"ແປດເຂື່ອນ ໜື່ງສູນບັນຊາ" ຂອງ POWERCHINA ຍັງຄົງສືບຕໍ່ສ້າງຄວາມເຂັ້ມແຂງໃນການພັດທະນາເສດຖະກິດ-ສັງຄົມຂອງປະເທດລາວ

ໃນຊ່ວງ ເດືອນເມສາ ຂອງປະເທດລາວ, ພາຍໃຕ້ແສງແດດທີ່ຮ້ອນອົບເອົາເໝືອນດັ່ງກັບໄຟປະຊາຊົນລາວບັນດາເຜົ່າໃນຂອບເຂດທົ່ວປະເທດ ຂອງ ສປປ.ລາວ ໄດ້ພາກັນຈັດຕັ້ງພິທີສະເຫຼີມສະຫຼອງບຸນສົງການປີໃໝ່ລາວຢ່າງສະໜຸກສະໜານ, ພ້ອມດຽວກັນນັ້ນພາຍຫຼັງທີ່ການແຜ່ລະບາດຂອງພະຍາດໂຄວິດ-19 ໄດ້ເບົາບາງລົງ ເຮັດໃຫ້ຈໍານວນນັກທ່ອງທ່ຽວ ແລະ ນັກລົງທຶນຈາກຕ່າງປະເທດ ໄດ້ເພີ່ມຈໍານວນຂຶ້ນຢ່າງຫຼວງຫຼາຍ, ເພື່ອອໍານວຍຄວາມສະດວກໃຫ້ແກ່ການໄປມາຫາສູ່ກັນໄດ້ຢ່າງສະດວກສະບາຍການຂົນສົ່ງໂດຍສານຂອງທາງລົດໄຟລາວ-ຈີນ ກໍ່ໄດ້ເພີ້ມຈໍານວນຖ້ຽວຂຶ້ນ, ເຮັດໃຫ້ປະລິມານການຊົມໃຊ້ພະລັງງານໄຟຟ້າໄດ້ເພີ້ມສູງຂຶ້ນຢ່າງຫຼວງ ຫຼາຍ. ໃນເວລາດຽວກັນເຂື່ອນໄຟຟ້ານໍ້າອູ ແລະເຂື່ອນໄຟຟ້ານໍ້າງື່ມ 5 ທີ່ກໍ່ສ້າງ ແລະ ດໍາເນີນງານໂດຍ POWERCHINA ຊຶ່ງປະກອບມີ "ແປດເຂື່ອນ ໜື່ງສູນບັນຊາ" ແລະ ກໍໄດ້ສະແດງພາລະບົດບາດທີ່ສໍາຄັນຂອງຕົນ ເພື່ອສືບຕໍ່ຊຸກຍູ້ ສ້າງຄວາມເຂັ້ມແຂງໃນການພັດທະນາເສດຖະກິດ-ສັງຄົມໃໝ່ ຂອງ ສປປ ລາວ. ຮອດທ້າຍເດືອນເມສາ, ບັນດາເຂື່ອນໄຟຟ້າທັງແປດແຫ່ງ ຊຶ່ງ POWERCHINA ເປັນຜູ້ລົງທຶນ ແລະກໍ່ສ້າງຢູ່ເຂດພາກເໜືອ ຂອງ ສປປ ລາວ ໄດ້ດໍາເນີນງານຢ່າງມີຄວາມປອດໄພ ແລະມີສະຖຽນລະພາບ, ດ້ວຍການຜະລິດກະແສໄຟຟ້າສະເລ່ຍຕໍ່ປີແມ່ນຫຼາຍກວ່າ 1200 GW.h, ເຊີ່ງເພີ່ມຂື້ນ 18% ຈາກປີທີ່ຜ່ານມາ ແລະ ກວມເອົາ 31% ຂອງອັດຕາການຜະລິດກະແສໄຟຟ້າທົ່ວປະເທດລາວໃນປັດຈຸບັນ, ຊຶ່ງເປັນການປະກອບສ່ວນທີ່ສໍາຄັນໃນການຫຼຸດຜ່ອນ-ແກ້ໄຂບັນຫາການຂາດແຄນພະລັງງານໄຟຟ້າໃນຊ່ວງລະດູແລ້ງຢູ່ບັນດາຂົງເຂດທາງພາກກາງ ແລະພາກເໜືອຂອງລາວຢ່າງມີປະສິດທິພາບ.

