ສະມາຄົມການສຶກສາພາກເອກະຊົນລາວ-ສະມາຄົມໂຮງຮຽນຍີ່ປຸ່ນ ແລກປ່ຽນບົດຮຽນ

ໃນວັນທີ 23 ເມສາຜ່ານມາ ທາງສະມາຄົມການສຶກສາພາກເອກະຊົນລາວ ອອກເດີນທາງທັດສະນະສຶກສາທີ່ປະເທດຢີ່ປຸ່ນໃນລະຫວ່າງວັນທີ 23-29 ເມສາ 2023 ນຳພາໂດຍ ທ່ານ ປອ ຄຳແສນ ສີສະວົງ ປະທານສະມາຄົມການສຶກສາ ແລະການຕ້ອນຮັບ ທ່ານ Mr shigenaka mutsuo ປະທານສະມາຄົມໂຮງຮຽນປະຖົມພາກເອກະຊົນແຫ່ງຊາດຍີ່ປຸ່ນ ຊຶ່ງຈຸດປະສົງເປົ້າໝາຍ ເພື່ອເປັນການສ້າງສາຍສຳພັນກັບສະມາຄົມການສຶກສາພາກເອກະຊົນໃນປະເທດຍີ່ປຸ່ນ ແລະ ເພື່ອເປັນການສຶກສາຮຽນຮູ້ການສຶກສາຂອງຍີ່ປຸ່ນເຊັ່ນ: ການສ້າງລະບຽບວິໄນແກ່ນັກຮຽນ, ຫຼັກສູດການຮຽນການສອນ, ການບໍລິຫານຈັດການໂຮງຮຽນເປັນຕົ້ນ, ເພື່ອເປັນການທັດສະນະຮຽນຮູ້ວັດທະນະທຳແລະທ່ອງທ່ຽວປະເທດຍີ່ປຸ່ນ.

ທ່ານ ປອ ຄຳແສນ ສີສະວົງ ປະທານສະມາຄົມການສຶກສາ ໃຫ້ຮູ້ວ່າ: ຖືກເປັນໂອກາດດີທີ່ໄດ້ນຳພາໂຮງຮຽນຜູ້ປະກອບການຢູ່ລາວໄປທັດສະນະຢູ່ປະເທດຍີ່ປຸ່ນ ໂດຍອີງຕາມນະໂຍບາຍຂອງພັກ ແລະລັດຖະບານລາວ ຕ້ອງຊຸກຍູ້ສົ່ງເສີມການສຶກສາພາກເອກະຊົນລາວໃຫ້ໄດ້ຮັບຄຸນນະພາບມາດຕະຖານສາກົນຂຶ້ນໄປເລື່ອຍໆ.

ສຳລັບການໄປທັດສະນະຄັ້ງນີ້ແມ່ນ 1 ສືບຕໍ່ພົວພັນລະຫວ່າງທັງສອງສະມາຄົມໄປຈົນເຖິງການເຊັນສັນຍາ MOU ແລກປ່ຽນດ້ານວິຊາການຄູ ແລະແລກປ່ຽນວັດທະນະທໍາຂອງນັກຮຽນ,2 ຄົ້ນຄ້ວາໃນການພັດທະນາການສຶກສາຮ່ວມກັນໃນທຸກດ້ານ,3 ຄົ້ນຄ້ວາທຶນການສຶກສາ 50% ຫລື 100%ໃຫ້ນັກຮຽນພາກເອກະຊົນຂອງລາວທີ່ຮຽນເກັ່ງໄດ້ມີໂອກາດມາຮຽນຕໍ່ລະດັບຊັ້ນສູງຫຼືມະຫາວິທະຍາໄລທີ່ປະເທດຍີ່ປຸ່ນ, 4 ຄົ້ນຄ້ວາກ່ຽວກັບການນຳສື່ການສອນຊັ້ນອະນຸບານປະຖົມມັດທະຍົມຂອງຍີ່ປຸ່ນ ໄປນໍາໃຊ້ໃນການສຶກສາລາວ.

ສະນັ້ນການເດີນທາງຄັ້ງນີ້ແມ່ນເຂົ້າຢ້ຽມຍາມແຕ່ຊັ້ນອະນຸບານສາມັນສຶກສາ ແລະ ລະດັບວິຊາຊີບການຮຽນການສອນຂອງປະເທດຍີ່ປຸ່ນເພື່ອເບິ່ງຕິດຕາມບັນດາຫລັກສູດເຕັກໂນໂລຊີ,ການຮຽນສື່ອອນລາຍລວມເຖິງລະບົບການຮຽນການສອນ ແລະແນວໃດກໍ່ຕາມການໄປທັດສະນະສຶກສາຄັ້ງນີ້ພວກເຮົາຫວັງວ່າຈະເປັນບົດຮຽນໃຫ້ຜູ້ປະກອບການຂອງໂຮງຮຽນເອກະຊົນເພື່ອນຳມາເປັນບ່ອນອີງປັບໃສ່ໃນການຮຽນການສອນຖືກເປັນບາດກ້າວທີ່ດີຕໍ່ໄປຈະຮ່ວມມືການພັດທະນາຂອງການສຶກສາ.

