ຄຳມ່ວນ ຖືເອົາການທ່ອງທ່ຽວເປັນທ່າແຮງຕົ້ນຕໍ

ແຂວງຄໍາມ່ວນ ເປັນດິນ ແດນແຫ່ງອະລິຍະທໍາທີ່ເກົ່າແກ່; ຊາວ ເມືອງເປັນຄົນທີ່ມີຈິດໃຈເຜື່ອແຜ່ອາ ລີ ແລະມີຄວາມອາດຫານຊານໄຊ; ພ້ອມນັ້ນ, ຍັງມີຊັບພະຍາກອນທໍາ ມະຊາດທີ່ຫຼາກຫຼາຍ; ມີມູນເຊື້ອ  ແລະ ຮ່ອງຮອຍປະຫວັດສາດທີ່ເລື່ອງລື; ມີແຫຼ່ງທ່ອງທ່ຽວທໍາມະຊາດ, ປະ ຫວັດສາດ ແລະວັດທະນະທໍາທີ່ຢັງ ຢາຍໃນຫຼາຍພື້ນທີ່ຂອງແຂວງ ຊຶ່ງ ຄວາມອຸດົມສົມບູນເຫຼົ່ານັ້ນໄດ້ກາຍ ເປັນທ່າແຮງທີ່ບົ່ມຊ້ອນ ແລະເປັນ ເງື່ອນໄຂທີ່ດີໃຫ້ແກ່ການພັດທະນາ ເສດຖະກິດສັງຄົມຂອງທ້ອງຖິ່ນ.

ທ່ານ ບຸນທະວີ ສີສົມບັດ ຮອງ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງ ຄໍາມ່ວນ ໄດ້ແຈ້ງໃຫ້ຮູ້ເມື່ອຕົ້ນເດືອນ ເມສານີ້ວ່າ:  ການນໍາຂອງແຂວງຄໍາ ມ່ວນພວກເຮົາໄດ້ຖືເອົາການທ່ອງ ທ່ຽວເປັນທ່າແຮງຕົ້ນຕໍໃນ 3 ທ່າ ແຮງໃຫຍ່ຂອງແຂວງໂດຍມີທ່າແຮງ ກະສິກໍາ-ປ່າໄມ້; ອຸດສາຫະກໍາ (ພັດ ທະນາພະລັງງານ ແລະບໍ່ແຮ່) ແລະການບໍລິການ-ການທ່ອງທ່ຽວ ຊຶ່ງ ໃນປະຈຸບັນວຽກງານທ່ອງທ່ຽວໄດ້ ສໍາຫຼວດຂຶ້ນບັນຊີທັງໝົດ 207  ແຫ່ງ ໃນນີ້ມີແຫຼ່ງທ່ອງທ່ຽວທໍາມະຊາດ 143 ແຫ່ງ, ວັດທະນະທໍາ 33 ແຫ່ງ ແລະແຫຼ່ງທ່ອງທ່ຽວປະຫວັດສາດ 31 ແຫ່ງ ໃນຂະນະດຽວກັນ, ກໍ່ມີສິ່ງ ຮອງຮັບໃນລະດັບດີທີ່ສົມຄູ່ກັບການຂະຫຍາຍຕົວຂອງການທ່ອງທ່ຽວຊຶ່ງມີໂຮງແຮມ 25 ແຫ່ງ, ເຮືອນພັກ 110 ແຫ່ງ, ລີສອດ 5 ແຫ່ງ, ຮ້ານອາຫານ 159 ແຫ່ງ, ສະຖານ ບັນເທິງ 6 ແຫ່ງ, ມີ 5 ບໍລິສັດທ່ອງ ທ່ຽວ;  ສໍາລັບປີທ່ອງທ່ຽວ 2018 ນີ້ ໄດ້ຕ້ອນຮັບນັກທ່ອງທ່ຽວທັງໝົດ 423.830 ຄົນໃນນີ້ນັກທ່ອງທ່ຽວ ສາກົນ 283.494 ຄົນ ແລະສາ ມາດສ້າງລາຍຮັບໄດ້ຫຼາຍກວ່າ  310  ຕື້ກວ່າກີບ.

