ເກີດເຫດການຟ້າຜ່າສັດລ້ຽງ ບ້ານຜາແດງ ເສຍຫາຍຫຼາຍກວ່າ 10 ໂຕ

ໃນຕອນບ່າຍຂອງວັນທີ 8 ພຶດສະພາຜ່ານມາ ໄດ້ເກີດມີຟ້າຝົນ, ລົມແຮງ, ຟ້າຫຼື້ອມຟ້າຜ່າຫຼາຍຈຸດຢູ່ພາຍໃນເມືອງປາກອູ ເຮັດໃຫ້ສັດລ້ຽງປະເພດງົວຂອງປະຊາຊົນຢູ່ເຂດບ້ານຜາແດງ ຕາຍຫຼາຍກວ່າ 10 ໂຕ ຍ້ອນໄດຮັບຜົນກະທົບຈາກຟ້າຜ່າຊຶ່ງໄດ້ສ້າງຄວາມເສຍຫາຍຢ່າງຫຼວງຫຼາຍໃຫ້ແກ່ເຈົ້າຂອງງົວ.
 
ຊຶ່ງເຫດການຟ້າຜ່າຄັ້ງນີ້, ໄດ້ເຮັດໃຫ້ງົວຂອງທ້າວ ສີຈັນ ວ່າງວົງໄຊ ຢູ່ບ້ານຫ້ວຍມາດ ເມືອງປາກອູ ຕາຍຈຳນວນ 14 ໂຕ, ລວມມູນຄ່າການເສຍຫາຍ ທັງໝົດ 85 ລ້ານກວ່າກີບ, ຜູ້ກ່ຽວໄດ້ໄປເຮັດສວນຫຍ້າເພື່ອລ້ຽງງົວຢູ່ເຂດບ້ານຜາແດງ ເປັນເວລາ 4 ປີແລ້ວ, ເຫດການທີ່ເກີດຂຶ້ນໃນຄັ້ງນີ້ສ້າງຄວາມເສຍຫາຍຢ່າງໜັກໜ່ວງ, ເຮັດໃຫ້ປະຊາຊົນໃນເຂດດັ່ງກ່າວມີຄວາມຕື່ນຕົກໃຈ.

แชร์