ນະຄອນຫຼວງວຽງຈັນ-ບາງກອງສະເໜີຮ່ວມມື 3 ຂົງເຂດ ເພື່ອຂັບເຄື່ອນເສດຖະກິດໄປຂ້າງໜ້າ

ໃນວັນ​ທີ 20 ພຶ​ດ​ສະ​ພາ ທີ່ຜ່ານມາ ທ່ານ​ເຈົ້າ​ຄອງນ​ະ​ຄອນຫຼວງວຽງ​ຈັນ ໄດ້ເຂົ້າພົບ​ປະ​ ​ທ່ານຜູ້​ວ່ານະ​ຄອນຫຼວງບາງກອກ ຫາ​ລື​ການ​ຮ່ວມ​ມື​ລະ​ຫວ​່າງ​ສອງ​ຝ່າຍໃນ​ອ​ະ​ນາ​ຄົດ.

ໃນການພົບປະ ເຈົ້າຄອງນະຄອນຫຼວງວຽງຈັນ ໄດ້ມີການສະເໜີ ຫົວຂໍ້ແລກປ່ຽນ ກັບທາງ ນະຄອນຫຼວງບາງກອກ ໃນ 3 ຫົວຂໍ້ ທາງດ້ານ ການສຶກສາ ສາທາລະນະສຸກ ແລະ ການທ່ອງທ່ຽວ.

ດ້ານກາສຶກ ທັງສອງຝ່າຍໄດ້ແລກປ່ຽນກ່ຽວກັບການ ສອນຂອງບຸຄະລາກອນຂອງທັງສອງນະຄອນຫຼວງ ແລະ ຄວາມຄະລິເລີ່ມໂຄງການແລກປ່ຽນນັກຮຽນໃນສັງຄົມຂອງສອງຝ່າຍ ແລະ ການນຳເຕັກໂນໂລຊີເຂົ້າມາເພີ່ມປະສິດທິ ພາບດ້ານການຮຽນການສອນຜ່ານສື່ເອເລັກໂຕຣນິກ (E- Learning).

ດ້ານສາທາລະນະສຸກ ແມ່ນໄດ້ແລກປ່ຽນຄວາມຮູ້ດ້ານ ການປະຕິບັດທີ່ດີທີ່ສຸດດ້ານ Telemedicine ຜ່ານການນຳ ມາໃຊ້ໃນແອັບພລິເຄເຊິນ ແລະ ການຮ່ວມມືດ້ານການ ແພດກັບໂຮງໝໍວະຊີຣະ ແລະ ການບໍລິຫານຈັດການ ເມືອງ (City Lab) ກັບ ມະຫາວິທະຍາໄລນະວະມິນທຣາ ທິຣາຊ ໂດຍມີການຈັດຕັ້ງແຜນການເຝິກຊ້ອມ Tebletop Exercise ຜ່ານວີດີໂອທາງໄກ ລະຫວ່າງບຸຄະລາກອນທາງ ການແພດຂອງທັງສອງນະຄອນ ເພື່ອໃຫ້ມີທັກສະ ແລະ ຄວາມພ້ອມໃນການປະຕິບັດງານ.

ດ້ານການທ່ອງທ່ຽວ ການຮ່ວມມືການທ່ອງທ່ຽວ ດ້ານປະຫວັດສາດ ແລະ ນະວັດຕະກຳລະຫວ່າງ ນະຄອນ ຫຼວງວຽງຈັນ ແລະ ນະຄອນຫຼວງບາງກອກ ໂດຍໄດ້ແລກ ປ່ຽນແນວທາງການສົ່ງເສີມເສດຖະກິດກາງຄືນ (Midnight Economy) ເພື່ອເພີ່ມປະສິດທິພາບການເຕີບໂຕຂອງທຸລະກິດກາງຄືນ ແລະ ການສົ່ງເສີມເສດຖະກິດໃນຕົວເມືອງ ເຊັ່ນ: ການຈັດສັນພື້ນທີ່ໃນຕົວເມືອງເພື່ອຂາຍສິນຄ້າ ຫຼື ການຍົກສະມັດທະພາບອາຫານຂາຍຕາມແຄມທາງ ການດຶງດູດນັດທ່ອງທ່ຽວຊາດອື່ນເຂົ້າມາ.

ທີ່ມາ : VientianeMai

 

แชร์