ປະເທດຍີ່ປຸ່ນເຫັນວ່າລະບົບການສຶກສາໂດຍສະເພາະຜູ້ປົກຄອງລົງທຶນຫຼາຍ ແລະ ເຫັນຄວາມສຳຄັນສູງພິເສດລະບົບການສຶກສາຂອງຍິ່ປຸ່ນອີງຕາມສະຖິຕິການສຶກສາພາກເອກະຊົນກວມເອົາ 80% ແລະ 20% ຂອງລັດ,ສາມັນ 60% ເອກະຊົນລັດຖະບານ 40% ສິ່ງສຳຄັນແມ່ນລັດຖະບານຍີ່ປຸ່ນແມ່ນສົ່ງເສີມ ແລະ ການໄປທັດສະນະສຶກສາຄັ້ງນີ້ ພວກເຮົາຈະເກັບກ່ຽວເອົາປະສົບການການຮຽນການສອນມານຳໃຊ້ ແລະສະເໜີໃຫ້ລັດຖະບານຮັບຮູ້ການສຶກສາສົ່ງເສີມແນວໃດຈຶ່ງເຮັດໃຫ້ມີການພັດທະໃນລະດັບສູງຂຶ້ນທຽບເທົ່າສາກົນໃນຕໍ່ໜ້າ.

ສິ່ງສຳຄັນຢາກຮຽກຮ້ອງໃຫ້ທາງລັດຖະບານ ແລະພາກສ່ວນກ່ຽວຂ້ອງຕ່າງໆສືບຕໍ່ຊຸກຍູ້ສົ່ງເສີມການສຶກສາພາກເອກະຊົນໃຫ້ເປັນອີກແຮງພັກດັນໃນການສ້າງພັດທະນາຊັບພະຍາກອນມະນຸດເພື່ອຫຼຸດຜ່ອນທາງດ້ານງົບປະມານຂອງລັດຖະບານຕ້ອງຍົກພາລະບົດບາດໃຫ້ດີຂຶ້ນຫັນສົ່ງເສີມໃຫ້ນັກຮຽນເຂົ້າມາຮຽນພາກເອກະຊົນຫຼາຍທໍ່ໃດເປັນການດີ ເພື່ອໃນຕໍ່ໜ້າໃຫ້ທາງລັດຖະບານຫັນສຸ່ມໃສ່ທາງໂຮງຮຽນ ທີ່ຢູ່ເຂດຫ່າງໄກ ໃນຊົນນະບົດໄດ້ເຂົ້າເຖິງການສຶກສາເທື່ອລະກ້າວ. ແລະ ພິເສດການເດີນທາງຮ່ວມແລກປ່ຽນແຕ່ລະປະເທດຊົມເຊີຍຜູ້ປະກອບການທຸກທ່ານ ທາງການສຶກສາແມ່ນສູ້ຊົນກຸ່ມຕົນເອງຫງົບປະມານໂຕເອງເພື່ອຢາກໃຫ້ການສຶກສາຂອງລາວໃຫ້ດີຂຶ້ນ.

ສຳລັບສະມາຄົມການສຶກສາພາກເອກະຊົນລາວສະມາຄົມການສຶກສາພາກເອກະຊົນໄດ້ສ້າງຕັ້ງຂຶ້ນໃນວັນທີ 10 ກໍລະກົດ 2001 ຊີ້ນລວມໂດຍ ລັດຖະມົນຕີກະຊວງສຶກສາທິການ ແລະກິລາ, ໃນໄລຍະຜ່ານມາສະມາຄົມໄດ້ເຄື່ອນໄຫວແລກປ່ຽນບົດຮຽນດ້ານການສຶກສາຢູ່ຫຼາຍປະເທດເຊັ່ນ ສປ ຈີນ, ຣາຊອານະຈັກໄທ,ມາເລເຊຍ,ສສ ຫວຽດນາມ ເພື່ອແລກປ່ຽນປະສົບການແລະບົດຮຽນໃນດ້ານການສຶກສາແລະວັດທະນະທຳເຊິ່ງກັນ ແລະກັນສະມາຄົມການສຶກສາພາກເອກະຊົນມີສະມາຊິກທັງໝົດ.

แชร์