ປິດຝຶກອົບຮົມເປຍໂນ ແລະການສະແດງຜົນງານ

 ຫ້ອງຝຶກອົບຮົມເປຍໂນ ແລະ ການສ້າງຜົນງານຂອງສູນວັດທະ ນະທໍາຈີນ ປະຈໍາ  ສປປ ລາວ ຮ່ວມກັບໂຮງຮຽນສິລະປະແຫ່ງຊາດລາວໄດ້ປິດລົງໃນວັນທີ5ເມສາ 2019 ໂດຍການເຂົ້າຮ່ວມຂອງ ທ່ານ ຕ່ວນ ມວນຈັນ ຜູ້ອໍານວຍ ການໂຮງຮຽນສິລະປະແຫ່ງຊາດ, ທ່ານ ຄໍາພວງ ອິນທະວົງ ຫົວໜ້າ ກົມສິລະປະການສະແດງ, ທ່ານ ນາງ ພອນມະນີ ຕາງໜ້າຈາກສູນວັດທະນາທໍາຈີນປະຈໍາ ສປປ ລາວ, ມີບັນ ດາຄູອາຈານ ແລະນ້ອງນັກຮຽນ ເຂົ້າຮ່ວມ.

ທ່ານ ຕ່ວນ ມວນຈັນ ກ່າວວ່າ: ການຝຶກອົບຮົມຄັ້ງນີ້ເພື່ອສ້າງສາ ບຸກຄະລາກອນທາງດ້ານສິລະປະ ໃນລາວໃຫ້ຫຼາຍຂຶ້ນ ແລະເພື່ອສ້າງ ໂອກາດໃຫ້ຄູອາອາຈານ ແລະນັກ ສຶກສາໄດ້ແລກປ່ຽນຄວາມຮູ້ປະສົບການໃໝ່ ແລະເປັນການຊຸກຍູ້ການ ພົວພັນຮ່ວມມືທາງດ້ານສິລະປະຂອງສອງຊາດລາວ-ຈີນໃຫ້ລົງສູ່ ລວງເລິກ.  ພ້ອມທັງມອບລາງວັນໃຫ້ ນັກຮຽນດີເດັ່ນໃນການຝຶກອົບຮົມ ຄັ້ງນີ້ 3  ຄົນ ແລະມອບໃບຢັ້ງຢືນໃຫ້ ແກ່ນັກຮຽນທັງໝົດທີ່ເຂົ້າຮ່ວມຝຶກ ອົບຮົມ.

ການຝຶກອົບຮົມເປຍໂນຄັ້ງນີ້ ເລີ່ມຈັດຕັ້ງປະຕິບັດແຕ່ວັນທີ 11 ມີນາ 5 ເມສາ 2019, ຊຶ່ງຜູ້ເຂົ້າຮ່ວມແມ່ນນັກຮຽນ ປີ1-ປີ4 ພ້ອມທັງອາຈານຂອງໂຮງຮຽນສິລະປະ ອີກ 1  ທ່ານ, ລວມທັງໝົດມີ 17 ຄົນ. ສໍາລັບບົດຮຽນທີ່ນໍາມາຝຶກອົບຮົມມີຄື: ທິດສະດີຄວາມຮູ້ພື້ນຖານຂອງ ເປຍໂນ, ເຕັກນິກການບັນເລງ, ຄວາມຮູ້ກ່ຽວກັບບົດເພງເປຍໂນ ຈີນ-ສາກົນ ແລະອື່ນໆ.

ຮຽບຮຽງໂດຍ: ຟ້າ

แชร์