ເດັກຍິງອໍທິສຕິກທີ່ມີ IQ ຮອດ 162 ຫຼາຍກວ່າ Albert Einstein

ໃນວັນທີ 9 ພຶດສະພາທີ່ຜ່ານມາ ສໍານັກງານຂ່າວ Daily mail ລາຍງານວ່າ Adhara Pérez Sánchez ອາຍຸ 11 ປີ ເດັກຍິງຈາກປະເທດ ເມັກຊິໂກ ໄດ້ຖືກກວດພົບວ່າເປັນອໍທິສຕິກຕັ້ງແຕ່ອາຍຸ 3 ປີ ຫຼ້າສຸດມີຜົນກວດສອບທາງດ້ານສະຕິປັນຍາ ຫຼື IQ ສູງຮອດ 162 ເຊິ່ງສູງກວ່າ Albert Einstein.

Adara Pérez Sánchez ຮຽນຈົບຊັ້ນປະຖົມສຶກສາໃນຕອນອາຍຸ 5 ປີ ແລະຈົບມັດທະຍົມສຶກສາຫຼັງຈາກນັ້ນພຽງ 1 ປີ. ຕອນອາຍຸ 11 ປີ ຍັງໄດ້ຮັບປະລິນຍາຕີສາຂາວິສະວະກຳ ແລະກຳລັງຈະໄດ້ຮັບປະລິນຍາໂທດ້ານວິສະວະກຳອີກດ້ວຍ. ໂດຍຄວາມໃຝ່ຝັນຂອງລາວຄືການໄດ້ເປັນນັກບິນອະວະກາດ ແລະໄປຕັ້ງຖິ່ນຖານຢູ່ເທິງດາວອັງຄານ.

ໂດຍໃນລາຍງານໄດ້ລະບຸວ່າ Adara Pérez Sánchez ມັກຈະຖືກຂົ່ມເຫັງຢູ່ໃນໂຮງຮຽນເນື່ອງຈາກເປັນອໍທິສຕິກ. ຕໍ່ມາຫຼັງຈາກ Adara Pérez Sánchez ຖືກກວດພົບວ່າເປັນອໍທິສຕິກ ກໍເຮັດໃຫ້ຕ້ອງຍ້າຍໂຮງຮຽນຮອດ 3 ເທື່ອ ສາຫາດມາຈາກທັກສະທາງຄຳເວົ້າໄດ້ຖົດຖອຍລົງ ແລະພຶດຕິກຳອື່ນເຮັດໃຫ້ຈຳເປັນຕ້ອງຍ້າຍໂຮງຮຽນ ຈົນເຮັດໃຫ້ລາວກາຍເປັນໂຣກຊຶມເສົ້າ.

ຊຶ່ງເວລາຕໍ່ມາຜູ້ເປັນແມ່ກໍໄດ້ເລີ່ມສັງເກດລູກສາວຂອງຕົນເອງແລ້ວພົບວ່າ Adara Pérez Sánchez ສາມາດຮຽນພຶດຊະຄະນິດດ້ວຍຕົນເອງ ແລະຈື່ຕາຕະລາງທາດໄດ້ແຕ່ຜູ້ເປັນແມ່ກັບຍັງບໍ່ໄດ້ຄິດຍັງເທື່ອ. ແມ່ເອງກໍພະຍາຍາມຫາວິທີບຳບັດອາການຊຶມເສົ້າຂອງລູກສາວ ແລະ ໄດ້ລົງທະບຽນເຂົ້າບຳບັດຢູ່ທີ່ Center for Attention to Talent (CEDAT) ເຊິ່ງເປັນໂຮງຮຽນເດັກທີ່ມີພອນສະຫວັນ ເຊິ່ງ Adara Pérez Sánchez ກໍເປັນເດັກທີ່ມີພອນສະຫວັນແທ້ໆ ເພາະໄດ້ຮັບການຢືນຢັນວ່າມີ IQ ສູງຮອດ 162 ໂດຍທີ່ຕົວລາວເອງກໍມີຄວາມຝັນສຸດແສນຈະຍິ່ງໃຫຍ່ວ່າຢາກເຮັດວຽກຢູ່ NASA ແລະຝັນຢາກຈະສຳຫຼວດດາວອັງຄານ ຢາກໄປອະວະກາດ ແລະຕັ້ງຖິ່ນຖານຢູ່ບ່ອນນັ້ນໂດຍໄດ້ໃຫ້ສຳພາດຄັ້ງນີ້ກັບສຳນັກຂ່າວວ່າ “ຖ້າເຈົ້າບໍ່ມັກກັບສະຖານີທີ່ເຈົ້າຢູ່ລອງຈິນຕະການວ່າເຈົ້າຢາກຈະຢູ່ໃສສ່ວນຂ້ອຍເຫັນຕົນເອງຢູ່ NASA ດັ່ງນັ້ນມັນຈຶ່ງກຸ້ມຄ່າທີ່ຈະໄດ້ລອງ.
ທີ່ມາ: LaoX

แชร์