"ແປດເຂື່ອນ ໜື່ງສູນບັນຊາ" ທີ່ POWERCHINA ໄດ້ລົງທຶນ ແລະກໍ່ສ້າງຢູ່ປະເທດລາວນັ້ນປະກອບມີເຂື່ອນໄຟຟ້ານໍ້າອູ ທັງ 7 ເຂື່ອນ, ເຂື່ອນນໍ້າງື່ມ 5 ແລະ ສູນກາງຄຸ້ມຄອງການດໍາເນີນງານ ແລະ ບໍາລຸງຮັກສາເຂື່ອນໄຟຟ້ານໍ້າອູ ໂດຍແມ່ນບໍລິສັດຜະລິດໄຟຟ້າພະລັງງານນໍ້າ ນໍ້າອູ ເປັນຜູ້ຄຸ້ມຄອງຊຶ່ງໄດ້ສະແດງພາລະບົດບາດ ໃນການຈັດສັນຊັບພະຍາກອນໃນພາກພື້ນ ແລະ ສ້າງກົນໄກການຮ່ວມມື-ແລກປ່ຽນພະລັງງານ ຢ່າງມີປະສິດທິພາບ, ໂດຍໝູນໃຊ້ປະໂຫຍດຈາກການບໍລິຫານນໍ້າ ໃນອ່າງເກັບນໍ້າຂອງເຂື່ອນໄຟຟ້າຕາມສາຍນໍ້າ ແບບຂັ້ນໄດ ແລະ ບັນດາເຂື່ອນໄຟຟ້າຕ່າງໆໃນພາກພື້ນ, ໂດຍສະເພາະແມ່ນການດັດສົມປະລິມານນໍ້າໃນອ່າງໃຫຍ່ ແບບຫຼາຍປີຂອງເຂື່ອນໄຟຟ້ານໍ້າອູ7 ແລະ ເຂື່ອນນໍ້າງື່ມ5, ເຊີ່ງຜົນຂອງການບໍລິ ຫານຈັດການນໍ້າ ພາຍໃນໄລຍະໜື່ງປີ ຫຼື ຫຼາຍກວ່າໜື່ງປີ ແລະ ໂດຍໝາກຜົນຂອງການ "ກັກເຕັມ-ແລ້ງເຕີມ", ເຮັດໃຫ້ໃນຊ່ວງລະດູຝົນ ແມ່ນສາມາດຫຼຸດຜ່ອນປະລິມານການໄຫຼຂອງນໍ້າ, ຫຼຸດຜ່ອນໄພພິບັດ ແລະ ປ້ອງກັນການເກີດໄພນໍ້າຖ້ວມ ຕາມລ້ອງນໍ້າອູຕອນລຸ່ມ ໄດ້ຢ່າງມີປະສິດທິພາບ, ແລະ ໃນຊ່ວງລະດູແລ້ງ ກໍ່ສາ ມາດເພີ້ມປະລິມານການໄຫຼຂອງນໍ້າ ໃນລໍານໍ້າໄດ້ເປັນຢ່າງດີ, ຍີ່ງໄປກວ່ານັ້ນ ຍັງເຮັດໃຫ້ປະລິມານນໍ້າທີ່ໄຫຼຈາກແມ່ນໍ້າອູ ລົງສູ່ແມ່ນໍ້າຂອງ ໃນຊ່ວງລະດູແລ້ງແຕ່ເດືອນມັງກອນຫາເດືອນມິຖຸນາ ມີປະລິມານເພີ່ມຂື້ນປະມານ 30% ເມື່ອທຽບໃສ່ປະລິມານນໍ້າໄຫຼ ຕາມທໍາມະຊາດໃນເມື່ອກ່ອນ, ນີ້ເປັນການຄໍ້າປະກັນຄວາມອາດສາມາດໃນການສະໜອງນໍ້າໃນແມ່ນໍ້າຂອງໃນຊ່ວງລະດູແລ້ງໄດ້ຢ່າງໜ້າເພິ່ງພໍໃຈ;