ທ່ານ ບຸນທະວີ ສີສົມບັດຍັງ ກ່າວເຖິງການປັບປຸງເສັ້ນທາງ  ແລະ ພັດທະນາສິ່ງຮອງຮັບຕ່າງໆໃນແຫຼ່ງ ທ່ອງທ່ຽວເຂດພະທາດສີໂຄດຕະ ບອງ; ຖໍ້າພະໜອງປາຜາແລະແຫ່ງອື່ນໆຈໍານວນໜຶ່ງ ຊຶ່ງໄດ້ນໍາໃຊ້ງົບ ປະມານພາຍໃນລວມທັງພາກເອກະຊົນ ແລະສາກົນ ແລະການທ່ອງ ທ່ຽວມີສ່ວນຮ່ວມຂອງປະຊາຊົນ ຕິດພັນກັບການປັບປຸງຊີວິດການ ເປັນຢູ່, ການສ້າງວຽກເຮັດງານທໍາ, ການແກ້ໄຂຄວາມທຸກຍາກ ແລະ ການປົກປັກຮັກສາສິ່ງແວດລ້ອມ; ພ້ອມນັ້ນ, ຍັງໄດ້ພັດທະນາ ແລະຍົກ ລະດັບຄຸນນະພາບຂອງຜູ້ປະກອບ ການດ້ານການບໍລິການທ່ອງທ່ຽວ; ພັດທະນາການສົ່ງເສີມການທ່ອງ ທ່ຽວໃນສື່ສິ່ງພິມ-ສື່ເອເລັກໂຕຣນິກ ເຮັດໃຫ້ນັກທ່ອງທ່ຽວໄດ້ມາສໍາຜັດ ກັບຄວາມເປັນຈິງຫຼາຍຍິ່ງໆຂຶ້ນ.

ທ່ານຮອງຫົວໜ້າພະແນກຖະ ແຫຼງຂ່າວ, ວັດທະນະທໍາ ແລະທ່ອງ ທ່ຽວແຂວງຄໍາມ່ວນຍັງແຈ້ງໃຫ້ ເຫັນບັນຫາທ້າທາຍໃນຜ່ານມາ ແລະ ຕໍ່ໜ້າ ໂດຍສະເພາະແມ່ນບັນຫາເສັ້ນ ທາງເຂົ້າສູ່ແຫຼ່ງທ່ອງທ່ຽວຫຼາຍຈຸດ ໄປໄດ້ແຕ່ລະດູແລ້ງ; ລະບົບສື່ສານດ້ານໂທລະຄົມ ແລະສື່ສານດ້ານພາ ສາເຊັ່ນ: ຜູ້ນໍາທ່ຽວ (ໄກ) ບາງຄົນ ບາງເຂດບໍ່ສາມາດຮັບສັນຍານໄດ້ ຫຼື ໃຫ້ຄວາມເຂົ້າໃຈກັນໄດ້; ງົບປະ ມານຂອງລັດທີ່ນໍາໃຊ້ເຂົ້າໃນການ ໂຄສະນາ ແລະບາງທ້ອງຖິ່ນມີຜະລິດ ຕະພັນດ້ານກະສິກໍາຍັງຈໍາກັດ; ລາ ຄາສິນຄ້າບາງບ່ອນຍັງສູງ; ສະນັ້ນ, ເພື່ອພັດທະນາການທ່ອງທ່ຽວໃຫ້ດີຂຶ້ນ ໂດຍການປະຕິບັດໃຫ້ໄດ້ຄື: “ດຶງດູດມາຫຼາຍ, ຢູ່ດົນ, ປອດໄພ, ປະທັບໃຈ ແລະກັບມາອີກ” ແຂວງ ຄໍາມ່ວນ ຂອງພວກເຮົາຈະໄດ້ພ້ອມກັນເປັນເຈົ້າພາບທີ່ດີ, ມີການບໍລິ ການດີ,ມີຄວາມສະອາດ ແລະຮັກແພງເບິ່ງແຍງນັກທ່ອງທ່ຽວດ້ວຍ ຄວາມເປັນມິດໄມຕຼີ, ອັດທະຍາໄສດີ ແລະປົກປ້ອງຄວາມສະຫງົບປອດ ໄພຂອງບ້ານເມືອງ.

ໂດຍ: ຣັດສະໝີ

 

แชร์