ເມືອງໂພນໄຊ ເຜີຍແຜ່ຜົນສໍາເລັດ ກອງປະຊຸມສະໄໜສາມັນຂອງ ສະພາປະຊາຊົນແຂວງ

ວັນທີ 9 ພຶດສະພາ ທີ່ຜ່ານມາ ທ່ານ ວົງສະຫວັນ ເທບພະຈັນ ປະທານສະພາປະ ຊາຊົນແຂວງ ໄດ້ເຜີຍແຜ່ຜົນສໍາເລັດກອງປະຊຸມສະໄໜສາມັນເທືອທີ 4 ສະພາປະຊົນແຂວງຊຸດທີ 2 ຢູ່ບ້ານ ຫ້ວຍງາ ແລະສະໂມສອນໃຫຍ່ຂອງເມືອງໂພນໄຊ ມີ ປະຊາ ຊົນ, ການນຳຂອງເມືອງ ແລະພະນັກງານ-ລັດຖະກອນ ເຂົ້າຮ່ວມ.

ທ່ານ ທອງຈັນ ລັດຕະນະປະດິດ ເຈົ້າເມືອງໂພນໄຊ ໄດ້ລາຍງານວ່າ: ທົ່ວເມືອງມີ 57 ບ້ານ, ມີ 6.019 ຄອບຄົວ,ພົນລະເມືອງ 36.113 ຄົນ, ຍິງ 17.491 ຄົນ ປະກອບມີ ເຜົ່າລາວລຸ່ມ ກວມເອົາ 9,68%, ເຜົ່າກຶມມຸ ກວມເອົາ 63% ແລະເຜົ່າມົ້ງ ກວມເອົາ 26%;

ໃນໄລຍະ 3 ເດືອນຕົ້ນປີນີ້, ເສດຖະກິດ ມີການຂະ ຫຍາຍຕົວໃນລະດັບ 0,6% ແລະມາຮອດປັດຈຸບັນສາມາດເກັບລາຍຮັບເຂົ້າງົບປະມານໄດ້  32% ຂອງແຜນການປີ, ມີປ່າຜະລິດ 64 ເຮັກຕາ, ປູກໄມ້ ແລະຟື້ນຟູປ່າໄດ້ 4.000 ເຮັກ ຕາ, ມີເນື້ອທີປູກສວນຫຍ້າມີ 19.841 ເຮັກຕາ, ມີງົວ 26.354 ໂຕ, ຄວາຍ 5.545 ໂຕ, ສົ່ງເສີມປະຊາ ຊົນປູກພືດລະດູແລ້ງໄດ້ 259 ເຮັກຕາ ແລະປູກພືດລະດູຝົນໄດ້ 1.232 ເຮັກ ຕາ.

ຈາກນັ້ນ ປະທານສະພາປະຊາຊົນແຂວງ ຍົກໃຫ້ເຫັນເນື້ອໃນທີ່ສະມາຊິກສະພາແຫ່ງຊາດ ແລະສະ ມາຊິກສະພາປະຊາຊົນແຂວງ ຮັບຮອງ ລວມມີ: ມະຕິ ວ່າດ້ວຍການຮັບ ຮອງເອົາບົດລາຍງານ ການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມປະຈໍາປີ 2022 ແລະທິດ ທາງແຜນການປະຈໍາປີ 2023, ມະຕີ ວ່າດ້ວຍການຮັບຮອງເອົາບົດລາຍງານ ການຈັດຕັ້ງປະຕິບັດແຜນງົບປະມານປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງອົງ ການປົກຄອງແຂວງ, ມະຕີ ວ່າດ້ວຍການຮັບຮອງເອົາບົດລາຍງານ ການຈັດຕັ້ງປະຕິບັດການເຄື່ອນໄຫວວຽກງານ ອົງການກວດສອບປະຈໍາພາກເໝືອ ແລະອົງການກວດກາລັດແຂວງປະຈໍາປີ 2022 ແລະ ທິດທາງແຜນການປະຈໍາປີ 2023, ມະຕີ ວ່າດ້ວຍການຮັບຮອງເອົາບົດລາຍງານ ການຈັດຕັ້ງປະຕິ ບັດວຽກງານປະຈໍາປີ 2022 ແລະທິດທາງແຜນ ການປະຈໍາປີ 2023 ຂອງອົງການໄອຍະການປະຊາ ຊົນແຂວງ-ສານປະຊາຊົນແຂວງ ແລະມະຕີ ວ່າດ້ວຍການຮັບຮອງເອົາບົດລາຍ ງານ ການຈັດຕັ້ງປະຕິບັດວຽກງານປະຈໍາປີ 2022 ແລະທິດທາງແຜນການປະຈໍາປີ 2023 ຂອງສະພາປະຊາຊົນແຂວງ ແລະສະ ພາແຫ່ງຊາດ;

 ພ້ອມນີ້ ທ່ານໄດ້ຮັບຟັງຄໍາເຫັນ ທີ່ສະເໜີບັນຫາຂໍ້ຂ້ອງໃຈ ຈາກພະນັກງານ ແລະປະຊາຊົນຈຳນວນໜື່ງ ຕື່ມອີກ.

ຂ່າວ: ສີວອນ ນັກຂ່າວເມືອງໂພນໄຊ!

แชร์