເພື່ອເປັນການປະສ່ວນເຂົ້າໃນການພັດທະນາເຂົ້າວັນສຳຄັນຂອງແຂວງເຊັ່ນຊົມເຊີຍວັນປູກຕົ້ມໄມ້ ແຫ່ງຊາດ ວັນທີ 1 ມິຖຸນາ ປະຈຳປີ 2023 ຄົບຮອບ 42 ປີ ແລະຊົມເຊີຍ ຜົນສຳເລັດກອງປະຊຸມຄົບຄະນະກາງສະໄໝຂອງຄະນະບໍລິຫານງານພັກແຂວງຊຽງຂວາງ ສະໄໝທີ VIII.

ບໍລິສັດ ຊີເອັນພີ ສຳຫຼວດ-ຂຸດຄົ້ນບໍ່ແຮ່ ຈຳກັດສ້າງຕັ້ງໃນປີ 2004 ຈຶ່ງໄດ້ດຳເນີນການຊອກຂຸດຄົ້ນບໍ່ເຫຼັກຢູ່ເມືອງຫຼາ ແຂວງອຸດົມໄຊ ບໍ່ທອງແດງ ແລະບໍ່ຊືນສັງກະສີ, ເຊິ່ງເປັນທຸລະກິດໜຶ່ງທີ່ກ້າວມາຈາກການດຳເນີນຂຸດຄົ້ນບໍ່ແຮ່ ແລະ ໄດ້ເຊັນສັນຍາກັບລັດຖະບານ ເພື່ອຊອກຄົ້ນສຳຫຼວດບໍ່ແຮ່ເຫຼັກ,ຊືນ ແລະສັງກະສີ,ພ້ອມທັງໄດ້ລົງສ້າງຕັ້ງໂຮງງານຂຸດຄົ້ນແຮ່ໃນປີ 2011 ແລະມາໃນປີ 2013-2014 ໄດ້ເລີ່ມຂຸດຄົ້ນແຮ່ເຫຼັກສົ່ງອອກຈຳນວນ 5 ແສນໂຕນ, ໂດຍແຮ່ທັງໝົດແມ່ນໄດ້ຜ່ານການປຸງແຕ່ງສຳເລັດເພື່ອສົ່ງອອກໄປສາທາລະນະລັດປະຊາຊົນຈີນ.

ຂ່າວ: ບຸນນິກ ມະນີ

• 22/05/2023