ໂດຍຜ່ານການຄວບຄຸມຂອງສູນບັນຊາເຂື່ອນໄຟຟ້ານໍ້າອູຢ່າງມີປະສິດທິພາບເຮັດໃຫ້ແຕ່ລະເຂື່ອນສາມາດສຶບຕໍ່ຮັກສາລະດັບນໍ້າໄດ້ຢ່າງສະໝໍ່າສະເໝີພ້ອມທັງເພີ້ມຂີດສາມາດຍົກລະດັບກໍາລັງການຜະລິດພະລັງງານຂອງເຂື່ອນໄຟຟ້ານໍ້າອູຕອນລຸ່ມໃນຊ່ວງລະດູແລ້ງຢ່າງມີປະສິດທິພາບ, ບໍ່ພຽງແຕ່ເທົ່ານັ້ນສູນບັນຊາເຂື່ອນໄຟຟ້ານໍ້າອູ ຍັງມີພາລະບົດບາດທີ່ສໍາຄັນ ໃນການປັບໂຫຼດ ແລະຄຸ້ມຄອງຄວາມປອດໄພເພື່ອຫຼຸດຜ່ອນການເກີດອຸປະຕິເຫດຂອງຕາຄ່າຍໄຟຟ້າຢູ່ທາງພາກກາງ ແລະພາກເໜືອຂອງລາວ, ເປັນການຍົກລະດັບຄວາມ ໜ້າເຊື່ອຖືໃນຄວາມປອດໄພ ແລະຄວາມສະຖຽນລະພາບຂອງລະບົບຕາຄ່າຍໄຟຟ້າເພື່ອປະກອບສ່ວນເຂົ້າໃນການພັດທະນາ ດ້ານເສດຖະກິດ- ສັງຄົມໃນ ສປປ ລາວ.

POWERCHINA ໄດ້ດໍາເນີນການຮ່ວມມືຢູ່ໃນພາກພື້ນຂອງປະເທດລາວຢ່າງເລິກເຊິ່ງໂດຍແບ່ງປັນໝາກຜົນຂອງຄວາມສໍາເລັດໃນການກໍ່ສ້າງເຂື່ອນໄຟຟ້ານໍ້າອູ ແລະ ເຂື່ອນນໍ້າງື່ມ 5 ໃຫ້ກາຍເປັນ ເຂື່ອນໄຟຟ້າ "ກະດູກສັນຫຼັງ" ໃນດິນແດນແຫ່ງນີ້, ຊຸກຍູ້ສົ່ງເສີມເຊື່ອມໂຍງການຮ່ວມມືດ້ານພະລັງງານໄຟຟ້າຢູ່ໃນພາກພື້ນ, ບໍາລຸງສ້າງບຸກຄະລາກອນໃຫ້ມີຄວາມຮູ້ຄວາມສາມາດ, ແບ່ງປັນຄວາມຮູ້ທາງດ້ານເຕັກນິກຂອງເຂື່ອນໄຟຟ້າພະລັງນໍ້າ, ການຄຸ້ມຄອງການດຳເນີນງານ ແລະຄວາມທັນສະໃໝຂອງລະບົບອຸຕຸນິຍົມວິທະຍາ, ອຸທົກກະສາດ, ການນໍາໃຊ້ຊັບພະຍາກອນນໍ້າ ແລະການຈັດການສິ່ງແວດລ້ອມທາງນໍ້າ ແລະອື່ນໆ; ຫ້າວຫັນໃນການສະແດງບົດບາດ ທາງດ້ານການຄຸ້ມຄອງພະລັງງານນໍ້າ ຂອງກຸ່ມເຂື່ອນໄຟຟ້າທີ່ຢູ່ໃນພາກພື້ນ, ລວມທັງການຄາດຄະເນສະພາບອຸຕຸນິຍົມ ແລະ ອຸທົກກະສາດ, ການປ້ອງກັນ ການຫຼຸດຜ່ອນໄພພິບັດຈາກນໍ້າຖ້ວມ, ການປົກປັກຮັກສາສິ່ງແວດລ້ອມ, ການຕິດຕໍ່ພົວພັນ ແລະ ການພັດທະນາເຂດບ້ານຈັດສັນ, ຜົນປະໂຫຍດສ່ວນລວມຂອງສັງຄົມ ແລະຊຸກຍູ້ສົ່ງເສີມການຮ່ວມມືລະຫວ່າງແມ່ນໍ້າຂອງ-ແມ່ນໍ້າລ້ານຊ້າງ, ຄວາມມີສະຖຽນລະພາບ ຂອງພະລັງງານໄຟຟ້າ ຈື່ງຈະສາມາດຮັບປະກັນໃຫ້ແກ່ການດໍາເນີນງານຂອງເສັ້ນທາງລົດໄຟລາວ-ຈີນ ຢ່າງໝັ້ນຄົງ ແລະ ຍົກລະດັບການສະໜອງຄວາມຕ້ອງການໃນການນໍາໃຊ້ໄຟ ສໍາລັບພາກອຸສາຫະກໍາ ເພື່ອພັດທະນາເສດຖະກິດ-ສັງຄົມໃນທ້ອງຖີ່ນ.

ໂຄງການເຂື່ອນໄຟຟ້ານໍ້າອູ ແບບຂັ້ນໄດ ມີທີ່ຕັ້ງຢູ່ໃນເຂດແຂວງຫຼວງພະບາງ ແລະແຂວງຜົ້ງສາລີ ຢູ່ພາກເໜືອຂອງປະເທດລາວ, ມີກໍາລັງຕິດຕັ້ງການຜະລິດລວມທັງໝົດ 1,272 MW, ສາມາດຜະລິດກະແສໄຟຟ້າຫຼາຍປີສະເລ່ຍປະມານ 5000 GW.h; ເຂື່ອນໄຟຟ້ານໍ້າງື່ມ 5 ແມ່ນໂຄງການເຂື່ອນໄຟຟ້າຮູບແບບ BOT ເປັນໂຄງການທໍາອິດທີ່ POWERCHINA ໄດ້ລົງທຶນພັດທະນາຢູ່ໃນ ສປປ ລາວ ເຊີ່ງຕັ້ງຢູ່ນໍ້າຕິ່ງ ຊຶ່ງເປັນສາຂາຂອງແມ່ນໍ້າງື່ມ, ມີກໍາລັງຕິດຕັ້ງການຜະລິດ 120 MW, ສາມາດຜະລິດກະແສໄຟຟ້າຫຼາຍປີສະເລ່ຍປະມານ 500 GW.h. ມາຮອດປັດຈຸບັນ, POWERCHINA ໄດ້ລົງທຶນກໍ່ສ້າງ ແລະ ດໍາເນີນງານມີ ກໍາລັງຕິດຕັ້ງການຜະລິດລວມທັງໝົດຈໍານວນ 1,392 MW, ສາມາດຜະລິດກະແສໄຟຟ້າສະສົມ ໄດ້ຫຼາຍກວ່າ 17000 GW.h, ຊຶ່ງກວມເອົາ 30% ຂອງກໍາລັງການຜະລິດຂອງບັນດາເຂື່ອນໄຟຟ້າ ທີ່ຢູ່ພາຍໃຕ້ການບັນຊາຄຸ້ມຄອງ ຂອງລັດວິສະຫະກິດໄຟຟ້າລາວ.

แชร์