ສະພາແຫ່ງຊາດ ແລະ ລັດຖະບານ ຫາລືຊອກຫາວິທີແກ້ໄຂຫຼາຍບັນຫາທີ່ເຄັ່ງຮ້ອນ ຕໍ່ສະພາບເສດຖະກິດ-ສັງຄົມໃນປັດຈຸບັນ

ໃນວັນທີ 15 ພຶດສະພາ ຜ່ານມາ ທີ່ຫ້ອງປະຊຸມຄະນະປະຈຳສະພາແຫ່ງຊາດ ໄດ້ຈັດກອງປະຊຸມຮ່ວມ ລະຫວ່າງ ຄະນະປະ ຈຳສະພາແຫ່ງຊາດ ແລະ ຄະນະລັດຖະບານ ໂດຍການເປັນປະທານຂອງທ່ານ ປອ ໄຊສົມພອນ ພົມ ວິຫານ ປະທານຄະນະປະຈຳສະພາ ແຫ່ງຊາດ ແລະ ທ່ານ ປອ ສອນໄຊ ສີພັນດອນ ນາຍົກລັດຖະມົນຕີ ມີຮອງປະທານຄະ ນະປະຈຳ ຮອງນາຍົກລັດຖະມົນຕີ ກຳມະການຄະນະ ປະຈຳ ແລະ ຄະນະລັດຖະບານເຂົ້າຮ່ວມ.

ໃນກອງປະຊຸມ ໄດ້ຮັບຟັງບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມານ ແຫ່ງລັດ ແລະ ແຜນເງິນຕາ 6 ເດືອນຕົ້ນປີ 2023 ແລະ ແຜນການ 6 ເດືອນທ້າຍປີ 2023 (ການປະຕິບັດ ຄາດໝາຍໃຫຍ່ ຕາມກອງປະຊຸມ ສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ IX) ແລະ ບົດລາຍງານຂອງລັດຖະ ບານກ່ຽວກັບການຈັດຕັ້ງປະຕິບັດວາລະແຫ່ງຊາດວ່າ ດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ (ບັນຫາ ທີ່ພົ້ນເດັ່ນຕາມມະຕິ ຂອງກອງປະຊຸມສະໄໝວິສາມັນ ເທື່ອທີ 1 ຂອງ ສະພາແຫ່ງຊາດ ຊຸດທີ IX ເລກທີ 03/ສພຊ ລົງວັນທີ 10/8/2021) ບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດວາລະ ແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ (ບັນຫາທີ່ພົ້ນເດັ່ນຕາມມະຕິ ຂອງກອງປະຊຸມສະໄໝວິສາມັນ ເທື່ອທີ 1 ຂອງສະ ພາ ແຫ່ງຊາດ ຊຸດທີ IX ເລກທີ 04/ສພຊ ລົງວັນທີ 10/8/2021) ບົດລາຍງານຂອງລັດຖະບານ ກ່ຽວກັບຜົນສຳເລັດກອງປະຊຸມສຳມະນາ ວິທະຍາສາດ ກ່ຽວກັບ ວຽກງານທີ່ດິນ ບົດລາຍງານຂອງລັດຖະບານ ກ່ຽວກັບວຽກງານການປະກັນສຸຂະພາບ ປະກັນສັງຄົມ ແລະ ສະຫວັດດີ ການ ສັງຄົມ ຈາກນັ້ນ ບັນດາທ່ານ ຄະນະປະຈຳສະພາແຫ່ງຊາດ ໄດ້ປະກອບຄຳຄິດຄໍາເຫັນຕໍ່ບົດລາຍງານດັ່ງກ່າວ.

