ຄື້ນສຸນາມິ ຖະຫຼົ່ມອີນໂດເນເຊຍເສຍຊິວິດເກືອບ 300 ຄົນ

     ວັນທີ 22 ທັນວາຜ່ານມາ ໄດ້ເກີດເຫດຄື້ນສຶນາມິພັດຖະຫຼົ່ມ ອິນໂດເນເຊຍເຮັດໃຫ້ມີຜູ້ເສຍຊີວິດ ເພີ່ມຂຶ້ນເກືອບ 300 ຄົນ ແລະໄດ້ຮັບບາດເຈັບ 1.000 ຄົນ.

     ຕາມຂ່າວຕ່າງປະເທດລາຍງານໃນວັນທີ 23 ທັນວາ ເຈົ້າໜ້າທີ່ອິນໂດເນເຊຍເລີ່ມປະຕິບັດໜ້າທີ່ກູ້ໄພແລະຊ່ວຍເຫຼືອຜູ້ທີ່ໄດ້ຮັບຜົນກະທົບຈາກເຫດຄື້ນສຶນາມິຖະຫຼົ່ມເມືອງແຄມຝັ່ງຊຸນດາ,ເກາະຊະວາແລະເກາະສຸມານຕຣາຂອງອິນໂດເນເຊຍໃນກາງຄືນວັນທີ 22 ທັນວາຜ່ານມາຊຶ່ງສົ່ງຜົນເຮັດໃຫ້ມີຜູ້ເສຍຊີວິດເພີ່ມຂຶ້ນເກືອບ 300 ຄົນ,ໄດ້ຮັບບາດເຈັບ 1.000 ຄົນແລະສູນຫາຍຫຼາຍກວ່າ 50 ຄົນຄາດວ່າຍອດຜູ້ເສຍຊີວິດຈະເພີ່ມຂຶ້ນເລື້ອຍໆຂະນະທີ່ອາຄານບ້ານເຮືອຈຳນວນຫຼາຍເປ່ເພເສຍຫາຍ,ໜ່ວຍງານບໍລິຫານຈັດການໄພພິບັດແຫ່ງຊາດອິນໂດເນເຊຍປະກາດເຕືອນປະຊາຊົນໃຫ້ຫຼີກເວັ້ນຢູ່ໃນພື້ນທີ່ແຄມຝັ່ງໃນພື້ນທີ່ຊຸນດາແລະຕິດຕາມຂໍ້ມູນຈາກທາງການຢ່າງຕໍ່ເນື່ອງ,ທັງນີ້ຜູ້ປະສົບໄພຈຳນວນຫຼາຍເຖິງກັບໝົດຕົວ,ປະກອບກັບໄຟຟ້າແລະນໍ້າປະປາໃນພື້ນທີ່ປະສົບໄພຍັງໃຊ້ງານບໍ່ໄດ້ເຮັດໃຫ້ຜູ້ປະສົບໄພເລີ່ມພົບກັບບັນຫາຂາດແຄນອາຫານ, ນໍ້າດື່ມ.

   ສ່ວນສາເຫດຂອງຄື້ນສຸນາມິເຊື່ອວ່າເປັນຜົນມາຈາກດິນເຈື່ອນໃຕ້ທະເລທີ່ເກີດຈາກແຮງສັ່ນສະເທືອນຂອງພູໄຟອານັກກຣາກະຕົວປະທຸຂຶ້ນຢ່າງແຮງຊຶ່ງສູນແຜ່ນດິນໄຫວແລະຄື້ນສຶນາມິແຫ່ງຊາດອິນໂດເນເຊຍກຳລັງລໍຖ້າເບິ່ງສະຖານະການຫຼ້າສຸດຂອງພູໄຟນີ້ວ່າຈະມີການປະທຸຂຶ້ນອີກເທື່ອໜຶ່ງ ຫຼື ບໍ່.

แชร์