ພິທີປະກາດ ໂຮງຮຽນປະຖົມຫ້ອມສະຫວັນ ເປັນໂຮງຮຽນຕົວແບບຄຸນນະພາບ

ໂຮງຮຽນປະຖົມຫ້ອມສະຫວັນ ໄດ້ຈັດພິທີເປີດປ້າຍໂຮງຮຽນຕົວແບບຄຸນນະພາບຂອງນະຄອນຫຼວງວຽງຈັນ (ນວ) ຢ່າງເປັນທາງການເມື່ອວັນທີ 12 ພຶດສະພາຜ່ານມາ ທີ່ໂຮງຮຽນດັ່ງກ່າວ, ໂດຍມີທ່ານ ບຸນທັນ ແສງມະນີເດີ້ ຮອງຫົວໜ້າພະແນກສຶກສາທິການ ແລະກິລານະຄອນຫຼວງ,ທ່ານ ຖາວອນ ສີຫາມາຍາ ຮອງເຈົ້າເມືອງໆຫາດຊາຍຟອງທ່ານ ສົມສີ ເທບພະວົງ ຫົວຫນ້າຫ້ອງການສຶກສາທິການ ແລະ ກິລາເມືອງຫາດຊາຍຟອງ ພ້ອມຄະນະແຂກຖືກເຊີນຕະຫຼອດຮອດພະນັກງານຄູອາຈານ ແລະນັກຮຽນເຂົ້າຮ່ວມ.

ໂຮງຮຽນປະຖົມ ຫ້ອມສະຫວັນ ໂຮງຮຽນຕົວແບບຄຸນນະພາບສ້າງຕັ້ງ ບ້ານຈຽມປາງ ເຂດບ້ານຫ້ອມ ເມືອງຫາດຊາຍຟແງ ນະຄອນຫຼວງວຽງຈັນ ມີເນື້ອທີ 5865 ຕາແມັດ ໂດຍເປີດການຮຽນການສອນມາໄດ້ 18 ປີ ມາຮອດປະຈຸບັນມີພະນັກງານຄູ່ 48 ຄົນ, ນັກຮຽນຊັ້ນອະນຸບານ 249 ຄົນ, ມີຫ້ອງຮຽນ 10 ຫ້ອງ, ຊັ້ນປະຖົມ 478 ຄົນ ມີຫ້ອງຮຽນ 14 ຫ້ອງ, ມັດທະຍົມຕົ້ນ 332 ຄົນມີຫ້ອງຮຽນ 8 ຫ້ອງ ແລະມັດທະຍົມປາຍ 193 ຄົນລວມ 6 ຫ້ອງ ຊຶ່ງສະເລຍຈຳນວນນັກຮຽນທັງໝົດ1.287 ຄົນ ລວມຫ້ອງຮຽນທັງໝົດ 33 ຫ້ອງ.

ຊຶ່ງໄລຍະເປີດການຮຽນການສອນແຕ່ລະສົກຮຽນຜ່ານມານັກຮຽນສ້າງຜົນງານຫຼາຍຢ່າງທີ່ໂດດເດັ່ນເຊັ່ນການສອບເສັງເລື່ອນຂັ້ນ ແລະ ຈົບຊັ້ນ ນັບປໍ1 ຮອດ ປໍ5 ສາມາດສະເລ່ຍໄດ້ 100% ແຕ່ລະສົກຮຽນ,ນອກຈາກນີ້ຍັງເຂົ້າຮ່ວມສອບເສັງນັກຮຽນເກັ່ງຊັ້ນປະຖົມ ແລະ ມັດທະຍົມ ແລະ ຍັງເປັນຕົວແທນຂອງປະເທດເຂົ້າຮ່ວມແຂ່ງ.

ຂ່າວ:ບຸນນິກ ມະນີ

แชร์