ໃນຕອນບ່າຍຂອງວັນດຽວກັນ ກອງປະຊຸມ ໄດ້ສືບຕໍ່ຮັບຟັງລາຍງານຈາກຕາງໜ້າຄະນະປະຈຳສະພາແຫ່ງຊາດ ເປັນຕົ້ນ: ບົດລາຍງານຂອງ ຄະນະປະຈຳສະພາແຫ່ງຊາດ ກ່ຽວກັບການກະກຽມຮ່າງກົດໝາຍທີ່ຈະນຳເຂົ້າລາຍງານ ຕໍ່ກອງປະຊຸມ ສະໄໝສາມັນ ເທື່ອທີ 5 ຂອງສະພາ ແຫ່ງຊາດ ຊຸດທີ IX ທີ່ມີຄວາມລະອຽດອ່ອນ ຄື: ກົດໝາຍວ່າດ້ວຍການຊົດເຊີຍຄ່າ ເສຍຫາຍຈາກລັດ ກົດໝາຍວ່າດ້ວຍການຈັດຫາງານ ກົດໝາຍວ່າດ້ວຍການປົກຄອງ ກົດໝາຍວ່າດ້ວຍອາກອນທີ່ດິນ ລວມທັງລາຍງານວຽກງານການໂຄສະນາເຜີຍແຜ່ກົດໝາຍ ບົດລາຍງານ ຂອງຄະນະປະຈຳສະພາແຫ່ງຊາດ ກ່ຽວກັບຜົນ ສຳເລັດກອງປະຊຸມສຳມະນາວິທະຍາສາດ ກ່ຽວກັບຫຼັກການ ແລະ ການຈັດສັນແຜນການ ລົງທຶນຂອງລັດ ບົດລາຍງານຂອງ ຄະນະປະຈຳສະພາແຫ່ງຊາດ ກ່ຽວກັບຫົວຂໍ້ເນື້ອໃນທີ່ຈະນຳເຂົ້າຜ່ານກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງ ຊາດ ຊຸດທີ IX ພ້ອມນັ້ນ ບັນດາທ່ານຜູ້ເຂົ້າຮ່ວມ ກໍໄດ້ປະກອບຄຳຄິດຄຳເຫັນຢ່າງກົງໄປກົງມາ.

ກອງປະຊຸມຄັ້ງນີ້ຈັດຂື້ນເພື່ອປຶກສາຫາລື ແລະ ຮ່ວມກັນຊອກວິທີແກ້ໄຂບັນຫາເຄັ່ງຮ້ອນ ແລະ ຮີບດ່ວນ ທີ່ເກີດຂື້ນໃນສັງຄົມ ທີ່ສົ່ງຜົນ ກະທົບຕໍ່ການສ້າງສາພັດທະນາເສດຖະກິດ-ສັງຄົມ ໃນປັດຈຸບັນ ເພື່ອຕິດຕາມ ຊຸກຍູ້ບັນດາກະຊວງ ອົງການ ໃນ ການຈັດຕັ້ງປະຕິບັດວາລະ ແຫ່ງຊາດ ທີ່ໄດ້ພິຈາລະນາຮັບຮອງເອົາເປັນມະຕິກອງປະຊຸມສະພາແຫ່ງຊາດໃນຂອບເຂດວຽກ ງານຂອງແຕ່ລະພາກສ່ວນ ແລະ ເປັນບ່ອນ ອີງໃນການແກ້ໄຂບັນຫາຄວາມຫຍຸ້ງຍາກຕ່າງໆໃຫ້ໄດ້ຮັບຜົນສຳເລັດ ເພື່ອຕິດ ຕາມກວດກາການເຄົາລົບ ແລະ ປະຕິບັດລັດຖະທຳມະນູນ ແລະ ກົດໝາຍຂອງບັນດາອົງການລັດຂັ້ນຕ່າງໆ ເພື່ອສ້າງຄວາມ ເປັນເອກະພາບ ຕໍ່ກັບວຽກງານຕ່າງໆ ແລະ ຄົ້ນຄວ້າກຳນົດວຽກທີ່ຈະຕ້ອງ ໄດ້ແກ້ໄຂຮ່ວມກັນ ລະຫວ່າງ ຄະນະປະຈຳສະພາ ແຫ່ງຊາດ ແລະ ຄະນະລັດຖະບານ ກໍຄືບັນດາຫົວຂໍ້ທີ່ຈະພິຈາລະນາໃນກອງປະຊຸມສະໄໝ ສາມັນ ເທື່ອທີ 5 ຂອງສະພາ ແຫ່ງຊາດ ຊຸດທີ IX.

ທີ່ມາ:Vientiane Mai

แชร์