ບໍລິສັດ ພູເບ້ຍ ມາຍນີງ ສ້າງທາງເວັ້ນໃຫ່ມເພື່ອຄວາມປອດໄພຂອງຊຸມຊົນທ້ອງຖີ່ນ

ໃນເດືອນ ພຶດສະພາ, ບໍລິສັດ ພູເບ້ຍ ມາຍນີງ (PBM) ໄດ້ເປີດນຳໃຊ້ເສັ້ນທາງເວັ້ນກໍ່ສ້າງໃຫ່ມຢູ່ບ້ານນຳ້ຍອນ, ເຊິ່ງຕັ້ງຢູ່ບໍລິເວນເຂດໂຮງງານຂຸດຄົ້ນ - ປຸງແຕ່ງທອງ - ຄຳ ພູຄໍາ ເມືອງ ອະນຸວົງ, ແຂວງໄຊສົມບູນ. ໃຫ້ກຽດເຂົ້າຮ່ວມເປັນສັກຂີພະຍານໂດຍ ທ່ານ ຮືທໍ່ ເພຍຫລວງ, ເຈົ້າເມືອງ ອະນຸວົງ, ຕາງຫນ້າຈາກອໍານາດການປົກຄອງເມືອງ ອະນຸວົງ, ຕາງຫນ້າຫ້ອງການໂຍທາທິການ ແລະຂົນສົ່ງ ແລະຫ້ອງການປ້ອງກັນຄວາມສະຫງົບ ເມືອງອະນຸວົງ ກໍ່ເຂົ້າຮ່ວມໃນງານເປີດນຳໃຊ້ທາງຢ່າງເປັນທາງການ.

ວຽກຂົນສົ່ງ ແລະລົດນໍາສົ່ງພະນັກງານຂອງບໍລິສັດ ພູເບ້ຍ ມາຍນິງ ທັງໝົດທີ່ເດີນທາງໄປທ່າເຮືອບັກ ແລະເຮືອໄວນາຕູ້ລະຫວ່າງໂຮງງານ ພູຄຳ ແລະໂຮງງານ ບ້ານ ຫ້ວຍຊາຍ ຈະນຳໃຊ້ເສັ້ນທາງເວັ້ນດັ່ງກ່າວໂດຍບໍ່ຕ້ອງຜ່ານເຂົ້າເສັ້ນທາງຫລວງປະຈຸບັນທີ່ຢູ່ເຂດບ້ານນຳ້ຍອນ, ເຊີ່ງຈະເພີ້ມຄວາມປອດໄພຂອງຊຸມຊົນໃນບ້ານ.
ບໍລິສັດ ໄດ້ລົງທືນກໍ່ສ້າງເສັ້ນທາງເວັ້ນດັ່ງກ່າວເປັນຈຳນວນເງິນ $178,000 ໂດລ່າສະຫະລັດ ເຊີ່ງມີໄລຍະທາງຍາວ 1.65 ກິໂລແມັດ ແລະ ກວ້າງ 11 ແມັດ ເຊີ່ງເລີ່ມຈາກປະຕູທາງເຂົ້າເຂດບໍ່ຂຸດຄົ້ນພູຄຳ ຢູ່ຈຸດຮັກສາຄວາມປອດໄພປ່ຽນຜຽນວຽກຂອງໂຮງງານໄປທາງທິດໃຕ້ເຂົ້າສູ່ເຂດອຸດສະຫະກຳເບົາຂອງໂຮງງານ, ຜ່ານເສັ້ນທາງໃນເຂດອ່າງເກັບຫາງແຮ່ ແລະອອກໄປຖະຫນົນຫຼວງ.

ທ່ານ ດາລິງ ເຊັງ, ຜູ້ອໍານວຍການໃຫຍ່ ແລະປະທານບໍລິຫານບໍລິສັດ ແພນອອສ໌ ຈໍາກັດ ໄດ້ເວົ້າກ່ຽວກັບຄວາມມຸ້ງຫມັ້ນຂອງບໍລິສັດ ແພນອອສ໌ ໃນການໃຫ້ຄວາມສຳຄັນຕໍ່ຄວາມປອດໄພຂອງຊຸມຊົນທ້ອງຖີ່ນວ່າ: “ບ້ານນຳ້ຍອນ ແມ່ນຫນື່ງໃນບ້ານເຈົ້າພາບຂອງບໍລິສັດ ພູເບ້ຍ ມາຍນີງ ແລະຄວາມປອດໄພຂອງປະຊາຊົນຢູ່ບ້ານ ນຳ້ຍອນ ແມ່ນບູລິມະສິດອັນດັບຫນື່ງຂອງບໍລິສັດ.

ທ່ານ ດາລິງ ເຊັງ ກ່າວ: “ເສັນທາງເວັ້ນໃຫ່ມນີ້ ເຮັດໃຫ້ບໍລິສັດ ພູເບ້ຍ ມາຍນີງ ສາມາດສືບຕໍ່ວຽກຂົນສົ່ງ ແລະການໂດຍສານທັງໝົດລະຫວ່າງໂຮງງານພູຄຳ ແລະ ໂຮງງານບ້ານຫ້ວຍຊາຍປອດໄພ ແລະຈະຢຸດຕິອຸດບັດຕິເຫດທີ່ເກີດຈາກລົດພວກເຮົາຕໍ່ປະຊາຊົນຢູ່ໃນບ້ານດັ່ງກ່າວ.”

ທ່ານ ຈັນເພັງ ບຸນນະຜົນ, ປະທານບໍລິສັດ ພູເບ້ຍ ມາຍນີງ ກໍ່ໄດ້ກ່າວຕື່ມວ່າ: “ເສັ້ນທາງເວັ້ນດັ່ງກ່າວແມ່ນເສັ້ນທາງທີ່ຍືນຍົງ, ເຊິ່ງເຮັດໃຫ້ຊຸມຊົນທ້ອງຖີ່ນມີຄວາມປອດໄພເພີ້ມຂຶ້ນ ແລະສະຫນັບສະຫນູນແຜນການຂົນສົ່ງຂອງບໍລິສັດໃນຕໍ່ໜ້າ.”

แชร์